زُها

الفصل الثالث عشر

بسم الله الرحمن الرحيم
لا تدع القراءة تلهيك عن الصلاة
الفصل الثالث عشر
🌹🌹🌹🌹🌹🌹🌹🌹🌹
في اليوم التالي
كانت "زُها" تخرج من غرفتها في الدار عندما رأت "وجدي" الذي يقترب منها بينما ترتسم على وجهه ابتسامة كبيره وما ان وقف امامها حتى قال

عامله ايه النهارده يا انسه زُها؟
زُها: الحمد لله ،حضرتك عامل ايه؟
وجدي: الحمد لله ،ينفع نأخد قهوه في الكافتيريا مع بعض عايز اتكلم معاكي في موضوع مهم
زُها: بحرج: ايوه طبعاً اتفضل

ابتسم لها "وجدي" واشار اليها بأن تتقدمه وسار خلفها وما ان جلسوا على اقرب طاولة وما ان احضر كوبي القهوة وضعهم امامهم حتى نظر لها بتأمل بينما يقول بأبتسامه

انا عرفت انك فوتجرافر شاطره اوي وكذا حد شكر في شغلك جامد اوي
زُها: الحمد لله ،اي انسان بيحب شغله بيكون حصيلة شغله حاجه مبهره
وجدي: فعلاً علشان كدا انا كنت عايزك تعمليلي جلسة تصوير للتحف بتاعتي
زُها: بتساؤل: تحف ايه؟
وجدي: مقتنيات نادره انا بحب اجمعها ومحتاج حد يكون موثوق فيه يصورهملي فياريت لو ينفع يكون النهارده او بكره بالكتير
زُها: للاسف انا مقدرش اليومين دول لاني مشغوله جداً ومش هقدر الفتره دي خالص بس انا ممكن ارشح ليك حد تاني اشطر مني كمان
وجدي: لا ملوش لزوم انا هستنى لما تفضي لان ذي ما قولتلك لازم اللي يصور الحاجات دي يكون حد موثوق فيه فهستناكي لما تفضي
زُها: ذي حضرتك ما تحب انا هكون فاضيه على اخر الشهر
وجدي: تمام وانا هكون في انتظارك

ابتسم لها وهو يبدأ في تناول محتوى كوبه بينما حاولت تجنب النظر اليه فلا تعلم لماذا تشعرها نظراته بعدم الراحة
🍂🍂🍂🍂🍂🍂
بداخل غرفة "زياد" بالمشفى كان يتحدث مع صديقيه عن حادثته عندما تقدمت منهم والدته وهي تبتسم بينما تحمل عدة اقراص في كفها وكوب ماء في الكوب الاخر وما ان منحتهم اياه حتى قالت

يلا بقى خد الدواء علشان تأكل وكفايه بقى كلام في الشغل
علاء:متقلقيش حضرتك احنا خلاص خلصنا كلام في الشغل
زياد: هي سهام فين مجتش النهارده؟
بسمه: في الجامعه راحت النهارده علشان تأخد ورق المحاضرات من زمايلها انت عارف ان الامتحانات قربت
زياد: ربنا يقويها ،لو سمحتي يا ماما عايز بعد كدا حراسه تمشي مع سهام
بسمه: بس انت عارف ان اختك مش بتحب الحراسه
زياد: معلش يا ماما اليومين دول بس ....... ثم نظر الى احمد وهو يكمل .... ولو سمحت يا احمد روح انت جيبها من الكليه النهارده علشان مترجعش لوحدها
احمد: وهو يقف: حاضر انا هروحلها الكليه
زياد: خد رقمها من على موبايلي علشان تعرف تتواصل معاها ،خلي بالك منها يا احمد
احمد: وهو يبحث في هاتف زياد: متقلقش يا زياد مش محتاج توصيني على اختك ،بعد اذنكم