ياليتني لم اخلق _ البارت الثاني و الاربعون
(( بقلم // الكاتبة : شهد علي ))
_ حبايبي انشروا القصه حتى التفاعل يزيد
_ لاتنسون التصويت على البارت والتعليق بين الفقرات
_ متابعة لحسابي ✨❤️
__ __ __ __ __ __ الكاتبة: شهد علي __ __ __ __ __
ميار / أخذني للنجف يله ارضه
محمد / امري الله من البارحه و اليوم بس تنكين اروح للنجف اروحح كومي جهزي روحج خليني اخذج
مسحت ادموعي باثنين اديه و ابتسمت و كتله
ميار / كول و الله
محمد / و الله
اتقربت يمه و بسته بخده و كتله
ميار / شكرا شكرااا احبككك
محمد / خبله
ميار / عادي اليوم اسمحلك تكول خبله لان راح نروح هسه خليني اكوم اجهز نفسي
محمد / كومي قابل اني كامشج
عفته و رحت بسرعه طلعت ملابس و طبيت للحمام سمعته يكول على كيفجج لا توكعين جنتت كلش فرحانه لان راح اروح للنجف. حسيت نفسي طير و طاير كلش مشتاقه لامي صارلي كومه ما رايحه الها
سبحت و بدلت ملابسي و اني بالحمام طلعت ما لكيته رحت طلعت الشسوار و شسورت شعري و لفيت شعري و لبست حجابي طلعت عباتي لبستها و نزلت لكيته لابس و مخلص و كاعد يم حبوبتي
شافني و كال
محمد / ها جاهزه
ميار / اي
الحجيه / يمه حميد دير بالك من تسوق
محمد / صار حجيه محتاجين شي
الكل / سلامتكم
محمد / يله بويه امشي
مشيت كدامه و صعدت بالسياره و اتوجهنااا للنجف
بعدنا ما طالعين من منطقتنا و شفنه امي هستوه جايه من شافتنا ضلت تأشر لمحمد يوكف
و كفنا السياره و كالت
سناء / وين رايحين
محمد / و الله عمه بنتج مخبلتني من البارحه و اليوم تنگ فوك راسي تريد تروح للنجف
سناء / هاا ولج ميره اني شكتلج
ميار / شكلتي
سناء / ثول محمد أخذنا للبيت ميار
محمد / شسوين رايحه لهناك
سناء / أخذنا و عود اني اسولفلك بالطريق
ميار / و روحه النجف
سناء / بعدين ياخذج محمد غير يوم
صعدت امي و اتوجهنا لمحافظتي المحافظة الي اتأذيت بيها الي انطعن شرفي بيها اخخخ يا زمن يروح و يرجع لنفس المكان تدوور تدوور الدنيا بيه و ترجعني نفس مكاني نفس عذابي
امي سناء سولفت لمحمد كل الحجي الي كالته ام جعفر
ميار / تره اني ما مقتنعه بكلامها
محمد / خلينا نروح و نشوف قابل شراح نخسر
سناء / اي يمه شكد يله نوصل
محمد / بعد عمه تردن شي انزل اجيبه الجن
ميار./ لا اني ما اريد شي
سناء / سلامتك يمه
رجعت راسي على الكشن و صفنت على الطريق
جان الطريق كلش طويل نزلنا حتى نستراح و جاب محمد النه اكل ما اشتهيت اكل شي لان جنت خايفه
ΔΙΑΒΑΖΕΙΣ
ياليتني لم اخلق
Μυστήριο / Τρόμου/ Θρίλερتتحدث القصه عن فتاة تأخذ الحياة امها ليعذبها أبيها ومرت أبيها ياترى ماذا سوف يحدث لها وماذا تخبئ الحياة لها ؟؟؟ تابعوا القصه
