الكوميسير راجل الودادية

البارت التاسع و الستون

لكومــيــســر راجـــل الــوداديـة
      

         •سكينة حمداوى•
  

               
            " الجزء  69"

سبقاتو طلعات لبيتها وهوا تبعها دخل للبيت وبلعاتها شافت فيه وهيا حاقدة ..

حنان : شنو قلتي لماما ..

جواد : مفهمتش شنو قلت ..

رفعات صوتها وكتدوي وهي معصبة

حنان : مشيتي وعودتي ليها بلي كل وحد فينا كينعس في قنت

جواد : واش نتي حماقيتي شكون قالك هاد الهضرة

حنان : ماما ليوم سمعاتني لهضرة وقلتلي إلي تشكا ليا جواد منك غا نقولها للحاج..

حطا جاكط ديالو علي نموسية وقعد وهوا كيضحك ..

جواد : صراحة مقلت ليها حتي حاجا ولكن عجبني تصرف ديالها علي لأقل ديري عقلك حيت عيقتي ...

قلبات وجها لعندو وقربات ليه قعدات جنبو ..

حنان : دكشي لي وقع في صباح منسيتوش ..

جواد [باستغراب :شنو وقع ..

حنان : علاش بقيتي شاد ليها في يدها وكتشوف فيها بحلا أنا ممقنعاكش

شاف فيها وضحك ورفع بحاجبو مستغرب من لكلمة لي نطقات بيها شدها من يدها وجرها لعندو ...

جواد : حتي تكوني قريبة مني باش نقنع منك ...

حنان : أنا راه مرتك وقيلا

جواد : مرتي غير في لورق وقدام ناس ولكن في حاجا أخرا لا نهار نكونو نشاركو نفس لفراش دكساع من حقك تقولي راجلي ...

حنان : شنو بغيت تقول زعما ....؟؟؟راه مشي مهم دكشي لي كنعيشوه حنا من ورا ناس لي مهم دكشي لي كنعيشوه قدام ناس

جواد : لا أبنت لحاج كولشي مهم مشي بحال دابا نتي نعسا في جيهة وانا في جيه وحتي نهار قربت منك مبغيتيش وهادشي لي محيرني.... واش كتبغي شي حد ؟

حنان : لا مكنبغي حتي شي حد ولكن أنا ..

جواد : ولكن نتي مكنتيش باغا هاد زواج وغير انا لي بززت عليك ....
حنان هدشي لي حنا عايشينو خير بلأشياء  زوينة ولخايبة  والي نتي مكنتيش كتبغيني أنا كنبغيك وخا هدشي كامل لي وقع
مبغيش نخسر حيت نتي عائلتي كلها ...

شافت فيه متأثرة في كلامو حنات براسها ملقاتش باش تجاوبو ..

جواد : نتي عارفا  قبل ما نتزوجو كنت عايش غير انا وبا حمد ونتي زدتي وحد لحاجا كنت فاقدها في حياتي دخلتي لفرحة لحياتي وخا فعايلك لباسلة كانت فيهم حلاوة في شكل
مكنتش نخدهم بمحمل لجد  ولكن عرفتي وحد لحاجا ...

رفعات راسها وشافت فيه حط يدو علي دقنها ...

جواد : عويناتك كيخلوني نسي كولشي ...

بتاسمت ليه وهي حشمانة من كلامو نزلات راسها  ..

حنان : عندك مشكيلة وحدة ...

جواد : أشمن مشكل .

حنان : نت من ضفة اخرى وكان كنت ودادي غا نبغيك بلا منفكر

ضحك وتفكر ضربة لي عطاتو في تيران ..

جواد : وعرفتي وحد لحاجا وخا نبقا نتدرب حياتي كاملة عمرني نقدر نضرب شيحد ديك ضربة لي عطيتيني ...

حنان : ههه راه واخا هكك وجهك قاصح تقرمت من يدي داك نهار ...

جواد : ولكن راه منسيتهاش ليك

حنان : وصحابلك نسيتلك تصرفيقة لي عطيتيني ...

جواد : راه نتي رديتهالي بضوبل خلينا من لحسابات ...