ياليتني لم اخلق

البارت الثامن

ياليتني لم اخلق ...... البارت الثامن
الكاتبه ... شهد علي
*****
*******
*********
*************
*****************

ابو ميار / انته بس حضر امورك وانشالله خير
-مو هيه لحد الان ما تدري
- لا اكللها بس حضر الفلوس كامله
-هاهيه الله وياك

حنان / ها بشر
سيف / يريدها هذا الأسبوع
حنان/خوش هسه اروح لميار احجي وياها
سيف/ مااعرف مو هسه اكللها بلكي اقنعه فد شهر
حنان/ هاي صدك تحجي خلي ينطينا الفلوس وياخذها خلي يوم الخميس يجي لان وفاء كالت يوم الثلاثاء يجيبون ورث امها نأخذ الورث والفلوس الي راح ينطيها النه ابو حسين
سيف/ شلج بورث ساره خلي الها هاي مالت امها
حنان/ اسكت شنو شلي بي اريد امن مستقبل لبناتي ولدي شحالها بنتك راح تروح لرجال زنكيل ونته هل الايام شغلك مو زين
سيف/ بس هذا حق يتيمه
حنان/ ديلا عيني شبيها يتيمه اشو راح تاخذ احسن قسمه انته اطلع منها خليني اني اعرف اتصرف

ميار/ من سمعت كلامهم صعدت بسرعه الغرفه
ميار /معقوله ابوي يوصل لهيج مرحله ويبيعني علمود الفلوس مستحيل يسويها حتلو يكرهني اضل اني بنته
ضليت ابجي وأقنع نفسي ابوي ماراح يسويها ويبيعني
لحد ما نمت

كعدت الصبح قنعت نفسي هذاك الحجي الي سمعته مجرد حلم ابوي ما يسويها صليت ونزلت سويت ريوك اتريك ابوي وطلع

حنان/ عاشت ايدج ع هذا الريوك كومي صبيلي بعد جاي ولو اكلج عوفي الجاي مشتهيه كهوه بالحليب من ايدج
ميار/ صار
كمت سويت لها كهوه  وانطيتها اجتي نورس صاحت اريد ريوك ردت اكوم كمشت ايدي خالتي حنان
حنان/ كومي انتي ايدج مكسره 
باوعتلي وابتسمت كعدي يبعد خالتج ماعليج بيهن هنه يكومن يخدمن روحن

نورس وسعاد بقن مصدومات حتى اني انصدمت معقوله هيه هاي نفسها مرت ابوي

ضليت كاعده يمها واباوع تلفزون كمت اشتغل بالبيت بس هل المره ساعدني نورس وسعاد

مشت الايام ع طبع خالتي حنان الي مااعرف شبيها  ساعه اكول يمكن مريضه
اجو بس خوالي خالتي وفاء ما اجتي وانطوني ورث امي الله يرحمها
جان ورث امي كله 10 ملايين انطونيا وراحوا مارضو يبقون 

ف اجه ابوي اخذه من عندي ماحجيت شي سكتت
مر اليومين عادي بين تنضيف البيت والطبخ بس نكدر نكول رجعت حنان لوضعها السابق بس احسن شويه

وهذا اليوم الي غير مجرى حياتي كلها
جنت كاعده وأجتني خالتي جايبه وياها فستان وحده وياها  اسمها جميله