سحر الياسمين

الم

ريم مكانت تريد تحجي هالحجي بس مجبورة تريد تصحي صديقتها وتصحح حياتها تعرف ياسمين تآذت هواية وهاي فرصه ترجع لابوها ويكون عدها عائله ويعوضوها عن الشي شافته  بحياتها.

ياسمين متوقعت ريم تحجي هيج وتسده بوجهي معقوله تريد تقطع علاقتي بيها وتنهي صداقتنه وكل هالشي ليش علمود شنو علمود ابوية!ابوية الي عافني وحدي ومسآل عليه!صارت مثلهم مع الاسف.
وبدت تبجي ..مرت ايام ريم متصلت على ياسمين ولاسآلت عليها تريد تحسسها بغلطها
ياسمين يوم تروح للشغل ويوم لا تعبت من تفكير ومن حالتها حتى صديقتها متسآل عليها.

مر اسبوع ..
ياسمين كانت تتفرج تلفزيون تشوف فلم وشافت مشهد بنية صغيرة تروح لآبوها وتحضنه وابوها فرحان ،ياسمين تآثرت كولش بهالمشهد ودمعتها نزلت.

راحت لغرفه فتحتها كانت مقفوله صارلها سنة تقريبا دخلت بيها وشافتها كانت غرفه امها وابوها شافت الصور الاغراض
بقت مثل مكانت شافت البوم صور وكعدت تقلب بي وتذكر الايام من كانو  ابوها وامها  سوه شلون كانت فرحانه وتحبهم كولش بس هسه ظلت وحدها لا ام تحن عليها  ولا اب يسآل تذكرت كلام ريم راح تخسرين هواية ناس ،متردين اخوة وخوات،مو تردين اب؟
بابا!!!صارلي شكد مكايله هالكلمة وحاسة بيها نسيت معناها وشنو هي،معقوله يرجع كولشي مثل قبل واعيش وية بابا اكدر!اتحمل!اسامحه!!
ظلت هالكلمات براس ياسمين محتارة شتسوي تنطي فرصه لابوها وتسامحه لو تبقه  وحدها عايشه هيج.
دك تليفون ياسمين شافته لكت ريم تتصل عليها ياسمين هسه اذكرتني وادك عليه شالته
ريم بصوت مخنوق :هلو ياسمين
ياسمين نبره صوتها محبتها خافت بيها شي:هلو ريم شبيج ليش صوتج هيج.
سكتت ريم صعب تكول  لصديقتها هالشي بس بعدين  كالت:ياسمين ابوج توفه الصبح
ياسمين سكتت وانصدمت توفه؟يعني راح هاهيه؟
ريم شافت ياسمين سكتت خافت عليها:ياسمين حبي وينج لتخوفيني
ياسمين تمالكت اعصابها وكالت:الله يرحمه
ريم:بس الله يرحمه!
ياسمين :لعد شتردين اكول مثلا كان يحبني ويهتم بيه وهسه خسرته!