المواجهة 🔥

أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀170🥀

عٌنِدٍ أّنِـــسِـ🥀

جاب خدامة تعاونو في مريم وكلم  حاسيبة خبرهم انو هو راح يخليها عندو باش يعالجها وطبعا رفضت لمرة لأولة مي وقت اصر عليها وعرف كيفاش يقنعها واقفت.... دخل لشمبرتها لقاها قاعدةتشوف في الفراغ وجها وعينيها فارغين من اي لمعة... تنهد وقرب منها يتبسم... انس: مريم هيا يا حلوة راح نبداو العلاج علابالي كرهتي حالتك هادي اصلا نتي متصبريش على الهدرة الفارغة ومتحمليش السكوت على هاك راح نخرجك من هاد المود.... وقفها حملها بين ايديه يشوف فيها كيفاه كانت وكيفاه رجعت غاضتو بزاف.... هبط بيها خرجها للجاردان لي كان صغير وفيه بزاف انواع ورد قعدها فوق كرسي خشبي وقعد قدامها باش يبدا العلاج(بون منيش بسيكو ومقريتش على علاج الصدمة مي اذا فرغت راح نجيبلكم مقالات طبية على هاد المرض و على كيفية علاجو)....

بعد مدة طويلة من العلاج لي ملقا حتا نتيجة منو تنهد ووقفها جملها دخلها لدار وكلها وشربها دواها وحملها طلعها لشمبرتها صطحها في سرير يشوف فيها وفي عينيها الفارغين من اي لمعة تنهد ومد ايدو يمسح على شعرها... انس: زعما في شنوا راكي سارحة يا صغرونة نعرف انو تكوني في عالم تاني عالم احسن من هادا لعالم مي لازم تفهمي انو حتا هاد العالم محتاجك هادا العالم فارغ بلا بيك ههه منيش مصظق انو راح نقولها مي توحشت هبالك هاداك وتخرنين ودموعك لي على مكانش يطيحو توحشت مريم لي تحاول تبان قوية وهي مكانش، ارق منها صدقيني تعيااي وترجعي وراح تندمي على كل ثانية غبتيها على لحضة معشتيهاش راح تندمي يا مريم لحياة مش دائما تعطينا فرص حاولي انك تستغلي فرصتك ووقتك خاطر متعرفيش وش كاتبلك ربي وشكون راح تخسري لمرة جاية استغلي كل لحضة مع الناس العزاز واترمي على لي فقدتيهم  ربي كيما يعطي لأمانة ياخذها وكلنا رايحين لنفس الطريق.... تنهد وقرب باسها من جبينها شاف في عينيها لي تغمضو دليل انها رقدت تنهد وغطاها وخرج....أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀171🥀

عٌنِدٍ هّـبًــــةّ 🥀

بعد طريق طويلة لحقو للمنتجع تاع بجاية هبطو من الطومو عطاولهم لإستقبال مفتاح سويت تاعهم دخلو لقاوه معمر ورد وشموع مجهز مليح ليهم قربت هبة من البالكون مبهورة من السويت بانلها البحر مقابلها ضحكت فرحانة مش مصدقة.... قرب منها امير حضنها من ورا يشم في ريحة شعرها.... امير: شنوا عجبك السويت فارتي.... هبة: يقتتتل اميير ياااي منيش مصدقة حاسة روحي في حلم.... امير: صدقي يا روحي وبعدما تجيبي لباك نوعدك ناخذك زيارة لأي بلد تحبيه(اللهم زوجا مثل امير لي ولكل بايراتي يا رب🤲🏻..).... هبة تلفتت ليه لفت ايديها على رقبتو: شنوا درت في حياتب باش يرزقني ربي راجل كيفك.... امير لف ايديه على خصرها وجبدها ليه: شنوا درت انا في حياتي باش عطاني ربي مرأة حلوة عسل كيفك... هبة: انا نحلا معاك وبيك يا روحي.... امير: ههههه تلعبيلي على اعصابي يا طفلة... هبة: هيا نرتاحو باش نوضو نحوسو يخي مش حاب نديرو جولة.... امير: حبك ربي جيت تعبان من السواقة وطريق طويلة ولا نوريك الحلاوة كيفاه.... ضحكت عليه هبة وتلفتت للبالكون حتغلقو بانلها حد واقف في الحديقة تاع لأوتيل متكي على شجرة ويشوف فيهم ملامح وجهو مش واضحة اما متأكدة انو يشوف فيهم توترت وغلقت الستائر بسرعة ودخلت مخلوعة.... عاودت طلت  من ورا الستائر ملقاتوش تم تنهدت... هبة: اكيد تتخيلي هبة علاه راح يكون يراقب فيكم  منين راح يعرف جدكم بفففف.... سمعت تلفون امير يصوني تلفتت ليه لقات امير راقد من التعب راحت ليه حملاتو لقاتها سماح ام امير ريبوندات عليها..... هبة: اهلا ماما.... سماح: اهلا وينو ولدي... هبة ستغربت من نبرة صوتها: احمم راهو راقد تعب من الطريق هادا وين وصلنا.... سماح: اممم كي يفيق قوليلو يكلمني... قبل ما تحكي هبة شي كوبات خلاتها مصدومة علاه مسقساتش عليها وعلاه تحكي بهاد الفاصون.... هزت كتافها وكلمت يماها خبرتها انهم لحقو حست انو صوتها مش قد قد مي امها تلفتها كوبات عليها وسكتت شوي تفكرت حاجة ضربت راسها بإيدها.... هبة: يوووو نسيت مسقسيتهاش على زينة ومريم وشراهم ومقلتلهاش عديهملي بفففف هبة غبية حما.رة  بقرة.... حطت التلفون وراحت جبدت بيجاكة من الفاليز دوشت ولبستها وراحت تصدحت في سرير ودخلت في حضن امير حطت راسها على صدرو وهو حس بيها زير عليها ورقدو من التعب(احلا نومة ونبي🥺🥺🥺)أّلَـــمًوٌأّجّــــهّـةّ🔥