لكوميسير راجل لودادية
•#سكينة حمداوى#•
" الجزء 1 "
في مدينة الدار البيضاء وبضيط في درب السلطان كيعيش شاب عاش طفولة ديالو كاملة في دار الأيتام شاب لي حقق داتو بداتو كان لحلم ديالو أنه يكون بوليسي قرا وصبر لݣاع لمحنة ولكن في لأخير وصل ..
واقف قدام لفران كيشوف فيه وفي طريقة لخدمة ديالو كيفاش كيخدم ومستمتع بوقتو هتف بلإسم ديالو"فين أبا حمد "
قلب نضراتو ليه وكيشوف فيه بستغراب "شكون نت أسيدي "
تنهد وضحك من قلبو "با حمد أنا ولدك ..ولدك جواد نسيتني "
شاف فيه وقرب لمرأة لي معلقة في لحيط حط يدو علي وجهو وقال "أنا مزال مشرفتش باش يكون عندي ولد قدك"
شاف فيه جواد وضحك " يعني نسيتني "
أحمد: حتي نعقل علي مك عاد نشوفك نت ..
سمع لكلمة لي قالها وعنيه تغرغرو بدموع"تذكر مو لي توفات وخلات أحمد في هاد لحالة
كل واحد في هدا الحي عندو قصة مختلفة علي الاخر ولكن فوقت شدة يموتو مع بعدياتكم أحمد قصتو مختالفة علي كاع ناس.....
كان خدام في الفران ملي كان شاب كانت تجي "نزهة " طيب عندو لخبز تغرم بيها وقصد دار وليدها تزوجو وكانت بنسبة ليه القوى ديالو وكان بنسبة ليها الراجل لي تعول عليه وترفع رسها بيه قدام ناس بلسانها لحلو وتعملها الطيب مع جميع ناس مكانش لي ميحبهاش فداك الحي صبرو بجوج علي لحلوة ولمرة ولدو لولاد وكبروهم وقراوهم وكل واحد ختار الوظيفة لي تناسبو وفهاد لوقت كامل " نزهة " و "أحمد" بقات علاقتهم قوية كيف لول ومن بعدما توضف جواد بيومان ماتت " نزهة" الموت ديال الله جواد كان يعتبرها في متابت الام ديالو حيت كانت واقف معاه فكولشي ومن بعد أربعة سينين نتاع المعانات " احمد " من الوحدة والاكتئاب جاه الزهيمر ومبقا عاقل لا فين ماشي ولا فين جاي ولا حتي فين كاين .......
كاع ولادو خطارو طريقهم الا جواد بقا معاه وكاري فدار حدا داره باش متخصو حتي حاجا وبينما جواد كيتفكر " نزهة "فيقو صوت نتاع التليفون من ديك السهوة
جواد :الو لحاج
الحاج: الو جواد ولدي تقدر تجي عندي دابا محتاجك فواحد القضية
جواد سلم علي أحمد وقلع وهوا قاصد الحاج......
YOU ARE READING
الكوميسير راجل الودادية
Short Story👑 حـــصــريــــــا علــى أمـيـــــرات هـــانـــســـل 💎 قصـــة بعنـــوان: #الكـومـيسيـــــر_راجـــل_الـوداديــــة بقلمـــي: سكينـــة حمـــداوي قصتي مغايرة ومختالفة😍 على باقي القصص الكوميدية بنكهة الفوطبوول⚽⛹🏻 كاين غير الــــــوداد♥والرجــــــا...
