دخلت صفية الشرفة حيث تجلس ماما أماني تحتسي فنجان القهوة الصباحي حاملة زينة بين ذراعيها
"صباح النور على البنوور "
" صباح الورد يا حبيبتي ، الجميل الصغنن زعلان ليه بدري كدا "
"كريم بيزُقَّها كل ما تحاول تقف يوقعها" ضحكت صفية.
"شبهها أوي " علا الحزن عيون أماني.
" شبهها آه و شبهك انتي كمان ، انتي عارفة و هي قدها كدا انا كنت بشيلها برضو كنت كبيرة فالجامعة ، حاسة اني بقيت جِدة ، شوفتي جدة حلوة كدا زيي قبل كدا " ضحكت صفية .
"يحلي أيامك يا حبيبتي " نظرت إليها بحب.
"ياااااه ، الدعوة دي وحشتني اوي " أدخلت زينة و احضرت كوب من الشاي و عادت الي الشرفة لتستكمل حديثهما.
" لابسة و نازلة بدري ليه النهاردة"
" دكتور شهاب جه امبارح السنتر كان مضايق اني رجعت الشغل ، وقال انه جاي النهاردة ... كمان ساعة كدا تقريبا " قالت صفية بقلق و حزن وهي تنظر الي ساعتها.
أومأت أماني برأسها و لم ترد..
ترددت صفية لحظات ثم أضافت :" انا حاسة انه هيجي ياخد الولاد مننا يوديهم لمامته "
" مامته ست كبيرة يا صفية مش هتستحمل الوش اللي جوة دا اخرها تشوفهم يوم وتبوسهم و ترجعهم للشغالة وهو عارف كدا كويس اوي "
نظرت صفية الي السماء :"ربنا يستر ، هدخل اشوف بيعملو ايه جوة " أودعت قبلة على خد أماني و نهضت.
" متشيليش الهم يا بنتي تلاقيه جاي يقعد مع ولاده"
" انا مش شايلاه يا ماما اماني الهم هو اللي شايلني العمر كله مش راضي ينزلني " ضحكت صفية و اتجهت الي الداخل.
*********
حضر شهاب ظهرًا كما وعد و جلس مع أطفاله و حرصت ماما أماني على ذكر متابعاتها مع الاطباء و الأدوية بالتفصيل و جلسات العلاج الطبيعي المكلفة و لم يحتاج شهاب تلميح أوضح من ذلك أن هذا ما اضطر صفية للعودة الي العمل مرة اخرى .
"صفية هتفضل مستخبية جوة كتير ولا ايه" ضحك شهاب وهو يحمل كريم بين ذراعيه.
"انت عايزها في حاجة يا بني "
"هسألها بس على كام حاجة كدا "
كانت صفية بالفعل تختبئ بالداخل تتجنب مقابلته فهو بالأخير يتجنبها معظم الوقت و عندما استدعتها أماني أخذت وضع الدفاع عن النفس و خرجت لمقابلته و لكن فور وجدته جالسًا على الارض بجانب الاطفال لم تستطيع ان تقاوم ابتسامتها ..
أنت تقرأ
صفية 🥀
Romance"أنا صفية عمري ٣٢ سنة عزباء أو عانس يعني تخطيت العمر الرسمي للزواج في مصر- بكام سنة كدا- مع إني مش وحشة اوي يعني بس مش راضية تظبط معايا .. دايما دايما بيحصل حاجة غلط عموما مش دي القصة خالص أنا أصلًا استلسمت من زمان جدا ... بطلت معافرة .. بطلت أجري...
