ROWOONx 2

17. • حجابك ثم حجابك!

السلام عليكم ورحمة الله وبركاته.✨

المُشاركة من فئة: رَوح وريحان.
كُتِبت بواسطة: نور

عزيزتي الفتاة، لو اشتريتي طقم مجوهرات غالي إنتي بتحطيه فين يا ترا؟ مو معقول تحطيه على طاولة أغراضك وتخلي الرايح والجاي يعبث بيه، أكيد رح تحطيه داخل صندوق/علبة مجوهرات.

طيب ليش؟ عشان تصونيه طبعا! أها، ناخذ مثال ثاني، إنتي لو كان عندك سيارة فخمة آخر طراز ما رح تخليها مركونة في الشارع، صح؟ بطبيعة الحال رح تخبيها في مرآب أو عالأقل في مكان محروس، ليش؟ عشان تحميها من العين والحسد والسرقة!

والأمثلة ما تخلص ومثل ما كل الطرق تؤدي إلى روما، كل الأمثلة رح تؤدي إلى نفس الحل، وهو حماية الشيء النفيس من الناس، لأننا بنخاف على الشي الغالي، بنخاف عين حاسد تصيبه، نخاف أولاد الحرام يسرقوه... طيب رح يجي في بالك سؤال، شو دخل المجوهرات والسيارات بعنوان الخطاب هاذ؟ ما هو لازم نحكي عن الحجاب! بالضبط يا أختي، إنتي شو بتكوني؟ ما تقولي بنت ولا امرأة ولا سيدة ولا آنسة ولا طفلة و تسكتي...

لا، مو هيك!! نحنا مثل ما قال عنا رسول الله صلى الله عليه وسلم "إنهن المؤنسات الغاليات" شايفة حبيب الله شو قال عليكي؟ قال عنك مؤنسة غالية!! وقال في بداية الحديث لا تكرهوا البنات! شايفة كيف انتي نفيسة في الإسلام؟ ونحنا شو قلنا في البداية عن الشي الغالي؟ قلنا لازم نحميه! ما هو هاذ بالضبط اللي عم احكيه يا أختي، نحنا الله وهبنا جمال، جمال روح وجمال جسد، نحنا الله خلقنا غاليات محببات، ومن واجبنا نحمي أنفسنا من أي شيء يؤذيها. وبطبيعة الحال، شو هو أكثر شي بيأذيك من الناس في الخارج كونك أنثى؟ أكيد نظرة الناس، والتحرش... في وحدة تحب لما عيون شبان الحارة كلها عليها؟ بالله عليكم ما تقولوا، في مين تحب يحصلها موقف مشين هيك؟ ولا حدا يرضى!