ياليتني لم اخلق

البارت السابع عشر

ياليتني لم اخلق _ البارت السابع عشر

بقلم / الكاتبه _ شهد علي

************************

درت وجهي وشفت الشيخ
حجيت بكلبي اهووو هم هذا انوب ضل يباوع
ف كتله
ميار / لعد سند وين
محمد / شلج دخل أصعدي يلا
ميار / ها لا انتضر سند
محمد / ميار لا تختبرين صبري تره واصله لهنا ويأشر لخشمه
فتح باب الصدر وصاح يلااا أصعدي

صعدت
محمد / شدعوه هل كد غاطه بالطحين
ميار / محاطه تره شي قليل
محمد / يي شي قليل حمرتج مسحيها
ميار / علكيفك شيخنا رايحه لعرس مو لفاتحه
محمد / ولج السانج طولان تره لحد الان ما عاقبتج
ميار / على شنو تعاقبني ما مسويه شي غلط
محمد / بعدين مو هسه مااريد اخرب مزاجي

سكتت ومارديت علي درت وجهي اباوع للطريق اول ما وصلنا ضل لمي روحج زين نزلي راسج دوخنييي

نزلت اول ما نزلت شافوني عمار وضرغام
ضرغام ابتسملي وأجاني
سوالي طريق حتى. افوت للبيت لان جان الشارع متروس زلم
طبيت للبيت اول ماطبيت لكيت هداوي

ميار / ها هدوشه شلونج
هدى / هلا الحمدلله انتي شلونج
ميار / بخير
هدى / كالو ما تجين كلش ضجت بس ولج شنو هل الحلاا كله طالعه كيك
ميار / يروحي وانتي طالعه تخبلين عوفينا من الغزل هذا الغزل مو الي للحب غمزتلها

ضربتني على أيدي وكالت / خايبه اشو انجبي ياحب يا بطيخ
ميار / يا ولج خوما اتعاركتو
هدى / بعدين نسولف
ميار / براحتج اريد انزع عباتي بس وين اخليها
هدى / انطيها لاخت العروس هيه ضمت عبينه بس اكلج شجاها مرت ضرغام ذبت لحم
ميار / هههه غير فرحانه
هدى / الله ينطينا من فرحها
ميار / امشي اشوف اخت ريم انطيها عباتي
هدى / بس خليني اعدل مكياجي
ميار / ماشي

عدلت مكياجها ورحت انطيت عباتي وطبيت للاستقبال
النسوان ضلت تباوعلي حسيت نفسي اكو شي غلط بيه
عيوني ضلت ادور على امي
شفتها كاعده بالاخير
رحت الها اول ماشافتني ارسمت على شفايفها الابتسامه وكامت باستني

ميار / اكلج يمه لبستي ثوبج حتى تضمينه جوه عباتج انزعيها
سناء / جانت الحفله كلش مضوجتني بس هسه لا اليوم أركص للصبح
ميار / هههه طبعا اتركصين للصبح عرس ابن أخوج هذا

اجتني حضنتني وكالت
سناء / كلش فرحت من اجيتي ضجت من ما اجيتي ويانا
ميار / ماما ففدوه لا تبجيني ما تعرفين هذا المكياج
3 مرات غسلت وجهي يلا صار هيج

سناء / بس طالعه گمر
ميار / عوفي الگمر وروحي هوسي يلا

رحت كعدت يم حبوبتي وماما كامت تهوس ويا اخوات ضرغام وخالاتي
طبت بنصهن وكمشت طرف عباتيها وهوست

عرس ضرغام هيل وطش بالولايه
عرس ضرغام هيل وطش بالولايه

***********