المواجهة 🔥

أّلَـــمًوٌأّجّــــهّـه🔥

🔥أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀، 1🥀

هابط من طوموبيل يتفرج في الحومة في جوارين في ديار في الولاد في الرجال لي مدايرين جملات يلعبو في دومينو صوت ضحكهم واصل لأخر نهج صوت همسات النساء في البالكونات مجمعين ويحكو مزالها كيما هي حومتو كل واحد متلهي بروحو ما ولا واحد يسقسي على واحد كل واحد عايش لروحو لي يشوفهم ما يقولش هادو لي بسببهم تزهقت روح ملاك بريئ ما عندو حتا ذنب... تنهد بقوة وهبط ليناتو وكمل يمشي يتفرج في كل زاوية من الحومة توحشها بزااف في كل زاوية  وفي كل شبر عندو ذكريات هنا كان يلعب مع صحابو ومن هاد الحانوت كان يسرق المندرين هو وصحابو في هاد المدرسة كان يقرا وكل يوم يرجع يضحك ويتمسخر مع صحابو تحت هاد الشجرة كان يقعد معاها بساعات يقراو هي تكون خاشعة في تمارينها تقرا وتفهم فيه وهو ساهي فيها قي عيونها لي بلون الشهد  ولمعتهم لي مستحيل ينساها.... مسح دمعة طاحت من عينو وتلفت على صوت ينادي بأسمو.... تلفت ليه يدقق في شوفة فيه وجهو مألوف مي حالتو متغيرة بزااف.... نطق بصوت متفاجئ... ادم: ياسين؟.... ياسين ضحك بقوة وقرب يجري ضمو عناق رجالي... ياسين: وينك يا راجل حسبناك مش راح ترجع قاع.... ادم تبسم وربث على كتفو: كيراك.... ياسين: غاية نحمدو ربي سوال عليك يا حصرااه هادي سنين من لي رحت نسيت طريق الرجعة.... تنهد ادم: راك عارف قرايتي كيفاه.... ياسين: هييه عارفين عارفين هيا امشي قدامي ليلة عشاك عندي.... ادم: ربي يحفظك مزال غير كيما حطيت رجليا توحشت بلادي وناسي واهلي و.... سكت مقدرش يكمل.... ياسين تنهد يعرف قصدو: هييا بعدا خلي كلش لمن باعد مش هاربين..... ادم ربث على كتفو: عيشك صاحبي خلي نشوف لميمة والعايلة وفليل نجي نتعشا عندك.... ياسين: ايوااه ها الهدرة نستنا فيك نروح نخبر شابيبة بلي جيت باش نديرو فيها سهرية كيما ايام زمان.... تبسملو ادم وهز براسو... تمشا راجع جاز على باب دارها حبس حس بقلبو تزير عليه تفكر وقت كانت توقف عند شباك فليل  تحكي معاه بدون كلل او ملل يجيبو سوايع يحكو.... فاق من سرحتو على الباب تفتح... خرج منو خوها عطاه بضهرو وتمشا لدارهم. مش حاب يحكي ولا يواجهم درك خلي يرتاح ليوم.... قرب من باب دارهم عدا ايدو عليه يتفكر كل شي يفكرو فيها وكل ما يتفكرها قلبو يحرقو اكثر واكثر

فُــــلَأّشُـ♡بًـــأّکْ⏳

واقفة عند الباب طبطب بقوة جيران رحلتهم لحومة قاع تسمع في عياطها وضربها وهي ولا على بالها
###: ادددددم يااااهم اخرررج يااااو اددددم حللل حلللل اددددم.... تفتح الباب جات طايحة عليه حاكمها من خصرها مزير عليها شاف فيها تبسم على حالتها مغمضة عيونها ومزيرة عليهم.... همس ادم في وذنها.... ادم: شنوا صغرونتي عجبها حضني... فتحت عينيها على وسعهم وبعدت عليه وجها احمر متوترة  سمع صوتها وراه تلفتو ليها.... خديجة: ماشي لوكان تجبدي روحك شوي وش حاسبة روحك داخلة في ولدي تتبلاي فيه... توترت منها وهبطت راسها... ###: سامحيني خالتي مش قصدي كنت جاية ندي من عند ادم كراس الشريعة  لقديم تاعو.... ادم: ادخلي علاه واقفة هنا درك نطلع نجيبو.... تعدا امو قحرلها وطلع...  دخلت لصالون وقعدت تفرك في صباعها.... هبط ادم في ايدو الكراس مدولها وقعد مقابلها شاف في امو... ادم: ما جيبي لطفلة حاجة تشربها شبيك واقفة على راسها كيف ملك الموت.... قلبت خديجة عينيها ووقفت راحت للكوزينة.... تلفت ادم ليها.... ###: يا رب لعالي يماك تخوف حق ربي... ادم تبسم: تقولي مش موالفتها.... ###: بفففف ماشي هاك يعني علابالك منيش عارفة شبيها تكرهني تقول قتلتلها بوها تضل تسمعني في الهدرة.... ادم: بفففف ماشي لدرجة هادي بعدا.... ###: صاي صاي سكتت هيا لازم نروح درك يرجع إلياس وتنوض لاباڨار.... ادم: تهلايلي في روحك😉.... هزتلو براسها متبسمة وخرجت تزرب....
فاق من دوامة ذكراياتو على حضن امو القوي بادلها الحضن يسمع فيها تبكي تنهد يواسي فيها.... خديجة: ياولدي ويين رحت وخلييت يمااك ويين رحت.... ادم: يما رانا في زنقة ادخلي ساع.... دخلو وهي تبكي باسها ادم من جبينها وقعد في صالون... ادم: وشراكي يما توحشتك..... خديجة: يا ولدي انا اكثر كبدتي حرقت عليك علاه رحت يا لغالي.... ادم تنهد: هاني رجعت ومش راح نعاود نروح.... خديجة: الحمدلله على سلامتك يا كبدتي.... ادم: الله يسلمك الغالية.. وينو بابا.... خديجة تمسح في دموعها: راهو برا راح يقضي شوي ويرجع يا ولدي علاه مقتليش بلي راجع كنت طيبتلك الماكلة لي تحبها وجدتلك شمبرتك.... ادم: ما يشقاش يما معروض ليوم عند صاحبي نتعشا وشمبرة غير انفضيها من الغبرة معندك ما تنقي.... خديجة: وشيا هادا ليوم جيت وراح تتعشا برا.... ادم: يما يرحم والديك متزيديش عليا تعبان وراسي يوجع من طريق طويلة... وقف ادم: نروح نرتاح في شمبرة بابا ولعشية نوضيني... تنهدت خديجة وهزت براسها تعرف ولدها راسو حجر....أّلَـــمًوٌأّجّــــهّـة

