شقة العراقيات

البار الثالث عشر

- وتبقى أفضل الأمنيات هي أن نجد من يهون علينا، من يبقى كما عرفناه أول مرة، أن لا نقطع طريقًا كاملا مع شخص ثم نكتشف أن عمرنا تناثر هباءًا،.

_________
زهراء.

- كثير من النهايات لا تأتي مباغتة، كل النهايات لها مقدمات ولكننا نتجاهلها لأننا لا نريد حينها استيعاب الحقيقة.

احس نفسي ضايعة بين اجراءات المستشفى والضابط والطفل بس اول ساعات فرحت بطفلي وراها حسيت نفسي بدوامة.

مطالبة حالياً اثبت جنسية الطفل ووالدة واني كل الي عندي اوراق مستنسخة ومدمرة .

اول شي اخذو الطفل وعرضو على الاطباء وبعدين اجة دوري جانو مستغربين ليش بوحدي وفوكاها اللغة الي عندي جدا ضعيفة.

حارو بأمري اجة مترجم وطلع تونسي وهم متفاهمنا لان اني الكلمات احس مدًا استوعبها افتهم الاحداث والحركات بس ما افهم الكلام.

المترجم الثاني حاول يتفاهم بكل الطرق اخر شي حاول وياية بطريقة جديدة شوفني صور وفهمني على اساسها.

اول شي طالب بتسمية الطفل وبعدين فهمني اني بجسمي اكو ضربات منو الي معتدي عليه بالضرب هنا عبالك انصعقت وهسه يلا استوعبت.

اشرتله على الحلقة الي اصلا هي حلقة زواجي بسلام الله يرحمة بس راح يفهم ان هو زوجي الحالي فهد سالني وينة ؟

احتاريت شلون افهمة رفعت اكتافي وقلبت شفايفي دليل على ان ماعرف وينة.

صفن بوجهي ورجع سالني متعرفين وين راح يعني ابلغ علية معنفج علمود انفصالكم حسيت هذا طوق النجاة الي من خلالة راح اعرف فهد وين.؟

هزيت راسي ووافقت على ان ياخذون صور للتعنيف وبعدها وقعت على ان هو مفقود بس قبلها عنفني.

بقيت بالمستشفى تقريبا يومين علمود التحاليل كلها ولان الاب مفقود عرضو علية اسمي الطفل باسمي مقبلت ضفتة على اسم سلام.

حتى مقبلت اضيفة على اسم فهد والشرطة مستمرة ادور على فهد ولا اثر يدل على خروجة اصلا.

ولان الشقة ايجار اخذوني لمكان اسمة  دار الرعاية  نطوني غرفة نوم مشتركة ويا بنات.

حسيت بالغربة تتوسط روحي ماعندي احد احجيلة ولا اشكيلة ولا واحد يعرفني ويسال عني بهذا المكان.

دار الرعاية جان يشمل المراهقات او الشابات الي اهلهم ميريدوهم يشبة دار الايتام موجودة مرشدة نفسية والمكان كبير وواسع مسموح النا نطلع من الصبح الى قبل المغرب بساعة الكل يدخلون للدار.