ياليتني لم اخلق

البارت الاول

ياليتني لم اخلق........ البارت الاول
الكاتبه : شهد علي
.......
.....
...
..

قبل لا ابلشش اكتب القصه
حابه اشكر المصممة المبدعه Layla_Alsoltany
على تصميمها لغلاف القصه مصممه اغلفه موهوبة
اشكرج يروحي على التصميم تعبتج ويايه اتمنالج التوفيق والنجاح الدائم
..............
..........
.......
.....
...
..

نبدي بالقصه

_ لج يالخداااااااامه ولج ميااااااااار تعاااااااي بسرعه
_ ها خاله
_ وخلخاله تخلخل اعضامج ولج  اشو دشداشتي لسه ما مغسوله
_ خاله انتي الصبح نزعتيها ولحد الان ما غسلت الملابس هسه اغسلها
_ لا انتي دواج ابوج جسمج يحكج هسه اكله عليج هو يتصرف وياج
_ خاله فدوه لا تكليله هسه اغسلها بسرعهه

اعرفكم عليه اني اسمي ميار عمري 18 سنه اني الوحيده لامي الله يرحمها ابوي مزوج ع امي مرت ابوي عدها اثنين بنات 3 ولد  قصتي بدأت من اول ما انخلقت للدنيا دائما بكلولي انتي حلوووه على امج امي جانت تخبللل ايه من الجمال
جنت أحلااا اخواتي

شعري طويل كلش امي تحب الشعر الطويل ف ابدااا ما أكصه ولا العب بي اني بيضه وشفايفي مرسومات عيوني وسط مو إكبار  لونهن عسلي  وجهي دائري وصاحبه خدود 

دائما ابوي يكلي نتي غلطه واجيتي للدنيا
كل عذاب تغذبته ني وأمي بسبب جدو ما اكول غير الله يسامحه

نرجع للماضي من قصت امي شلون تزوجت ابوي  وشلون تعذبت ويااا

ابوي جان يحبله وحده  الي هيه مرت ابوي حاليا
بس جدو رفض زواجه من عنده وكاله بنت عمك احسن من الغريبه
بوكتها ابوي ميكدر يحجي ويه جدو أو يرفضله طلب ف خطب امي

من ازوجو جانت امي ينومها بكتله ويكعدها بكتله من حبلت امي بيه ماضربهاا امي اتوقعت اتغير وياها
بس ابداااا ما جان يأخذها للدكتور
اصلا جان يكرها ذره حب لامي ماكو

ماحست غير قبل لا تجيبني بشهر تزوج ابوي الي يحبها الي هيه خاله حنان جانت تعامل امي كخدامه ومدام ابوي  وابويااا ساكت ميحجي

من كامت تطلك امي ما اخذها للمستشفى
كال اخذوها للحجيه تجيبها
جانت اكو وحده بالمنطقه تجيب يصيحولها الحجيه

من جابتني  ابوي ابداااا ماشالني  هو حتى ني ما يريدني
ف اني أول ما وعيت ع الدنيا وعيت ع الضرب والاهاين

جان عمري 10 سنوات ماعشت الطفوله طفولتي كلها محبوسه بالبيت ع الكتل الي احصله كل يوميه من ابوي غلطانه أو مغلطانه يكتلني

جانن اخواني من ابوي يغلطن ويكولن ميار هيه الغلطت مو احنا وأبوي يصدك بيهن ويكتلني

حتى ميصرف علينا اني وأمي
امي جانت تسوي كبه وتبيع تخبز للناس وتبيع وكضيناها نخدم باابوي ومرت أبويه

كم مره بمره تروح لخالي وتكله يكللها رجلج واله الحق كلشي يسوي محد جان يفهمها

كل يوم اسمعها شلون تبجي من جان ابوي يكتل امي مره وكفت كدامه  وحطني وياها وكتلني ف امي ما ترضه اوكف كدامه

ف من يكتلها اروح اختل جوه الدرج وأحط ايدي ع أذني علمود ما اسمع  الكتل والشتايم ومن يروح تجي يمي امي  تحضني وتبجي

ابوي ما يقبل اطلع بره
ف مره من الايام  جان ابوي ماهو طالع
ف طلعت  بالشارع العب ويا الجهال ماحسيت غير ابوي فوك راسي  متت من الخوف جرني وطببني للبيت

وشبعني كتل ويكلي كم مره كتلج ممنوع اطلعين بالشارع

أما امي حبسها بالغرفه علمود ما توكف كدامي بس اسمع صوتها تصيح واسمع صوت بجيها  وكل ما تبجي يتطكع كلبي عليها   وخالتي حنان اباوعلها تضحك

ف عافني عبالي مثل كل مره يعوفني ويروح
بس راح للمطبخ حمه سجينه واجه جواني برجلي

بوكتها جنت طفله  شاغتت روحي ضليت ارفسس جوه رجله  وكالي علمود مره ثانيه  تذكرين ما اطلعين

ومن ذاك اليوم وني ابدااا ما طالعه ولا شايفه بشر

جنت اباوع من جوه الباب الجهال شلون يلعبون

امي ضلت تشتغل علمود اكمل دراستي
اضل الليل كله تخيط وبالنهار  تخبز للناس علمودي

امي اتعودت  تضم من الفلوس  لا ابوي ياخذهم منها
ملابسي وأكلي كله على امي  احسبو حتى حذاء حنان امي جانت اتمسحه الها جانو يذلون امي كلش ماحسيت بحنان الأب ابدا
كرهتهم كلش ومن اشوف عذاب امي يزيد كرهي الهم

تأقلمت ع الضرب كمت ماااسوي اي شي بس يصيحولي اروح اركضلهم علمود ما انكتل

لحد هذاك اليوم الي غير حياتي كلها امي عافتني وراحت راحت حياتي الحب الي جنت احصله راح  راحت وعافتني ويه وحوش مو بشر

يتبع

لا تنسون التصويت و التعليق ففدووه ع كد تعبييي