شقة العراقيات

البارت الخامس عشر

كل قطعه مليانة فخامة وبنفس الوقت نزاكة وبساطة ولان خلصت تنظيف قررت البسها وطلعت فيت على جسمي ورجع اليه التخيل لو اني زوجته اوف يوم الهنا.

يعني بدال ما اني اخدم بيه بفلوس جان خدمته بعيوني وداريته لان بيتي مملكتي.

اتعطرت من عطورة وتورطت الريحة متروح رجعت لبست هدومي وغسلت ايدي وركبتي بس ماكو هيج عطر لزكة وثابت.

دك الجرس وعرفت هذا عامل التوصيل ويا الاكل موجود هدوم لابني فرحت وحظنتها لدرجة من الفرحة عفت حتى الاكل.

اخذتها واكلت شي قليل وعفته بالثلاجة وملاحظة اتشكرة على موقفة ويايه.

وبكد ما هو صاحب غيرة ونخوة وفكر بيه بكد ما تمنيته لنفسي.

خلصت وخابرت على يمان وعرض علينا يوصلنا لان تقريبا راح يروح لنفس المكان.

وصلنا من بدا يساعدني بتنزيل ابني وتعديل عربانة الطفل تقربت منه نطيته نائل هو ما رفع عينه بس عكد الحاجب بغضب.

سيف:يمان ممكن دقيقه تلزم الطفل؟.

يمان :طبعا طبعا اتناقشو على راحتكم.

تبعدنا مسافه قريبة عطرة ومشيته تذكرني بسليم.

سيف:شوفي يا بنت الناس تسلمين على التنظيف اولا بس اني نبهت عليج ما تنظفين غرفتي ارجوج لتقاطعيني ليش مستعملة من العطر مو على قيمتة بس شلون تدخلين بخصوصياتي؟!

زهراء:اعتذر موقفي ما يتبرر بس الله يخليك خليني اشتغل بعد ما اسويها .

سيف :اني بس نبهتج ما ذكرت بعد ما اخليج تشتغلين على العموم اتمنى منج بعد من انبهج على شغله التزمي بيها.

زهراء:ان شاء الله اكون مثل متريد.

هز راسه بحركة سريعة وبعدها ودعني ودخلت للدار بوجهي بدلت لنائل حبيبي يخبل عليه الهدوم.

وتم الاتفاق على هذا المنوال لمدة شهر تقريبا ولا مرة صادف وجودة بالبيت ياخذني يمان وهناك يطلعون من الشقه لدرجة صرت اخذ راحتي بالشقه ويا سيف. 

كل الايام الي مرت علقتني بي يمكن ما حبيته بس اعجبت بي بشدة اخذ كل اهتمامي لدرجة التنظيف يكون على اعلى مستوي واحط لمساتي بكل مكان اغير بكيفي كل شي الا غرفة النوم. 

بهذا الاسبوع تحظرت وطلعت من الدار من نبهوني ان اكو شخص ينتظرني وتفاجات بي سيف.

حسيت مثل شعور الطفلة الي ابوها اجة ياخذها من المدرسة وجان ملفت للنظر بهندامة.