شقة العراقيات

البارت التاسع

لا أحتاج إلى علاقة أبذل فيها جهدي حتى أصل للكمال بعينيك، أحتاج إلى علاقة أتساءل فيها لما تراني بهذا الكمال وأنا ممتلئ بالعيوب..
⁣كيانو ريفز
                          __________
همس.
- ‏أنا مُعتم ياصديقي، ولست موطنًا آمنًا كما تظن، ولا أستطيع أن أكون لك المنفى في هذه الحياه فأنا أغرق في حزني كل يوم ولا أستطيع إنقاذ نفسي.
__
بداية الفجرية كعدت على صوت طكطكة كلش تضايقت يعني اني بصعوبة كلش نمت كمت لفيت شعري كعكة ولبست الروب وطلعت اشوف هالازعاج مصدرة وين؟!..

جان مصدرة الثلاجة عكس متصورت وهمام حاط نص جسمة بيها وكاعد يبحوش للامانة لزمتني الضحكة هذا الانسان الظاهر مدمن على الاكل كل ما اشوف بالبيت يا ياكل يا جوعان يا يخطط يدز اكل من برا مع العلم ولا مبين بي عكس ريناد خطية تكول اني اذا اشتميت ريحة زيتون اسمن..

حمحمت بصوتي علمود ينتبه اليه رفع راسه وهو يضحك بخجل ووكف يحك بشعرة ابتسمت على منظرة وانتجيت على الباب حاولت اخفف من توترة ولو اني مصدومة شخص مثله صعب يستحي
-اني هم جوعانة نسوي اكل.!
-شتعرفين تسوين انتي .؟
-هسه تشوف بس تساعدني بغسل المواعين لان اخاف على اظافري.
-بس نزلي اصبعج وبعيني.

بدينا نسوي سحور مادري عشة والله ماعرف شنو اسم هاي الوجبة
سويتلة طمامة وبتيتة وكبة وطرشي وخبز حطينا على الصوبة والجاي يمها وكعدنا ناكل .

الاكل طيب بس الجو مخجل مادري اني محسيتة هيج بس هو جان كلش مستحي بادرت بالحجي :عندي مشروع الك افتح مطعم
رفع راسة ونترس وجهة علامات دهشة حتى جبهتة صارت عبارة عن خطوط تماسكت علمود ما اضحك وكملت:والله شبيك افتح مطعم نفسك طيب الاكل وسريع وهم علمود متظل جوعان.
بنهاية الكلمة مكدرت اسيطر على نفسي وفرطت ضحك.

مشاركني الضحكة ولا حتى علق كحيت علمود اوخر اثار الضحك واعتذرت منه وكمت اريد اشيل الاكل حسيت نفسي شكد غلطانة يالله لازم اجفص كل مرة ولا اتوب شو هذا لزم ايدي ورجعني يمة اتنهد وكال:همس تدرين صار ساعة صافن اريد اعوف المن تشبهين وهسه عرفت.
بصوت ناصي جاوبتة:منو؟
-المشمش من هاي اللحظة انتي اسمج مشمشة
-شمعنى.؟ ههههههههههههههه عزة منين جبت هذا التشبية .؟
-لان خدودج مشمش عبالك لونها وارتفاعها تخبل تستحق الكرط.
-استحي شوية عيب عليك على فكرة.
-لعد مو عيب عليج تكوليلي افتح مطعم واذا اكلي طيب وشهادة الهندسة اللي ابوية شوية انوب ويحطها بصمة على راسة علمود يعرفون ابنة مهندس.
-ترا عادي تتخرج من شغلة بس تشتغل بغير شغله ما دام انت تحبها .
-تفكيرج حلو ،بس اني عندي اقتراح اقوى شنو رأيج نفتتح مطعم.!
-اني وياك هههههههههه لا مستحيل
-ليش مستحيل اني وياج نسوي الخريطة مال مطعم ونبني ونخلي جدو يمول المشروع.
-وجدو شنو يستفاد؟.
-ممم عزيزتة راح تبدي تحسسة هي يمة.
-ترا مبين انت كلش غيران.
-لإن اني مؤدب راح اكلج اكلي حلاوة مشمشة.
-ولان اني مؤدب مراح اكلك ابن القندرة ليش تغازل اختي عايل بيك
هذا الصوت جان صوت رجال غريب واكف ومجتف وساند روحة على باب المطبخ ظليت مصفصفة ولا نطيت رد فعل رجعت نداريت على همام ورجعت اتاكد سمع مثلي لو لا شو هذا مستمر اكل اني شفته هيج وعلى كولت امي خريت العافية وبعلوصوتي :ماااااماااا
مكعدت الا على قطرات مي واني بحضن جدو وبدون ميسالني ويتعب نفسه شرحتله الوضع كلة من طقطق لسلام عليكم سالني