ياليتني لم اخلق

البارت الواحد و الثلاثون

ياليتني لم اخلق _ البارت الواحد و الثلاثون

(( بقلم // الكاتبه : شهد علي ))

_ حبايبي انشروا القصه حتى التفاعل يزيد
_ لاتنسون التصويت على القصه و التعليق بين الفقرات
_ متابعه لحسابي ✨❤️

_____ _____ الكاتبه : شهد علي ______ _______

مرام / هسه خليني أني اباركلكم ولو اني زعلانه لان ما عزمتوني

ميار / مو صارت الخطوبه بسرعه بسرعه مو هيج شيخ
محمد / اي انشالله نعزمج بالعرس

مرام / عوزك ما تعزمني على العرس علمود فدمره ازعل
محمد / هههه لا عمي انتي اول وحده معزومه

مرام / اي نسيت اباركلك

تقربت منه يمكن رادت تبوسه بس اني بسرعه سويت نفسي عثرت بالعبايه و كعت بالكاع ف محمد عافها و اجاني

محمد /. بيج شي
ميار ( بجذب ) / اي رجلي توجعني

مرام / اذا متعرفين تلبسين العبايه شكو تلبسيها

ردت ارد عليها كمش ايدي محمد

محمد / خاله طبي جوه انتي و مرام هسه نلحكج عيب صارلكم ساعه هنا

سناء / اي تفضلو طبو جوه عيني
ام مرام / انشالله ماكو شي حبيبه يجوز صار فسخ برجلج

طبن جوه و اني باوعت لمحمد كام على حيله و ضحك نص خد و هز راسه

محمد / كومي كلشي مابيج
ميار / شنو كلشي مابيه متشوفني و كعدت  رجلي توجعني و انته تضحك عليه

كعد يمي و كال

محمد / لو بيج شي جان هسه ركضت بيج للمستشفى بس هاي حيله منج علمود مرام  لان شفتي مرام اتقربت يمي و كعتي نفسج

ميار / ها لا و شعليه اني و اذا مرام تقربت يمك
محمد / ما اتغارين
ميار / لا ليش اغار من هاي الصفره و علي إذا اكمشها اكسرها تكسر و اخليها شهر بالمستشفى

محمد / ليش
ميار / ما شفتها شلون تحجي وياي و انته ساكت بس انته تعرف ويامن تضحك و يامن ترزل

ابتسم و كال

محمد / يعني هسه انتي ما تغارين عليه
ميار  / لا ما اغار
محمد / ماشي

اشو هذا عافني و راح طب جوه كمت عدلت نفسي و نفضت عباتي و رحت وراه لان ادري بي مو راحه و لازم اليوم يضوجني

طبيت لكيتهم كلهم كاعدين بالاستقبال و ابو النسوان كاعد يمها

خلاني افور رحت كعدت يم امي و بصفي سوسن

سوسن / اكلج تره هاي مو راحه شوفيها شلون تتماوع ويه رجلج

ميار / خلي تولي
سوسن / شنو خلي تولي ولج بابا خافي منها لا تأخذ رجلج