Opposite Lovers [COMPLETED]

Chapter 68 * MY LAST DAY*

Chapter 68 

* MY LAST DAY* 

(MINAM'S POV) 

Tahimik ang paligid. Wala akong ingay na naririnig. Minulat ko ang mga mata ko. Naanigan ko ang sikat ng araw na tumatama sa'king mukha. Nakakasilaw ito. Lalo ko pang niyakap ng mahigpit ang unang binigay sa'kin ni Kenjie na nakalagay lamang sa tabi ko. Ito ang graduation gift niya sa'kin. I never expect na magreregalo siya,kaya nagulat ako. 

Pagkatapos namin mag-papicture na dalawa kay tita Milinda. Dinala niya ako sa isang restaurant. And it's exclusive for both of us only. That day...sobra kong saya. Kahit papaano lahat ng problema na dinadala ko ay biglang nawala ng dahil sa kanya...kaso after non...I realize na pansamantala lang pala 'yon. 

Umayos ako ng higa at humarap. Tinitigan ko ang kisame na waring nag-iisip ng malalim. 

Parang ayokong kumilos ngayong araw na 'to. Hindi ko naisip na dadating pa ang araw na 'to. Gusto ko na ngang burahin ito sa kalendaryo. Habang tumatagal at lumilipas ang panahon parang unti-unti akong nauubusan ng pag-asa. Akala ko kasi madali. Madali lang ang pakiramdam na umalis ka kaysa ang iwan ka...kaso sa nararamdam ko ngayon. Sa tingin ko both side, hindi madali! Hindi madali ang mang-iwan at iwanan ka kasi parehas lang sila nasasaktan. Parehas lang sila makakaramdam ng pangungulila sa isa't isa. 

I closed my eyes. Ilang araw na akong ganito. Hindi ko malaman kung ano ang magiging desisyon ko. Litong-lito na ako. Gusto kong umalis kasi...para sa future ko 'tong ginagawa ko kaso...ayaw ko rin, dahil ayaw kong iwan silang lahat. Napalapit na sila ng husto sa'kin at 'di ko lubos maisip na hindi ko sila makakasama ng mahigit apat na taon! Hindi biro ang apat na taon na mawawala ako sa Pilipinas. Maraming magbabago. Maraming maglalaho at natatakot ako sa mga maaring posibleng mangyari sa panahon na 'yon. 
Tok! Tok! Tok! 

"Minam. Gising ka na ba? The breakfast is ready" 

Napabalikwas ako ng upo nang marinig ko sa labas ng pinto ang boses ni tita Milinda. 

Sinuklay ko ang magulo-gulo ko pang buhok. 

"Ahhh- gising na po ako tita. Susunod na lang ako" sigaw ko sa kabilang pinto habang tinitingnan ko ang naging anino ni tita Milinda dito sa loob. 

"Okey, sunod ka na lang,ha?" 

Isa-isa ko ng dinampot sa mga kamay ko ang unan at kumot para tupiin at ligpitin 'to. 

"Opo" sagot ko habang abala ako sa ginagawa ko. 

"Okey" 

Tsaka ko narinig ang paglalakad pababa ng hagdan si tita Milinda. 

Pagkatapos, napaupo ako sa gilid ng kama at minatiyagan ko ng mabuti ang istruktura ng kwarto. Maya-maya ay mag-eempake na din ako ng gamit at tanging limitado lang ang mga bagay na maaari kong dalhin sa Amerika. Pawang mahahalaga lamang. 

Si Mamang at si Tito Edgart ang susundo sa'kin bukas. Kaso pansamantala lang sila do'n dahil dito na talaga sila nakabase sa Pilipinas para bantayan si Natalie. Gusto rin kasi ni tito Edgart na makabawi sa anak niya dahil ilang taon siyang nawala sa tabi nito. At naiintindihan ko naman 'yon. I have no hard feelings kasi alam kong kailangan 'yon ni Natalie. 

Humarap ako ng ilang minuto sa salamin at inayos ang sarili ko. Tinali ko muna ang mga buhok ko tsaka napagpasyahan kong lumabas na ng kwarto.