ابتسم بهدوء ثم رمق محمد الذي يكتم ضحكاته بعنف... حتي كادا يختنق.. بنظره قاتله... يلعن اليوم الذي قابل به محمد و حدث هذا الموقف امامه
نظر لوتين بنظره ساحرة عاشقه متمتم بهدوء وهو يحاول توجيه سحره لعلها تنسي كلمات محمد..
_ حبيبي دي بنت مراهقه متابعه صفحتي ع الفيس و اعجبت بصوري و بنت احلام وردية وهي اصلا متعرفنيش زيها زي بنات كتير بيعملوا مع اي حد وسيم...
رفعت زمرده حاجبها بغيظ...
ف إلياس يتحدث بثقة كبيرة عن وسامته.. كإنه اوسم رجل ف العالم.
_ فلما شافتني في النادي مصدقتش نفسها.. و جت تكلمني و كعادت معظم البنات المراهقات اللي بقوا وقحين جت تعبرلي عن حبها و كإني اعرفها و ببادلها الحب الوهمي ده.. بس اتصدمت لما قولتلها اني متجوز و بحب مراتي و اني لو اتجوزت من بدري كان زماني مخلف قدها.. قعدت تعيط بقا و للاسف كان شكلها تعدت الاعجاب و حبتني بجد...بس للاسف حب غلط.. ف سبتها و مشيت.
وهنا تحدث اللواء يحيى الذي كان يتابع الحديث بتركيز مثل الباقي.. فقد تخلوا عن المزاح و أولوا إلياس تركيزهم...
: عندك حق يا إلياس.. للأسف بنات مراهقات كتير بسبب الفيس و الموبايلات و الحرية و الانطلاق في عالم السوشيال ميديا بقوا يفتنو باي شئ جميل و يبنوا احلام كتير... و في الاخر بيدمروا علي ارض الواقع
اضافت بيسان بجدية ايضا وهي تأكد حديث اللواء.
_ فعلا عند سيادتك حق.. هما بياخدو الموضوع هزار و ضحك و لعب.. بس واحدة من كل عشره.. للاسف بتتعلق بالشخصيات اللي ف العالم الافتراضي ده و بيتحول الضحك و الهزار ل جد و بتبدأ تعجب بيه لحد ما يقلب احلام يقظة و هوس...
اوماو لها بتاكيد...
اردفت بسملة بلغة مصرية متقنه
: عشان كدا بنشوف شخصيات كتير مش سوية.. و عندهم مشاكل نفسيه خارجين بيها من مرحلة المراهقه.. و بتأثر علي شبابهم في المستقبل.
نظرت لها زمردة مردفه بحزن
_ عندك حق.. المرحلة دي خطيرة جداا و لازم الأهل يتعاملوا مع اولادهم صح فيها.. بس هقولك معظم الحاجات دي بسبب تربية الأهل و تعاملهم الغلط مع اولادهم... كل الاهل بيحبو أولادهم بس للاسف فيه ناس بتعبر غلط عن الحب ده... وفيه ناس مابتعرفش تتعامل فبتقفل علي الاولاد... و الكبت و القفلة دي بتولد انفجار عند المراهق و بيتصرفوا في الاخر بشكل غلط و غير سوي.
رد وليد مبديا رأيه في هذا النقاش.
: بس لو جينا للأهل مش هنحملهم المسؤلية كاملة.. لان كل شخص وليه طريقه تفكير ونمط معين اتولد و اتربي عليه و عاش عليه.. ومعظم الاهالي صراحة في الجيل القديم غير متعلمين او مكملين تعليهم.. وهنا نيجي للمراهق... بعد المراهقه لو عدا المرحلة دي بدون خساير و شخصية سوية تمام.. انما بقا لو عنده نقص او مشاكل.. فعنده عقل يقدر يميز بيه بين الصح و الغلط لانه وهو بيعمل الغلط عارف ان ده غلط بس بيبقا مكمل فيه... الإنسان هو اللي بيختار الطريق اللي بيمشي فيه بس كعادة البشر بيحب يلقي اللوم دايما على اللي حواليه سوا البيئه أو الاهل.
YOU ARE READING
فارسي الأجنبي ( من عالم آخر ٢)
General Fictionهو ليس بصاحب الشركات و الإمبراطوريات.. وليس من أشهر رجال الأعمال.. بل فارس بسيط يعمل في احدي المزارع الخاصه بالخيول.. و المزرعة خاصه بعجوز كهل أصبح من الصعب عليه الاعتناء بها .. إستطاع هو بالنهوض بتلك المزرعة خلال السنوات التي قضاها معهم و أصبحت من...
الرابع عشر
Start from the beginning
