المواجهة 🔥

أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀166🥀

عٌنِدٍ سِـيِّلَيِّأّ🥀

قاعدة في شمبرتها متسطحة وتشوف في السقف مخها يراجع في ذكريات عاشتهم مع مؤيد هو الوحيد لي كان باقي في حياتها رغم انها كانت تعرف انها خسراتو وخسرت حبو اما كانت متأملة ومتفائلة انو راح يجي يوم ويرجع يحيا حبو ليها اما للأسف القدر كان عندو كلمة اخرى.... سمعت الباب تفتح رفعت راسها ليه...كانت اماني الدادا تاع ألاء.... اماني: سيليا اهبطي تعشاي المسيو رائد طلبك... سيليا: لا مش جيعانة... اماني: ربي يسترك سيليا ألاء محبتش تاكل من غير ما تكوني موجودة ربي يسترك والله المسيو رائد يحاوزني.... سيليا: بففففف اوكي هاني هابطة اسبقيني... هبطت اماني وسيليا وقفت تشوف في روحها في المراية... سيليا: بفففف قصيرة الغوب هادي... هه على اساس الحيط هاداك راح يشوف فيك حيو.ان.... خرجت من الشمبرة تجر في كلاكاتها هبطت لتحت لصالون لقاتهم قاعدين غير قربت شاف فيها رائد سكاناها من راسها لرجليها وتبسم بجنب.... قربت قعدت جنب ألاء.... سيليا: ياا رووحي حبيبتي ماشي حابة تاكل بلا بيا.... ألاء: ايه🥺.... سيليا: هيا كولي باش تشربي دواك... ألاء: تاتا اميلة يحي انتي ألاه دايما نسوفت تبتي سوفي أينيك حمل ستون زأفت حلي نحبل بابا أليه باس يزلبو...(طاكا اميرة يخي انتب علاد دائما نشوفك تبكي عينيك حمر شكون زعفك خلي نخبر بابا عليه باش يضربو).... سيليا تبسمت دمعتها طاحت: صديق عزيز بزاف عليا راح وخلاني.... ألاء: وين لاح.... سيليا: راح لفوق لسماء.... ألاء: كسدك مات تيما ماما(قصدك مات كيما ماما).... سيليا: وي الله يرحمو.... ألاء: أدي يا اميلة لبي لاح يئودك بحد احل هات كلي بابا مس ثح بابا(عادي يا اميرة ربي راح يعوضك بحد اخر هاك قالي بابا مش صح بابا)... رائد رفع راسو في بنتو: وشنو... ألاء: يوو بابا سكسيتك.... رائد: صح عندها الحق اميرتي... سيليا: هيا كولي حبيبتي... ألاء: يا اميلة لاه ماسي تاتلي نتي مزلتي مليزة(علاه ماشي تاكلي يا اميرة مزلتي مريضة)..... سيليا: لا يا روحي ما بيني شي غير مش جيعانة... رائد: متبقايش تدظلي كولي منيش حتبك تموتي بشر مزال بزااف حاجات حاب نجربهملك😉... قلبت سيليا عينيها: مش راح نموت قتلم قبل ما نطهر لأرض من بعض العيباد ما نروح لحتا بلاصة.... رائد هز براسو يتبسم بإستهزاء: معليش موتي مكانش لي شادك... تنهدت سيليا وشافت في الماكلة عندها من وقت جات هنا مرماتش لقمة في فمها.... تنهدت ةمدت ايدها تاكل ماشي حابة تضعف لازملها تبقا قوية باش تنتقم منو ومش راح تقدر تنتقم منو اذا ما كلاتش وتقوات....(لبنات والله غير راني نخلط منعرف. نتلومونيش حكمني اقريب ولمشكل اعراض اوميكرون🙂🙂 قلت نشوف غدوة اذا ما رتحتش نروح لطبيب ندير تعيار تاعو)... كملت الماكلة باست ألاء وطلعت لفوق لشمبرتها...