شقة العراقيات

البارت الخامس عشر

شعرت بأنني شمعة أحرقت نفسها
لتضيئ غرفة شخص اعمى ..

_____________
زهراء .

اكبر اغلاط الانسان عدم تقدير الذات .

وهاي الجملة عرفتها ورا ما أخطأت بحق نفسي وبحق كل شخص دخل لحياتي .

بدار الرعايه المكان العشت بي يتم الاعتناء كشخص راشد ٣اشهر فقط وبعدها يدبرولك شغل وتطلع تشتغل الى ان تتحسن نفسيتك ووضعك المادي وتخرج من مسؤولية الدار والدولة.

افتهمت السالفه من المترجم يمان وطلبت منه يكون شغلي يم عراقيين اقلها اكون بينا لغه حوار واتكفلني.

تقريبا يومين وردلي خبر من صديقة يريد وحدة تنظف الشقه مقابل مبلغ مالي بسيط زائد وجبة اثناء العمل .

الولد عراقي هو صديقه اسمه سيف مو متزوج  فكرت بيها يوم واحد متكفي اطلع من الدار بس اقلها اكدر ادبر لابني هدوم.

اقتنعت ووافقت ثالث يوم رحت اني وابني بعد ما تم تسليمي هدوم بسيطة وعربانه للاطفال تابعة للدار بعد ما جنت مفكرة اشيله بايدي .!

وصلنا للمكان مساحة العمارة والاطلالة والشقة ادل على الحالة المادية لصاحب الملك.

بداخلي تمنيت لو اتزوج هيج شخص متمكن يعني بحياتي ما افكر بهدوم طفل ولا شنو اكل وشنو اشرب يعني ارتاح بحياتي.

وصلنا للشقه وفتحها شخص كتلة من الجمال والرزانة وبعدين عرفته هذا سيف.

صاحب طول مناسب وجسد رياضي وشعر ولحية لونها اسود وعيونه رصاص مصبوب بداخلها اختصار الكلام جميل.

اسحب كلامي مستحيل يتزوجني هيج شخص مال وجمال وشخصية.

اول شي اتفق ويايه ان السعر الرمزي راح يكون امام الدار وان هو راح يزود بدون علمهم .

استغربت بعدين استوعبت الدار كل ما ادركت حجم الراتب كلما طلبت منج ان تستعجلين الخروج لهذا اظل شهر هناك ما اصرف على شي بس اني وابني بدون لا ايجار ولا فواتير ولا فائدة للدولة.

ورا الاتفاق قدم اليه عصير ورتب مكان لنائل الي سرسح على حرارة الشقه وترك اليه الشقه واتفقنا بعد ساعتين اكون مخلصه كل شغلي راح يوصي اليه على اكل وسالني شنو افضل.!

لطافته زادتني انبهار فوك انبهاري بشكلة الخارجي بس اكيد حالتي الرثه تدعو الى الشفقه والمواساة .

الشقه نظيفه بس بيها طابع انثوي وهدوم كذالك ثارت فضولي القطعه فستان مخمل اسود قصير شغل راقي وتحفة ووياها كعب نسائي مخمل اسود اختيارات تعجب بيها.