أّلَـــمًوٌأّجّــــهّـةّ🔥
💕#أّبًــــوٌأّبً_أّلَمًــــأّضًـيِّ💕
#للكاتــبة_ČЎŘĮŇẸ🥀
أّلَحًلَـــــقُةّ 🥀137🥀
عٌنِدٍ هّـبًـــةّ وٌمًريِّـــمً🥀
قاعدين كل وحدة كاملة بلاصة يكونيكتو دخلت ليهم حاسيبة تصدمت من حالتهم... حاسيبة: شبييكم نتوما تقول ماعندكم عرس بقالو نهارات ما والو.... هبة: وش حبيتينا نديرو نوضو نشطحو من درك.... حاسيبة: لالا يا ساجية نوضي هزي على ايديك ونوضي اخدمي معايا نقي الدار بعد غدوة حنتك حابة تديريها في دار كيف المزبلة.... مريم: وي عندك لحق خالتي بنتك هادي فنيانة لازم تنوضي تديري لميناج وتتلهاي بالخدمة.... حاسيبة: حتا نتي نوضي كيف شاطرة روحي للمول تاع #### زينة وصات واحد تماك على بايط القاطو(علب الحلوة الموردة هاديك لي تدير فيهم القاطو) وروحي لمحل #### جيبي من عندو الكاميرا راهي كراتها زينة وروحي لمحل #### جيبي تصديرات ختك و روحي ل#### جيبي قش الحنة (شحال نحب كي تقولي ام صحبتي ديري هاديك لحاجة لختك ولا اهدري لختك نفرح بزاف بيها)....مريم مصدومة: و وشنوو.... هبة: ههههههههههه عندك الحق ماما لازم ختي تنوض تخدم تاني... حاسيبة: نوضي نتي وهي والله ونرجع ونلقاكم بلاصتكم ليلة تباتو بلا عشا... خرجت خلاتهم هبة تضحك ومريم مزالت في حالة صدمة... هبة: ههههههه متخافيش درك نكلم امير يبعث انس يجي يوصلك... مردتش عليها مريم مزالت مش متقبلة وش سمعت.....
عٌنِدٍ. أّمًيِّـــر🥀
قاعد في البيرو تاعو يكمل في اخر قضايا ليه خاطر راح ياخذ اجازة لفترة طويلة ومنو باش يخرج هو ومرتو شهر عسل.... صونا تلفونو حملو تبسم وريبوندا... امير: اهلا اهلا شيخ عاش من شافك... ادم: بركا تبهليل وشراك.... امير: والله نعمة سوال عليك وين مغبر.... ادم: مع الخدمة وين راح نكون يعني وش وجدت روحك لعرسك.... امير: ههههه واجد من بكري قاع.... ادم: منيش على ### نعرفك في كل وقت واجد نحكي على العرس في روحو وجدت كلش.... امير: ههههه لمهم نكون انا واجد. لباقي مش مهم... ادم: مفالح في والو نتا.... امير: هههه وجدت كلش متخافش خوك قدها.... ادم: نعرفك... وين رايح في شهر العسل.... امير: هبة معندهاش باسبور راني نخمم ناخذها لولاية في دزاير ومن باعد كيف تجيب باكها نخلفوها.... ادم: اييه مليح كنت راح نقلك عندي صاحبي عندو منتجع في بجاية في ساحل البحر كريتلك سويت عندو أسبوعين اعتبرها كادو العرس... امير: بلا مزيتك هادي... ادم: لمهم تردهالي في عرسي.... امير: ههههه تزوج برك نكريلك حتا طيارة تهزك من باب دارك.... ادم: زدت فيها شوي.... امير: هههه وش اخبارك مع الزين... ادم: لوكان نجي ليك قسما بالله نضربك كف متعرف روحك. لا جاي لا رايح نوريك زين ويناه.... امير: ههههه نهون عليك تفسدلي خليقتي قدام العرس... ادم: كي ما طهرتكش راك غاية.... امير: هههههه صاي متتنارفاش.. اادم نكلمك من باعد جاني تلفون من الخدمة... ادم: انا تاني عارفها خدمة... كوبا عليه وريبوندا عليها...أّلَـــمًوٌأّجّــــهّـةّ🔥
ŞİMDİ OKUDUĞUN
المواجهة 🔥
Mizah#جديــــد♕ #ممنووووووع_نقـــل_بدوون_اذنـــي بعد النجاح لكبير لي حصداتو كرونيك ارملتي المتمردة جيتكم بالجديد تجربة هاد المرة جديدة بزاف وستيل جديد عليا نتمنى تعجبكم 😍😍 #مقتبس_عن_قصة_حقيقية
