الكوميسير راجل الودادية

الجزء الثامن عشر

لكومــيــســر راجـــل الــوداديـة
      

         •سكينة حمداوى•
  

               
            " الجزء  الثامن عشر "

خرج جواد بعصبية من بيتو و مشا هوا وبا حمد لمكازا وشرا كوستيم جديد لبسو تما بزربا وشدو طريق لدار  حنان .....

وقفا قدام لكراسا وكتشوف في راسها  جات فنيونا   لبسات لباس في  الرمادي وكلو عامر بلعقيق وجاي بحال لفوار ومعا هيا بيضاء جا معاها يهبل ورفعات شعرها لفوق ودارت مشطا عادية خرجات زغبات من شعرها  وقفات معا لمرايا وعنيها مغرغرين بدموع كتبقا كل بنت ورغبتها مختلفة في الحياتة حيت حنان عمرها كانت تفكر فزواج كانت ساهية ولي خلها تفيق من تلك السهوة هو صوت لام نتعها

خديجة : حنان ياله أبنتي راه وصل جواد

حنان : انا جايا اماما

حنان لبسات طلون ديلها وكتمشا غير بشويا وهيا هزا لباس  وكتمشا وكتحاول مديرش كيف اول مرا لقات خديجة كتسناها حدا دروج وهيا تقولها

خديجة: حنان دخلي لكوزينة وصبري تا توجد لقهوي وفاش نلغالك هزي صنية ودخلي

حنان : ولكن كيفاش غندخل ونا لبسا هاد لباس وطلون

الام: غير حاولي عارفاك متقدريش تمشاي بيه ولكن غير حاولي

دخلات حنان لكوزينة اما  خديجة دخلات قعدت حدا لخطاب 

الحاج : مرحبا سي حمد اش خبارك لباس عليك كداير مع صحيحة

احمد : انا قدي قد ولدك وكتقولي سي علاش كتكبروني

جواد وجهو حمار بحال لفلفلة وكيشوف في با حمد

الحاج: اييه  احمد  شحال كنت ضريف فاش كنت بعقلك

احمد:  علاش دابا كيكنبالك   يكما كنبلك حمق

الحاج : لا حاشا حاشا

احمد : جواد دخل مع ناس فلموضوع  واش غنبقاو هنا

قرب لودو وهو كيهمس " ابا واش انا لي جاي نخطب ولا نت "

احمد : نت جاي معايا باش تخطبلي بنت لحاج

جواد بقا  غير كيشوف فيه ولحاج كيضحك
بصمت اما  خديجة مقداتش تكبد راسها

جواد : با حمد تفهمنا فدار بلي نت غتجي تخطبلي حنان

احمد: نت حشاي والله تا حشاي ياك قلتلي نزوجك عاد نتزوج

جواد : راك غير نسيت قلتلك نتزوج ونزوجك

احمد : واخا عارفك نت كذاب

جواد حاول يبدل الموضوع وهوا يقول لحاج نت عارف علاش جيت ليوم لحاج ربع يديه وقال " علاش جيت "

جواد: جيت طالب راغب فيد بنتك حنان لبا حمد

لحاج مقدرش يشد راسو ونفاجر بضحك اما جواد كان متوتر ديجا وزاد توتر كثر