داخلة لدار تعبانة تسمع في الهرش والهدرة زايدة ستغربت.... نحات لفاست تاعها وباسكاتها ودخلت للكوزينة لقات يماها واقفة مع خوها وختها.... زينة: سلام عليكم.... ردولها كامل السلام.... ياسين: زينة جيتي في وقتك.... زينة: وش غير الخير .... حسيبة: خوك عارض صاحبو للعشا.... زينة: اييه وانا وش دخلني.... ياسين: تعقليلو ادم ولد لخضر.... زينة تنشعت: اووو متقليش رجع.... ياسين: ليوم رجع ارواحي عاوني يماك في العشا حمرولي وجهي قدامو.... زينة تبسمت بسيف: كونك هاني خويا احمم نروح نبدل قي ونجي... دخلت لشمبرة تنحي في الفاست ومخها بعيييبد تلفتت على صوت الباب لي تفتح.. دخلت منو اختها صغيرة.... هبة: وشبيك فرشة هاك فاقو بيك قاع.... زينة تنهدت: متبدايش تفلمني نتي تاني مكاين والو ديجا انا نسيت لي صرا بكري.... هبة: لا واح انك نسيتي تحسبي فيا بوهالية ماهو باين وجهك اصفار.... زينة: هبووش صاي عيشك وريني عرض كتافك حا نبدل.... قلبت هبة عينيها: لحق فيا نسقسي عليك موتي قاع.... خرجت هبة وزينة قعدت في سرير غايسة تخمم.... بعدها وقفت دخلت لصالدوبا دوشت وبدلت قشها وخرجت تعاون في يماها.....

عٌنِــــدٍ أّدٍمً🥀

فتح عينيه على صوت بوه يفيق فيه تنهدت ووقف سلم عليه يتبسم... ادم: اهلا بيك شيخ.... سالم: اهلا بيك الغالي هادي غيبة اخيرا هداك ربي... ادم تنهد: امم وشراك نتا.... سالم: لباس نحمدو ربي ونتا اولدي.... ادم: عايشين والحمدالله.... دخلت خديجة في هاد لأثناء: مش راح تبدل رايك وتبقا تتعشا هنا معانا متوحشينك... ادم: هاني باقي معاك عمري كامل غير ليلة سمحيلي وعدت صاحبي.... تنهدت خديجة... سالم: خلي طفل يتنفس شبيك مجيفاتيه.... خديجة: خلاص مقلت والو.... وقف ادم دخل لصالدوبا دوش وخرج يلبس... عدل روحو وتنهد يشوف في المراية.... تبسم وقت تفكرها....

فُــــلَأّشُـ بًـــأّکْ⏳

فاق على صوت تاقة تتضرب فتح عينيه وتنهد باينة هي شكون غيرها.... وقف راح للتاقة يشوف فيها واقفة لتحت ايديها على حزامها وتقحر جابتلو ضحك.... هبط ليها وقف مقابلها حاكم ضحكتو.... ###: اضحك اضحك مكان لاه تخبيها.... ادم: احمم شبيك تقحري.... ###: علااه طوولت يخي مش قتلي نديك تحوسي.... ادم: داتني نومة وخفت من إلياس لا يعملك شي.... ###: هفففف خليه يعمل وش يحب يخي انا لي نتضرب مش نتا.... ادم تبسم: نتي تضربي وانا نتوجع تعرفي يخي.... تبسمت حاشمة: احمم هيا نروحو ازرب موراناش نهار كامل.... ادم: نتي راح تجيبي موتك  بهاد التهور تاعك.... ###: امممم يخي في لخر قاع نموتو خلينا نعيشو لحضة 😅.... ادم قرصها من انفها: اممم هيا. ازربي....

بًــــأّکْ⏳

فاق من سرحتو مسح دمعة طاحت من عينو نار شاعلة وتاكل في جواجيه.... تنهد يهدي في روحو وحمل لفاست تاعو ومفاتحو وتلفونو وخرج....