Listen To Your Heart (COMPLETED)

LTYH 41

Title: Listen To Your Heart
[ M2M Love Story ] [ BxB ]

Chapter 41

( Lew’s POV )

Seven o'clock in the morning palang pero nakaayos at naka-ready na ako para sa magiging practice namin ni Prince.

We need to start as early as we can para narin makapagpahina kami ng mas maaga dahil mamayang gabi na ang event.

“Oh, bakit ang aga mong nagising? Hindi ba mamayang gabi pa yung event nyo?” takang tanong ni RyRy sa akin.

Kakadating lang niya galing sa work niya. Pinaupo ko na siya at pinasabay sa pag-aalmusal ko. May nakahanda na rin kasi for him. Umupo naman siya at sumabay na sa pagkain ko.

This is our usual routine everyday. Yung pagre-ready ko para pumasok sa university, ay iyon naman yung time na uuwi siya galing sa work.

Then sa gabi naman yung pagre-ready niya para pumasok sa trabaho ay iyon naman ang pag-uwi ko. Kaya most of time ay sa breakfast at dinner lang kami halos nagkakasama. Except nalang kapag day-off niya.

“Nagkaroon kasi ng konting adjustment para sa prod namin. Kailangan naming ayusin ngayon ng mas maaga para may time pa kami makapagpahinga mamaya” sabi ko at ikwinento ko sa kanya kung ano ang mga nangyari.

“Buti nalang pala at may nakita kayong kapalit agad. Pero Bebe Love, sorry at hindi ako maka attend ha. Alam mo naman na pang gabi yung pasok ko. Pero manunuod ako thru online promise!” sabi ni RyRy.

"That's ok, Ry. I know naman that even you are not there physically, you are always at my back to support me” sabi ko.

“Syempre naman. Love na love kaya kita. Pero matanong ko lang, sinagot mo na ba ang manliligaw mo?” tanong nito.

Alam din naman kasi ni RyRy ang mga nangyayari sa akin. Lagi kasi akong nagkwe-kwento at nag-a-update sa kanya about sa mga nangyayari sa akin.

Ganun kasi talaga kami ka-close sa isa't-isa. At bilang respeto ko na din dahil kami nalang kasing dalawa ang magkasama at wala na kaming kilalang ibang kamag-anak pa. At siya na rin ang tinuturing kong kuya ko, dahil wala din naman akong kapatid.

“Hindi pa 'no! Until now ay single pa din ako.” sagot ko.

“Ang tagal mo naman yata sagutin? Masyado ka na yatang feeling maganda nyan ah. Remind ko lang hindi ka si Cinderella” pang-aasar ni RyRy.

“Tse! Eh maganda naman talaga ako. At saka magandang matagalan ang panliligaw niya, para malaman ko na rin kung seryoso ba talaga siya” sabi ko sabay irap sa kanya.

Kaloka siya!

Hindi man ako si Cinderella, malay natin past life ko pala si Rapunzel.  Haba kaya ng hair ko.... char!🤣

“Hay naku. Bahala ka nga. Pero baka magsawa yun tapos maghanap at makakita ng iba. Tapos ang ending ay iiyak at magsisisi ka” sabi ni RyRy.

Hindi ako nakaimik.

Paano nga ba kung mangyari nga iyon?