بقلمي / ضوء القمر 💫
تستحقي ان يقال لكي انتِ العوض بعد كل هذا العناء لا ترضي بأقل من ذلك.🤍
لينا و حسن علاقتهم رجعت و جانوا يخططون شلون يجمعون ريم و أدهم سوه خصوصا ان الحزن واضح عليهم أدهم جان يكضي كل وقته بالشغل حتى ميفكر ب ريم و مع ذالك هي محتله اكثر من نص يومه بالتفكير و ريم ما جانت احسن منه جانت اغلب وقتها تقرأ روايات او اتابع افلام و مسلسلات حتى متفكر ب ادهم بيوم رجع حسن من الشغل كعد ب صف ريم جانت تباوع مسلسل كوري
حسن : ريم قررت اسافر
ريم : وين
حسن : ل تركيا
من سمعت تركيا قلبها صار ينبض ب سرعه عدلت كعدتها
ريم : شعندك هناك
حسن : اغير جو شويه و بصراحه تواعدت ويا لينا حيل مشتاق الها
ريم : تمام
حسن : شنو رايج تجين وياي اكيد لينا تفرح اذا شافتج
ريم : اوك تمام
و فعلا ب اسبوع انطلقوا ل تركيا
اما عند أدهم و لينا
رجع أدهم من الشغل جان تعبان مو من الشغل و إنما من التفكير ب ريم راحت لينا كعدت يمه
لينا : أدهم راح يجونا ضيوف
أدهم : منو
لينا : ريم و حسن
عدل أدهم كعدته و ركز ويا لينا
أدهم باهتمام : ليش شكو
لينا : ريم خطيه حالتها النفسيه تعبانه و دتغير جوا و اني عرضت عليهم يجون يمنا يعني احسن من الفنادق و ممكن احد يزعجها
أدهم : اها تمام
تركها أدهم و راح ل غرفته يتخيل ريم شلون صارت طول هاي السنه هو يحاول يبقى بعيد و يمعرف أخبارها سبح و نام و حلم ب ريم الي احتلت عقله بعد اسبوع وصلوا حسن و ريم ل قصر الباشا ب اسطنبول و استقبلتهم لينا ركضت على ريم حضنتها
لينا : ريمي اشتاقيتلج حيل
ريم : اني هم ياعمري
لينا : ضعفانه ريمي
ريم : شسوي
حسن : زين و اني مالي نصيب بالسلام
لينا ب خجل : احم شلونك حسن
حسن : بسس على العموم بخير من شفتج
دخلوا و لينا دلتهم على غرفهم و تعمدت تخلي غرفه ريم ب صف غرفه أدهم حتى تقربهم صار وقت الغدا رجع أدهم من الشركه و سلم على ريم و حسن و بعدها اجتمعوا على السفره و أدهم ما بعد عينه عن ريم و ريم جانت تسترق النظرات اله قطع الصمت حسن
حسن : أدهم أريدك ب موضوع
أدهم : احم نعم
حسن : بصراحه اريد اخطب لينا
سكوت و هدوء عم المكان قطعه أدهم بعد ثواني
أدهم : هذي حياتها و هي تقرر
حسن : معناها نكول مبروك
لينا تركتهم و طلعت تركض و ريم راحت وراها أدهم اعتذر من حسن و راح ل مكتبه يكمل شغل صعد حسن ل غرفه لينا دك الباب فتحت ريم من شافته عافتهم و نزلت ويا ما نزلت شافت بنيه دخلت ل مكتب أدهم لحكتها بسرعه دخلت للمكتب بدون استئذان شافتها قريبه من أدهم بشكل مبالغ
