السلام عليكم ورحمة الله وبركاته!
----
بعد فيديو أبو إسماعيل الجديد -لو مشفتوش روح شوفه يبني مستني إيه!!-
ابتديت أفكّر شوية..
طيّب كدا السوشال ميديا كُلّها متآمرة ضدنا.
بتسعى لأنها تستغلّنا كسلعة
بتضيّع وقتنا وتركيزنا
بتقضي على إنتاجيّتنا
آه يا صديق وصلّك التشبيه.؟
هيّ الفار اللي بياكل الجبنة الرومي بتاعتك اللي شلتها في التلاجة عشان زنقة جوع نص الليل.
ولذلك، خلينا نتخيّل هل ممكن الفار دا نقدر نخليه مياكلش الجبنة؟
وصلّك التشبيه تاني؟
هل ممكن حد يصمم 'تطبيق سوشال ميديا' بدون كل السلبيات اللي فيه ديه؟
يعني بدل ما يُكون بلاتفورم بتدّيك محتوى -سلبي أو إيجابي بقا- وكمان بيضيّع وقتك..
ليه ميكونش فيه بلاتفورم تانية أحسن، بتديك محتويات كويّسة بس أو معقولة حتّى، ومش بتضيّعلك وقتك.
الفكرة في التصميم بتاعها.
يعني بدل ميكون scroll لتحت
ليه ميكونش scroll للجنب اليمين؟ وكل ٣ دقايق مثلا تتغير طريقة 'الاسكرول' للجنب الشمال؟
كدا الموضوع محتاج بذل مجهود أكتر، صح؟
وإنت عارف إن عقلك مبيحبّش المجهود الكتير، بيحب الأنتخة.
طيّب ما إيه رأيك التطبيق الخورافي اللي هنعمله دا، يكون هوّا نفسه اللي بيدّيك عدد بوستات محددة تشوفها في اليوم. وبعدين يقولك 'يلا قوم ذاكر، عشان تشوف بوستات أحمد عبد المنصف الباقية يبني'
لزيز أوي صح؟
طيّب دلوقتي ٱيه المطلوب؟
المطلوب منّك، ٱنك تفكّر كدا..
ايه المزايا اللي ممكن تتحطّ في تطبيق، فتخليه تطبيق سوشال ميديا، مفيد، بيساعد على الإنتاجية.
- حُط اقتراحاتك هنا.
مش جايز يكون فيه مُبرمجين هنا ومصممين للتطبيقات، ويشوفوا الفصل دل واقتراحتنا، ويقرروا يطلعولنا بحاجة عظمة؟
بسكدا يا صديقي.
أشوفكم بكرا على خير.🌿🌨️
ربنا يحاوطكم بلطفه.
YOU ARE READING
ROWOONx 2
Random- المشروع الواتبادّي السنوي، لإلهام ساكنِي العالم البرتقالي، وإفادتهم. • مُقتبس من فكرة منصّة TED. • مليء بالعديد من المفاجآت الجديدة لهذا العام! •| كُل اللي إنتَ محتاجه إنك تدّي للمكان اللي قدامك فرصة إنه يبهرك، وإنّك تجرّب.. تدخل، وترمي نفسك في ال...
