أّلَـــمًوٌأّجّــــهّـةّ🔥
💕#أّبًــــوٌأّبً_أّلَمًــــأّضًـيِّ💕
#للكاتــبة_ČЎŘĮŇẸ🥀
أّلَحًلَـــــقُةّ 🥀154🥀
عيطت بعلو صووتها صوتها مبحووح هز كيانو تلفت ليها لقاها طايحة في لأرض وجها غازياتو الدموع احمر تبكي وتعيط دخلت في حالة انهيار عصبي.... تصدم ادم من حالتها صح كان حابها تبكي وحابها تفرغ قلبها مي ماشي لهاد الدرجة قلبو تكوى بدموعها.... قرب منها هبط ليها حضن وجها بين ايديه.... ادم: غزاالتي ششششت علاه الدموع هادو تهدني يا روحي.... زينة تبكي: ه هو م ما مات ا انا خ خسرت ح حد ت تاني ا انا ت تدمرت م مرة ا اخرى ن نفس لوجييعة ن نفس الكية ق قلبي يا ادم قلبي راهو يتحرق كل يوم رجعت ن نخاف نقرب من الناس كل حد يقرب مني يمووت انااا لعنة يا ااادم انا لعنة 😭😭😭😭😭😭😭... ادم جبدها لعمرو عينيه دمعو حالتها تحرق القلب ...(متقولوليش زينة زادت فيها وعلاه تأثرت اكثر من مريم... لبنات زينة راهي مدمرة نفسيا هادي لقطرة لي فيضت الكاس)... غمض ادم عينيه بقوة مش قادر يتحمل بكاها حاسس انها تحرق فيه... مسح عينيع وحملها ساندها وقفها وشاف في انس... ادم: طلع مريم لطبيب لفوق يديرلها مهدئ بعدها خوذها لدار امير راهي فارغة ودير بالك علابالي تربيتي وعلابالي متغلطش مي الشيطان كاين.... انس شاف فيها ورجع شاف في ادم..... انس: متخافش صح معنديش خيات مي نعرف ربي ونتا اكثر واحد تعرف... ادم هزلو براسو وخذا زينة لي قريب تطيح في لارض خرجها من السبيطار ركبها الطوموبيل وركب وقلع... تلفت ليها لقاها حاطة راسها على الكارو تبكي دموعها يطيحو بلا حساب زير على الفولون في مخو فكرة وحدة... حمل التلفون بعث ميساج وزاد في الفيتاس...
عٌنِدٍ أّنِــسِـ🥀
حملها طلعها للإستعجالات دخلتها الفرملية لشمبرة شوي وجا الطبيب فحصها ودارها ابرة... طبيب: حالتها مليحة طاحلها السكر برك وضاهر انها هاد الفترة مش تاكل مليح وتعبانة.... انس هز براسو: يعيشك نقدر نخرجها.... طبيب: وي اكيد خلاص السيرو تاعها بشفا عليها... انس: يعيشك... راح ليها طبيب نحالها خيط السيروم وراح ليها انس حملها بين ايديه خرج بيها حطها في طوموبيل ونحا الفاست تاعو غطاها وراح ركب وقلع.... طول الطريق يخمم في واش صرا هاد اليوم هو بطبعو خاطيها تخلاط الماس زحتا صحابو يتعدو بالإيد معندوش مع الهدرة والناس وما يحبش يتعرف على ناس جداد بالمختصر مش اجتماعي ويحب الوحدة... مي ليوم حس انو تصرف بعفوية وغاش حاجات جديدة عليه تجربة انو حد يغيضك وانك تحس انو حد ثايق فيك ثقة عمياء(قصدو ادم كيف سلملو مريم امانة).... انك تشوف معانات انسان انك تشوف الجانب الرمادي في الحياة انس حياتو كانت عبارة عن يا اسود يا ابيض يا مليح يا مش مليح يا يليق يا ميليقش عمرو ما شاف هاد الجانب تاع تحب انسان مي الموت يخطفو او انك تهتم بإنسان وانت معندكش مشاعر ليه او انك تبكي على انسان ونتا معندك حتا علاقة بيه في رايو مريم دخلت لون جديد لحياتو وهاد شي مش سيء كيف ما.كان متخيل..(عميق تاع شك.ب) وصل لدار امير هبط راح فتح بابها نحالها الفاست جبد منها المفتاح وراح فتح الباب ورجع ليها حملها بين ايديه خرجها من الطوموبيل وغلق الباب ودخل بيها لدار لي كانت شوي باردة غلق الباب برجلو وراح طلعها لفوق لشمبرتو حطها في سرير وغطاها وخرج هبط لتحت ترما في الليلوتاي حتا داتو عينو (في دار خوه عندو شمبرة عادي يعني 😒)....
YOU ARE READING
المواجهة 🔥
Humor#جديــــد♕ #ممنووووووع_نقـــل_بدوون_اذنـــي بعد النجاح لكبير لي حصداتو كرونيك ارملتي المتمردة جيتكم بالجديد تجربة هاد المرة جديدة بزاف وستيل جديد عليا نتمنى تعجبكم 😍😍 #مقتبس_عن_قصة_حقيقية
