فارسي الأجنبي ( من عالم آخر ٢)

الرابع و عشرون

ال٢٤
...........
الفصل الهدية اهو ❤️❤️❤️🙈ل هجورتي...
كل سنة وهي طيبه و عقبال ال100 سنة ياروحي..
و أشوفك في أعلي مكانة و محققة أحلامك 🥺❤️

..................

فتحت الخادمة و دخل إلياس بهيبته للداخل... تفاجأ من وجود جميلة و سليم...
فنظر لهم بتعجب...

بينما جميلة نهضت سريعا معانقه إياه بحب أموي... فبادلها العناق مردفا بتعجب
_ انتو رجعتو أمتي؟

ردت عليه ببسمة جميلة
: لسا من ساعتين...

نظر إلياس ل سليم بجمود فمازلت العلاقة بينهما جافة حاده
_ حمدلله علي السلامة

رد سليم بنفس الجفاء
: الله يسلمك.. اتفضل البيت بيتك..

دخل إلياس وجلس معهما..
لم يجد ما يقوله فهو جاء من أجل الأحمق يامن... ولكن بوجود عمته و زوجها لا يعلم ماذا يفعل...
اردفت جميلة بتعجب من ملامح إلياس و صمته..
_ مالك يا حبيبي ساكت ليه.. انتو كويسين.

رد سريعا ببسمة جميلة
: لا ابد يا جيمي.. بس اتفاجأت إنكم هنا... وانا كنت جاي ل يامن في موضوع كدا..

اومات له ببسمة..ثم اردفت بنبرة تبدو حزينة
_ يامن سلم علينا و طلع اوضتة بيقول انه تعبان وعنده ضغط في الشغل...

رمقها إلياس بصمت و تفكير...
فصدمته بسؤالها
_ إلياس يامن فيه حاجة؟ حاسة إبني مش كويس و بقاله فترة علي كدا علشان كدا قررنا انا و سليم ننزل علطول

تنهد إلياس بتعب... ثم اردف بجمود مجيبا علي سؤالها بطريقة غير مباشرة
: هاجر اتخطبت

وقعت الكلمة كالصاعقة علي رأس سليم و جميلة... فنظرت سريعا له بعدم فهم و تيه مردفه بتلعثم
_ هو بيقول اي يا سليم.. ؟

نظر سليم ل إلياس بجدية مردفه بحده
: ده اللي هو ازي ده..

زفر إلياس بإرهاق متمتم بخفوت
_ فجأة قالت ان فيه شاب متقدم ليها وهي عرفاه من أيام الجامعة و مصممه عليه...

ردت جميلة بدموع
: ازي دي بتحب يامن... هاجر بنتي اللي انا مربياها ازي تكسر قلبها كدا و تكسر قلب ابني... اكيد حاجة حصلت لكل ده... هاجر لايمكن تتصرف كدا... دول من اول ما إتولدوا وهما لبعض...

_ والله يا عمتو ماعارف... ولما زمردة قالت كدا هاجر قالت علينا مأفورين و يامن اخوها مش أكتر..

نظرت جميلة للأعلي بنظرات دامعة و قلب ملكوم علي فلذة كبدها الوحيد...
بينما سليم زفر بغضب وحده... يعلم تمام العلم ان ولده مثله عاشق حد النخاع... و سيتحول لما كان عليه حينما كان منفصل عن جميلة....