أّلَـــمًوٌأّجّــــهّـةّ🔥
💕#أّبًــــوٌأّبً_أّلَمًــــأّضًـيِّ💕
#للكاتــبة_ČЎŘĮŇẸ🥀
أّلَحًلَـــــقُةّ 🥀128🥀
عٌنِدٍ ﺰيِّنِـــةّ🥀
تتمشا وحاسة غصة واحلة في حلقها حابة تعيط حابة تفش قلبها اما مش قادرة حتا دموعها مش راضيين يطيحو.... وصلت للبحر تنهدت جبدت نفس طويل تهدن في روحها حتا حست انها رتاحت شوي.... حست بيه وقف جنبها تلفتت ليه.... تبسم معاها يشوف فيها نضرة غامضة.... زينة: نتا... رائد تبسم: اممم انا شبيك حازنة ماتلك البكري ولا.... زينة تبسمت: لاشي شنوا تعمل هنا.... رائد: لاحقك.... زينة: ههه علاه.... رائد يشوف في البحر: عجبتيني .... زينة شافت فيه ومطلعة حاجبها... شاف فيها وتبسم ببرود: نتمسخر متخافيش.... زينة: على فكرة الدار لي بعتهالي انورمال.... رائد: كيفاه انورمال.... زينة: بلاك تضحك عليا مي شفت فيها حاجات انورمال نسمع اصوات فليل ومنعرف يعني حاجات ماشي عادية وسورتو في شمبرتي انا.... رائد: في اي شمبرة نتي قاعدة؟.... زينة: شمبرة ثانية على ليسار طابق ثاني.... رائد تبسم شوي ساكت... رائد: شمبرة مرتي هاديك.... زينة: مش قلت مطلقها!... رائد: لا مش مطلقها ميتا... زسنة تصدمت: ك كيفاه علاه كذبت.... رائد: مكذبتش انا صح طلقتها بعدها ماتت.... زينة: ااا كيفاه ماتت مسكينة.... رائد شاف فيها: مقتو.لة.... رجفت زينة مصدومة: ك كيفاه ش شكون قتلها... رائد ببرود: منعرف.... زينة: ربي يرحمها اما هادا وش علاقتو بشمبرتي.... رائد: ماهي ماتت في شمبرتك... زينة مصدومة قبل ما ترد تلفت رائد ماشي ويحكي.. . رائد: نتمسخر معاك اكيد نتي هبلتي مكانش حاجات هاك في دنيا.... راح خلاها فاتحة فمها مصدومة في خلق ربي ولأكثر مش فاهمة وش راهو يقول ولا وش قصدو.......
فُـيِّ مًکْأّنِ قُريِّبً🥀
كان واقف يراقب فيها مزير على الفولون وجهو احمر من العصب حاب يهبط ليها يمسح بيها لأرض.... تلفت يشوف في راجل لي كان معاها ملامح وجهو مش باينة عاود تلفت ليها لقاها رايحة جا يتبعها وصلو ميساج من هبة قالتلو بلي كملو شوبينغ وراح يروحو لبلاصة اخرى يتسوقو.... مسح على وجهو بقوة يشوف في الفراغ.... ادم: ديري وكثري يا زينة تطيحي في ايدي انا ندير فيك رايي... قلع رجع ليهم لقاهم محملين بزاف غراض تقولي شراو المول كامل.... طلعو القش في الطومو وركبو وادم قلع ... ادم: كملتو خلاص!.... هبة: لا مزال نروح نأكد على الكوافيرة لي راح نخدم عندها.... مريم: يخي كريتي لأصال ولا مزال.... هبة: لا زينة راح تكريها.... مريم: والقاطو تات العرس والعشا وديجي... هبة: قاع زينة تتلها بيهم... مريم سكتت وادم شاف في هبة... ادم: مش عيب عليكم تهلكو طفلة.... هبة ضحكت: وش نديرلها مكانش لي قالها كوني لكبيرة.. اما والله غاضتني حاملة مسؤولية كلش على كتافها.... ادم تنهد: هي راسها قاسح مش حابة تخلينا نعاونوها.... هبة: اممم ربي يفرج عليها وعلينا.... كملو طريقهم وصلو للكوافيرة تفاهمت معاها هبة ومريم وهبطو راحو لدار صاي مبقاش بزاف خدمة لمليح في الموضوع انو هبة وجدت روحها على بكري مباعد متعبتش بزاف كان باقيلها غير حاجات قلال.....
YOU ARE READING
المواجهة 🔥
Humor#جديــــد♕ #ممنووووووع_نقـــل_بدوون_اذنـــي بعد النجاح لكبير لي حصداتو كرونيك ارملتي المتمردة جيتكم بالجديد تجربة هاد المرة جديدة بزاف وستيل جديد عليا نتمنى تعجبكم 😍😍 #مقتبس_عن_قصة_حقيقية
