شقة العراقيات

البارت العشرين

يعني ابر وتجكجك وتزرف ايدة الناعمة الي اذا ابوسها اظل حمرة وممكن ينطو كيمياوي منو الي يستحمل كيماوي اكيد يتشاقون.

اول ساعات بالمستشفى جانت تشبه الموت البطيء بعدها باشرنا باجراءات العلاج.

رحلة علاج متعبة جانت زهراء تبجي كل الوقت ومن تفوت ترسم إبتسامة عريضة وتكعد تلعب ويا.

كل حضن قوي تكول بعدني مشبعت منه كل ما تصفن بوجهة تحجي نفس الحجي.

يوم احد بعد سبع وتلاثين يوم من العلاج انطاكم عمرة نائل هاي الكلمات ترجمها اليه يمان واني سكتت.

بعد كعدة ساعات طويلة جدا على الكرسي وظهري على المستشفى تذكرت ان لازم اكوم ادفع فلوس علمود يسلمونا نائل وصلت للسكرتيرة.

وطلبت الحساب وكالت الحساب ندفع ترجيتها تنطيني اسم ما اريد احد يكول اني ما دفعت لنائل والاسم صدمة سلسبيل هي الدفعت.

نداريت بكل جهة ورجعت اتاكد عن الاسم جانت هنا يعني وتجاهلتني شافت حالتي وتجاهلتني.

ماعرف اليوم شلون مر ولا ادري زهراء وين بس ثاني يوم الصبح اخذت جثة نائل بيدي غسلته وجفنته جانت دموعي تهل على وجهي شميته قوي.

اذا اني مو ابوة وهيج محروك قلبي الله يساعد قلب زهراء وسليم الاولى ضحت بكل شي لخاطر ابنها والثاني مات اخر اثر لاخوة المرحوم.

من طلعت جان بوجهي احمد وهمام وسليم وندفن نائل اتذكر مقطع واحد بس زهراء جانت يم الكبر حضنتها علمود تسكت بس عكس التوقعات نفجرت بجي ورفعت عيوني ولكيت عيون سلسبيل الغضبانة تعبر عن مدى اسفها.

وللمرة الثانية ماكدرت اترك زهراء واروح يمها واعيد على مسامعها سبيلي تعالي دليني شلون اعيش.

ورا خمس ايام من العزا كعدت ودورت لزهراء ومالكيتها جانت عايفتلي مكتوب.

وبالنص كاتبة ارجع لسلسبيل ولتنسى البيت من ينحرك ما ننتظرة يطفى وندخله لا احنا نطفي الله يوفقك بحياتك.

ونكطعت اخبار الاثنين.

ومثل ما اجيت لهاي المدينة وحدي رجعت افتر بين ارجائها مكسور وحدي.

انتهت بينا.

ذكرياتنا
_______________
زهراء

عندما يموت الاب يقولون يتيم.
وعندما تموت الزوجة يقولون ارمل.
ولم يقال اي شي لرجل فقد ابنائة.