ROWOONx 2

#كُن صديق العيلة.

السلام عليكم ورحمة الله وبركاته.
نقول بسم الله، ونبدأ("

مرحبًا بك صديقي الصدوق، ياللي حضرت معانا رُوونكس، والشكر لك من القلب.
وحتّى لو محضرتش وجاي هنا تتطوّع صد رد كدا، فمرحبًا بك برضو.✨

رُوونكس عشان يستمرّ، ويكمّل معاكم السنين الجاية بشكل أحسن، ومُحترف أكتر، هيحتاج 'مجهوداتكم إنتو' و مساعدتكم إنتو! عشان يقدر يُبرق، ويبقى مُبهر ومُساعِد كل مرّة فعلًا..

إحنا عايزين 'أيدي عاملة موهوبة' -بصوت الناس بتوع العصر القديم دول-

لذلك، قررنا إننا محتاجين وَنس، وضهر وحيطة وسَند وو.. إيه الكلام الكبير دا؟

لكن صدّقني أيّها الصديق
-نظرة كلها شهامة-
إحنا محتاجينك هنا وسطينا.

ولَأجل ذلك، رُوونكس قرّر يعمل فريق، ويفتح لك مجال الانضمام.

تقدر تتطوّع لعمل مهمة واحدة، أو أكتر من مهمة، زي متحبّ وعلى حسب قدرتك والوقت اللي هتقدر توفّره.

أول حاجة لازم تبقا عارفها، إنك ممكن تتطوع بالمرّة الواحدة.
بمعنى؟

يعني إنت ممكن تتطوع إنك تبقا الديزاينر بتاع روونكس٣ وبس.
وخلاص كدا تسلّم مفتاحك وتمضي في طريقك، وغيرك ييجي ويصمم لـ روونكس ٤ .. وهكذا في كُل المجالات.

فـ اطمّن! مش هتدبِّس!
-ولو إن التدبيسة معانا سمنة على عسل يعني-

- كمان، وجب في البداية التنبيه إن التطوّع للبنات بس. اشطا؟ اشطا.-