عشقهُ خنجر في خاصرتي

البارت الثامن والثلاثون

...
غصن:سودة بوجههم كون هالقهر بيهم والهم ..ولج شدن راح تعوفيهم يتهنون

-لا تدعين عليه .. خلي يروح قابل اموت ما راح اموت ....جاوبت بغير موجه عن الاولى... خليه گلبي يموت عساه طايب من ورطته هاي

احنا نسولف فاتت مرام للغرفة

-ولج شكو تبجين ؟؟هاا عليش تبجين على هذا تبجين تاشر عالباب وتصيح بيه بصراحة خلستنا اني وغصن من عصبيتها ..تبربت وكفت فوك راسي

-كومي طيحي حظهم ...ولج كومي ..جرت غطاي عني وشمرته وتدفع بغصن

-دكومي انت الثانية مكابلتها ...كومي كولي اله ما تتزوج على جثتي سوي هالسوالف مالت النسوان عيطي الطمي روحي لابوها اهجمي الدنيا عليها !!

شدن: وشراح يتغير

مرام:اي صح ك....بره كلهم فد حجاية شكو بيها ويثني والسبب بيمن عيني ؟؟ بيمن؟؟جاوبوني منو اللي وصلهم هذا الحد

غصن:مرام كافي الصوج باخوج شكو جايتها هي احجوا ويه اخوكم

مرام:ايبااااه ست غصن دتعلميني ..دكومن جدة تكول خل نجي وتحجي كدامنا طلباتها وترجع بغرفتها ولج اوكفي وصيحي بيهم جدتي وفراس وياج

شدن:فراس؟؟

-اي كالوا اله تسمعها

..
بعد وقت وكلام واقناع من مرام وغصن هم تشجعني.. خلتني اطلع ..كعدت جار جدتي وحجيت طلبي الوحيد اللي ببالي هسه

كوه نطقت ، ابالع بريكي :-اريده يطلك.... بعدني توه حجيت ، ماكملت كبوا بوجهي الكل خرعوني ..

رجعت ليوره لزكت بالحايط ..

-ما عدنا بنات تتطلك  ،

شنو تطلكين واذا ازوج ،

كبري عقلج ، سوالف تلفزيونات بطلنها ..

نتر بمجرد هالكلمات صدرت منهم

غدير:خلصتي العندج ..باوعي طلاك ماكو ..بيت اهلي بيتج وانت معززة بي...

واني ما اعوفج ولا اقصر وياج ،  وخوفج وافكارج ما الها اي صحة...

صار شهر عايفج هنا اكول وفاة ابوها والطفل واكيد تعبت بس اني جبت امي مرتين  ونكول تعبانة ومو هسه وعوفها ...واجيت البارحة حتى ما كلفتي روحج تطلعين الي وتسمعين ..

كنت مدنكة وكلامه وملامه الي ترس اذني وكأن اني الغلطانة وهو ابو الحق ؟؟