𝖳𝗁𝖾 𝖡𝗅𝖺𝗓𝖾

𝖤𝗉𝗂𝗌𝗈𝖽𝖾 - 2

လူနာကိုဂရုတစိုက်မှာနေချိန် မျက်ဝန်းတွေကနူးညံ့နေတတ်ပေမယ့် သူ့ဘက်လှည့်ဟောက်သည့်ခပ်စွာစွာ ဆရာဝန်လေးကတော်ရုံတော့မဟုတ်။ ကူညီပေးလိုက်သည့်အဘိုးအတွက် registerလုပ်ရန် ဒုတိယထပ်တက်လာတော့ တည့်တည့်ကြီးဝင်တိုက်လိုက်မိသည်က သူ့ကိုမှုန်ကုတ်စွာကြည့်‌နေသည့် ထိုမျက်မှန်ဝိုင်းနှင့်ဆရာဝန်လေး။ registerလုပ်ဖို့ဌာ‌နမေးရန် လမ်းကြောင်းပြန်ခေါက်မိ‌တော့ ရင်ဘက်ကပြုတ်ကျသွားတဲ့lawyer badgeလေးကိုကြည့်ပြီး သူ့ကိုပစ်ပစ်နှစ်နှစ်ပြောချလိုက်သည်က "အရိုင်းအစိုင်းတဲ့"။

ဂျောင်ကု မှန်ထဲမှမြင်နေရသည့် ရင်ဘက်ရွှေရောင်badgeလေးကိုကြည့်ကာ အပြုံးဟုထင်ရုံမျှ ခပ်ရေးရေးပြုံးမိသည်။ ကုတ်ကိုဆွဲချွတ်ပြီးခုတင်ပေါ်ပစ်တင်လိုက်ပြီးနောက် အောက်ကရှပ်အင်္ကျီကိုချွတ်ရန်ကြယ်သီးဖြုတ်တော့ မှန်ထဲတွင်ပေါ်လာသည်က မျက်မှန်ဝိုင်းလေးနဲ့ အလိုမကျသည့် မျက်နှာတစ်ခု။

"ဟာ... မဟုတ်သေးပါဘူး"

ကိုယ့်အဖြစ်ကို ကိုယ်သဘောကျရယ်မိရင်း ခေါင်းခါလိုက်ကာ ဂျောင်ကု သူ့မျက်လုံးထဲမှ ထင်ယောင်ထင်မှားပုံရိပ်တို့ကို မောင်းထုတ်ရသည်။

ရေချိုးအဝတ်လဲပြီးနောက် ချွတ်ထားခဲ့သော အဝတ်တို့ကို အခန်းထောင့်မှအဝတ်ခြင်းထဲ စုထည့်လိုက်သည်။ သူရုံးသွားချိန်တွင် အိမ်သန့်ရှင်းရေးအဒေါ်ကြီးက အမြဲလာနေကျမို့ သူစိတ်မပူရ။

တစ်နေလုံးအလုပ်ပေးထားသည့်လည်ပင်းကို အကြောပြေအောင် ချိုးလိုက်ပြီး ဂျောင်ကု ခုတင်ပေါ်တွင် ပစ်ထိုင်လိုက်သည်။ ပြီးမှ လက်ဆွဲအိတ်ထဲမှဖိုင်တချို့အပြင် အပါးတော်မြဲlaptopကိုပါ ထုတ်ရသည်။ laptopကိုခုတင်ပေါ်ချရင်း မနက်ဖြန်ရုံးချိန်းမှာ တင်ပြမည့်သက်သေတစ်ချို့ကို ပြန်စစ်ဆေးနေလိုက်သည်။

ထိုအချိန် "Eunwoo"ဆိုသော contact nameလေးနှင့်အတူဖုန်းဝင်လိုက်တော့ ဂျောင်ကု အားရဝမ်းသာကောက်ကိုင်လိုက်သည်။ တစ်ခွန်းနှစ်ခွန်းပြောပြီးမကြာခင် ဂျောင်ကု၏မျက်နှာသည် လငမုတ်ဖမ်းသလို မဲကျသွားသည်။

"ဟင်! ဒါဆို ငါတို့နောက်ထပ်သက်သေလိုအုန်းမှာပေါ့"

"..."