HER HALF (COMPLETED)

CHAPTER 15

"Naki-epal lang Ma'am—Ma aray!"

"Umayos ka. Hilahin ko iyang tenga mo, sige ka," pananakot ko. Patawa-tawa ito, tumikhim at naging seryoso.

"Fine. I'm sorry," saad nito ay humalik sa noo ko.

"Good, mauna ka na sa loob at susunod ako." Tumango ito at tumalikod. Hindi pa nakaligtas sa akin ang lihim na pag-irap nito kay Achie.

"Pasensiya na kayo Ma'am ha, pagsasabihan ko ho iyong si Rehan mamaya," nahihiya kong saad sabay ng awkward na ngiti.

"It's okay, but lagi ba siyang gano'n?"

"Ang alin, Ma'am?"

"You know, kissing your forehead?" Napatawa ako sa narinig bago tumango.

"Oho, Ma'am. Normal na po iyon sa amin, it's a way of ours po na we're serious. Hobby na po iyon ni Rehan, kapag magkikita kami, kapag ihahatid at susunduin, hahalik po talaga iyon sa noo ko o hindi kaya'y sa ulo ko. Gano'n din yun sa mga kapatid niya. He's not shy on showing his love toward others."

"What a sweet boy. Anyway, Mr Vasco?"

"Hinatid ko lang itong..."napahinto ito at napatingin sa akin."friend...of mine."

Shot puno.

"I see. Pasok na ho tayo sa loob para po makapag simula na tayo. Mauuna na kami Mr Vasco," ani ng guro.

"Salamat sa paghatid, Achie. I owe you. Pasensiya na din sa ugali ni Rehan, alam niya kasi 'yong nangyari. Mauuna na ako, balik ka na doon." Kumaway ako sa kaniya at tuluyan ng pumasok sa classroom.

"Ang tagal mo, Ma," bulong ni Rehan sa'kin habang siya ang nakatayo sa may likod ng upuang inuupuan ko at nakayakap sa nay leeg ko ang braso niya.

Tiningala ko siya ay bumulong din pabalik, "Ayoko maulit ang gano'n, 'Nak. Hindi iyon maganda."

Tumango ito sa akin at humalik sa noo.

"Opo, Ma...pero depende pa din." Tumango ako kahit na hindi ko na narinig ang huling mga salita na sinabi niya dahil bulong na lang talaga sa sarili niya.

Nagsimula ang meeting at napagalaman kong may gaganapin palang activity ang buong school para sa mga nasa kalsada, in short, para sa mga kapos ay palaboy na hindi napagtutunan ng pansin.

Kaya pala excited itong si Rehan e.

Next week na daw gaganapin at tutal Friday ngayon, hindi na sila magkaklase mamayang hapon dahil maghahanda ang eskwelahan para sa lunes. Lahat ng grade levels walang klase mamaya kaya makakauwi kami ng maaga.

"Salamat sa inyong pagdalo, makakauwi na po ang gustong umuwi."  Nagpasalamat kami bago  tuluyang lumabas.

Nakahawak sa braso ko si Rehan at naglalambing habang panay sabi kung gaano siya kinakabahan. Alam kasi ng guro niya na dating palaboy si Rehan kaya nais nila itong ipag-speech sa araw ng lunes pero kung ayaw daw nito, ay okay lang din, hindi naman sila namimilit.

Nawala pa nga pagkabibo niya kanina eh. Natahimik na after sabihin ng guro niya sa kalagitnaan ng pagpupulong.

"Mama what if mautal-utal ako doon? Edi mapapahiya ako?" bulong nito habang ako'y patawa-tawa lang.

"Nandoon naman ako Anak, nandoon ang mga kapatid mo. Sa amin ka lang tumingin kung gugustuhin mo." Napa hays naman siya ay hinila ko na lang para sunduin ang mga kapatid niya.

"MAMA!" biglang sigaw ni Mark ng makita ako. Patakbo itong lumapit sa amin at yumakap.

"Hi, baby. Kamusta ang pag-aaral?"