Taming A Beast (Passion Series #1)

Chapter 34

Nag-usap pa kami ni Drick tungkol sa kung anu-ano matapos iyon at kung hindi ako tinawag ng mga crew ay hindi pa ako makapagsimula sa trabaho ko ngayong araw. Naaliw pa ako sa usapan namin ni Drick, lalo na 'yong napag-usapan namin kung gaano kami kasaya noong kami pa.

"Stella, I have your number with me. I will text you later. Magba-bonding sana tayo bukas," pagtatapos ni Kendrick sa usapan namin.

I chuckled. "Saan naman? At hindi rin naman ako busy bukas. Tatawagan ko na rin si Strawberry para makasabay siya sa atin."

Tumango siya at namulsa. "Sure, let's bonding tomorrow, just like the old times. Don't worry, I won't make it a big deal. Alam ko namang may asawa ka na, eh."

Kumamot-batok pa siya. Mahinang tumawa lang ako sa kaniya bago iminuwestra ang daan palabas. Bumaling ang kaniyang tingin doon bago ibinalik ang tingin sa akin na nakaarko ang kilay.

"Tinataboy mo na yata ako, eh," natatawang sabi niya. "Sige na, mauna na ako. See you when I see you, Stella," pagpapaalam na lang niya.

I pressed my lips. "Hindi kita tinataboy, 'no. Baka kasi may gagawin ka pa, eh. Mukhang sinayang ko na ang oras mo."

Mabilis na umiling siya. "Hindi mo sinayang ang oras ko, Stella. Masaya nga ako kasi hindi tayo katulad ng ibang mag-ex na hindi na nag-uusap. I enjoyed my morning with you, Stella."

"Thanks, Drick," I thanked him.

Umalis siya kaagad matapos iyon at nagsimula na ako sa trabaho ko. I helped my staffs to clean the mess on the tables. Si Clourine ang nakatoka sa counter at sina Raiza naman ang tinutulungan ko.

Habang naglilinis ng lamesa ay napatuwid ako ng tayo nang bigla akong nilapitan ni Raiza at mukhang may ichichismis pa. Tumigil ako sa ginagawa at tumingin sa kaniya.

"M-Ma'am," bati niya sa akin bago tuluyang lumapit.

Pinagdikit niya ang kaniyang braso sa akin at naglinga-linga pa siya. Mabuti na lang ay busy ang lahat at may sari-sariling mundo kaya hindi nila napansin na nilapitan ako ni Raiza.

"Ma'am, maitanong ko nga pala..." panimula ni Raiza.

"Ano 'yon?" I astonishingly asked her.

"Hindi naman sa nakikialam ako, ma'am, ha... pero kasi," aniya na tila nag-aalinlangan pa sa sasabihin niya sa akin. "Noon kasi... Nakita ko kayong magkasama niyong kausap mong lalaki kanina and I heard po na... He was your fiancee that time. Nalilito lang po ako, ma'am, but I respect your privacy if you don't want to clear it to me po."

I bit my lower lip before taking a deep breath. "U-Uhm, yes, Raiza. Kendrick was my fiancee and... can you please keep it a secret?"

Mabilis siyang tumango at inangat ang kaniyang palad. "I-I will po, ma'am. S-Sige po, balik na po ako sa trabaho. Nilinaw ko lang po kasi nalilito lang po ako."

Nang gumabi na ay naisipan kong tawagan si Treice dahil hindi siya nakapag-text at nakapag-call sa akin simula kaninang umaga. Tapos na rin ang trabaho at sinara ko na rin ang coffeeshop. Kaaalis lang ng mga staff at ako na lang ang naiwan dito sa labas ng coffeeshop ko.

Hinihintay ko kasi si Treice dahil binanggit niya kaninang umaga na susunduin niya raw ako. Hindi naman ginagabi si Treice sa pagsusundo sa akin at minsan pa nga ay nagtratrabaho pa lang ako, nandiyan na siya, hinihintay ako. Ito ang unang beses na nahuli siya.