الشهد والدموع بقلمي هدير احمد ،،ديدا احمد،،

الفصل٥

في صباح يوم جديد علي ابطالنا

في الشركه
الكل اتجمع وبدا الاجتماع
حامد.وجه كلامو لعاصم .ايه اخبار الصفقات الجديده والشراكه مع المجموعه الامانيه
عاصم .احنا بعتنالهم الشروط ومستنين يحددو معاد نجتمع فيه ويبعتولنا مندوب لهم
جلال .متقلقش يا حامد انا ظبط العقد زي ما انت عاوز
حامد .تمام وعقد العربيات مع مين
عمر .معايا يا بابا وخلاص كل حاجه تمام علي الدعايه ودي مسوليه حسام
حسام .لسه هشوف الملف لسه عمي احمد مدهولي
حامد. واخبار المصنع ايه يا علي .
علي تمام يا عمي كام شهر وهيبقي اكبر مصنع الكترونيات في الشرق الاوسط
والبركه في جاسر ده مجاله وهو مشاء الله عبقري فيه
جاسر .ان شاء الله ربنا يقدرني عليه
واخبار .مزارع الاعشاب الطبيه ايه
مازن .تمام يا عمي انا وعمي ايمن كنا لسه هناك وبصراحه المهندس الزراعي الي زين قال عليه ده عبقري عمل حجات خرافيه في الارض وضاف نباتات غاليه جدا
ايمن .هو بصراحه كلمني وطلب البذور وانا سفرت معاه يومين حبناها وشحناها من فرع الشركه بتاعنا هناك

وبعد دراسه بعض المشاريع ومراجعه الحسابات ..........
حامد تمام كده كل حاجه مظبوطه يلا كل واحد علي شغلو ..

في قصرالعربي
امال ويسرا والهام قاعدين بيشربو قهوه ويتكلمو
يسرا .انامش عارفه العيال الي مخليفاهم مش راضيين يريحو قلبي ويتجوزو ليه
عماله ازن عليهم وكل ما اقول لواحد يقولي شوفي التاني
امال .والي عندي نفس الحكايه فريحت دماغي وسبتو لاحمد
الهام .انا عندي سايبه مراد براحتو بس خايفه اوي علي مريم
يسرا .بصراحه عندك حق مريم غلبانه اوي وعلي نيتها
امال بضحك . لا ولأجل الحظ. هي مبتحبش الصوت العالي وال عينو منها همجي وقاسي لاقصي درجه
الهام .وانا مش قالقني الا كده والمشكله اني حاسه انها موافقه عليه بس بتخاف منو
يسرا .سبيها بظروفها واكيد محدش هيسمح ان مريم تتجرح
مهياش عاملهةزي المجنونتين التنين مليكه وحنين دول بياخدو حقهم تالت ومتلت
يلا ربنا ييسر لهم الحال كلهم
الكل امين

في الجامعه عند حنين .
حنين اه الواحد تعب جدا
اما اكلم البت مليكه ونروح لمريم
وفعلا رنت علي مليكه واتفقو يخرجو يروحو لمريم
وفعلا كلمو مريم لاقوها في الكفتريا هي وشهد
راحو سلمو عليهم وطلبو حاجه يشربوها وقعدو يتكلمو
مليكه .انت وراكي حاجه تانيه يا مريم .
مريم لا . هسمع بس لشهد الجزء الي حفظتو من القران ونمشي
حنين . اخص عليكي يا مريم بتحفظي من ورانا
انا زعلانه .
مليكه وانا كمان
مريم والله ده كان اقتراح شهد ودي اول مره وكنت هقولكو
شهد .طب كويس احنا ممكن نحدد وقت ونعمل شات جماعي ونعمل حلقه للتحفيظ
مريم فكره حلوه انا موافقه
مليكه .بس انا خايفه اقصر علشان الامتحانات .
حنين وانا كمان
شهد . احنا هنستعين بالله ونبدا وربنا يعنا
ويلا كل واحده تخلص النيه لله