[#Uno] Blown Away: Clementia

Chapter 19

Unedited for now.
—

AKALA ni Clementia nang sabihin ng kaniyang ina na iuuwi na siya nito ay ibig sabihin nito ay sa mismo nilang bahay ngunit nag kamali ang dalaga dahil nang makaalis sila sa mansyon ng Martin ay dumiretso ang sinasakyan nila sa airport.

Tinanong niya ang ina kung bakit sila roon patungo ngunit hindi siya nito sinasagot. Halata pa rin rito ang dismaya sa naabutan nito sa mansyon ng mga Martin.

Gusto niya sana sabihin sa tatlo kung saan siya dadalhin ng ina pero kinuha ng ina nito ang kaniyang cellphone.

Nakabusangot nakaupo si Clementia sa backseat habang pinag mamasdan ang mga sasakyan na dumadaan at nakakasabay nila. Tumingin ang dalaga sa kalangitan, mukhang uulan pa dahil mas lalong dumidilim ang kalangitan.

Nag patuloy ang biyahe nila papuntang airport. Dalawang oras din silang bumiyahe.

Nang makarating ay hindi pa rin siya kinakausap ng ina. Kahit ng kinuha nila ang bagahe sa likuran ng sasakyan. Tahimik na lang sumunod ang dalaga papasok sa loob.

Tuloy-tuloy lang ang ina nito sa paglakad hanggang makarating sila sa counter. Kinuha na lang niya ang boarding pass dahil naayos na pala ng ina nito ang lahat.

TULOY-TULOY na tumakbo ang mag kakapatid ng makarating ang mga ito sa airport. Kung hindi pa nila pinilit ang ina ay hindi nito sasabihin na paalis na ng bansa si Clementia.

Sinabi ng ina nila kaya umuwi ang ina ng dalaga ay para isama si Clementia sa States. Ang dahilan kasi ng mag asawa kaya umalis ang mga ito ay dahil sa ina ng ama ni Clementia. Hindi iyon sinabi sa dalaga dahil ayaw ng mga ito pag-alalahanin ang dalaga at dahil na rin kailangan nito mag-aral.

May malubhang sakit ang lola ni Clementia kaya kailangan umalis ng bansa ang mga magulang nito para bantayin ito ngunit sa masamang palad ay tuluyan na kinuha ng maykapal ang lola nito, kaya umuwi ang ina nito para sunduin si Clementia.

Hinihingal na tumigil si Tres. Halata rito ang takot, takot na baka tuluyan na sila iwan ng dalaga kapag hindi nila naabutan ito ngayon.

Si Uno naman ay palinga-linga sa paligid. Kanina pa nila tinatawagan ang dalaga ngunit out of reach ang cellphone nito.

Habang si Dos naman ay dumiretso sa boarding announcement. Hinanap nito ang bansa kung saan patungo si Clementia. Nanlumo siya ng makita na nakaalis na ang eroplano na sinasakyan ng dalaga.

Bagsak balikat na tinungo nito ang dalawang kapatid at umiling sa mga ito.

LUMAPAG ang eroplano na sinasakyan nila Clementia makalipas ang 17 hours na biyahe sa himpapawid. Sa buong biyahe nilang mag ina ay hindi siya nito pinapansin maliban na lang kapag nag tatanong ito kung gusto na niya kumain o pinag papahinga siya nito.

Ginawa lang niya ang pag binge watched ng series, kumain at matulog. Sumakit din ang pwet nito sa matagal na pag upo at pag pirmi sa iisang lugar sa mahabang oras.