رواية جماره

٣١

جُماره
ابنة بائعة الجبن البارت الواحد والثلاثون 31
بدايةً وقبل القراءه ارجو من الجميع الدعاء للكاتبه شيماء فرح بالرحمه والمغفره وان يرحم الله موتانا وموتى المسلمين جميعا ..

وابتدا يوم جديد بأمل جديد وفرحه جديده وحياه جديده الكل مطمنلها فظل وجود الشيخ حكيم ..
والشيخ حكيم نفسه مطمن ومآمن بوجود جمارته فحياته اخيرا وحاسس انه معادش عاوز من الدنيا اى حاجه تانيه غيرها ..وبرغم قوته وضعفها الا انها هى مصدر كل قوته وصلابة قلبه ..
************
جماره واقفه قدام حكيم بتلبسه العبايه وبعد ماخلصت هو مد ايده ومسك الشال الابيض اللى على طرف السرير ولفه على دماغها ودخل بأيده كام شعره كانو باينين وشد الشال لقدام  :

جماره بضحكه :براحه هتجيبه على عنيا وامشى مش شايفه واتكفى على بوزى ..

حكيم :طب تصدقى انى نفسى اداريهم عنيكى دول ومخليش حد يشوفهم غيرى واصل ..حتى لو كانت مره زيك ..ولا امى ولا اختى ..ولا حتى امك .

جماره :ابتدت رحمة الله وبدت الغيره عاد ..وهى يعنى البصه عتاخد منى ولا تنقصنى ياشيخ 

حكيم :داى املاكى وانى محبش حد يتطلع لحاجه ملكى ابدا ..عاجبك ولا مش عاجبك ..اوعى يكون معاجبكشى ياست جُماره !

جماره قربت منيه وحاوطت رقابته ورفعت روحها واتعلت اكتر لما وقفت على رجليه واتحدتت بهمس وعينها فعينه :
عاجبنى ونص وتلات تربع كمان ..اصلا كل حاجه منيك عتعجبنى ياشيخ قلبي ..

حكيم ابتسم وهو عيحاوط وسطها بأديه ويقربها منيه وبص على السرير وبصلها وهى بعدت عنيه بسرعه لما فهمت قصده وهى عتضحك ..

له عاد  بكفاياك  ..خلينا ننزلو نفطورو الا الواحد بطنه عتظوظو من امبارح وانى لا اتعشيت ولا اتغديت ..وانتا مصمم ننزلو نفطورو تحت ومخلتش حد يطلعلنا وكل ..مش كنا قعدنا النهارده اهنه وكانو جابولنا فاطور كيف كل العرسان ؟!

حكيم وهو عيعدل خلجاته :له ياجماره انى عاوز افطور مابين حبايبى كلهم واتقاسم معاهم اللقمه والفرحه ..وبعدين عشان طالع بعد الفطور اشوف اللى ورايا

جماره بعدت عنيه وحطت اديها فوسطها واتحدتت باستغراب :اللى وراك!!.ايه اللى ورا عريس يوم صباحيته ياحكيم ؟

حكيم مد يده ومسك يد جماره شالها من وسطها  :اول حاجه ياجماره نزلى اديكى واوعك وانتى عتحدتينى تعملى الحركه داى نوبه تانيه ولا تحدتى الشيخ بالاسلوب ديه  ..

انى عحبك ايوه ..عتنفسك مع الهوا ماشى ..عتجرى مجرى الدم فعروقى زين ..لكن تقللى احترام فطريقة كلامك معاى هركن كل ديه على جمب واربيكى من اول وجديد على مزاجى وكيف مااحب ....

انى شيخ وانتى مرت الشيخ والنهارده شيخك فصباحيته جايله فصل من يوم ماغبت عن الدنيا  اصحابه دلوك ليهم ٣ شهور وهبابه يكتلو فبعض والعيلتين داخلين فحرب لما اتصفت رجالتهم خالص ..