بقلمي / ضوء القمر 💫
ان هذا الحزن ثقيل جداً علىٰ روحي يا الله
سكت هشام و هو حاير شلون يتصرف حتى يخلص ريم من الباشا بس قاطع أفكاره صوت حسن
حسن : اريد منك خدمه
هشام : شنو
حسن : اريد رقم بنت
هشام : احنا بيا حال و انته بيا حال
حسن : هاي البنيه هيه الي راح اطمنا على ريم و تحميها
هشام : شلون
حسن : اخت الباشا
هشام : واني شلون اجيب رقمها
حسن : ما اعرف تصرف مثلا راقبها و حاول تحصل الرقم اي شي اني لو رجلي سليمه جان تصرفت
هشام : من تمام راح احاول
و فعلا بعد اسبوع كدر هشام يحصل رقم ريم عن طريق مطعم طلبت منه اكل نطي الرقم ل حسن و رجع ل شغله اما حسن تأكد من الرقم بعدين اتصل ما ردت دز رساله محتواها ( اني حسن ردي) اتصل مره ثانيه و ردت بسرعه
حسن : لينا
سكوت و هدوء بس صوت أنفاسها العاليه كرر اسمها ب بطئ
حسن : لينا
لينا ب توتر : ن نعم
حسن بابتسامه : شبيج
لينا بارتباك : ها اني لا اني ما بيه شي بس شلون حصلت رقمي
حسن : نسيتي ان اني ضابط
سكتت و هو هم سكت شويه بعدها حجئ
حسن : ريم شلونها
لينا : بخير حامل
حسن ب صدمه : شنو منو حامل
لينا باستغراب : شبيك ريم حامل
سكت و هو يحاول يفكر هيج الوضع صار أصعب قاطعت أفكاره لينا
لينا : حسن صدكني أدهم يحب ريم بس الطريقه الي انجمعوا بيها يعني غلط شويه بس هسه تغير كلشي
حسن : ما ادري لينا ريم مو حمل اذيه اخوج
لينا بغيره : بالعكس اصلا أدهم من عرف ريم حامل صار يدللها اكثر مني
حسن ب ضحكه : زين شنو رايج اني ادللج
سكتت بخجل و هوحس بخجلها ضحك
حسن : لينا
لينا : نعم
حسن : تخافين مني
سكتت و هي تفكر بالجواب هي مو خايفه منه بس متوتره و مرتبكه
حسن : لينا صدكيني احبج و مدا اضحك عليج
سدت الخط بعد كلامه و قلبها ينبض بسرعه قررت تحجي ل ريم حتى تنصحها كامت ركض راحت ل غرفه أدهم شافت ريم كاعده تقرأ روايه كعدت يمها و جرت الروايه منها
لينا بتوتر : ريم ساعديني
ريم بقلق : شبيج
لينا ب خوف و صوت ناصي : اني احب
ريم بخوف : اذا اخوج عرف يسويلنا كارثه استري علينا
لينا : المصيبه مو إن احب المصيبه منو احب
ريم : منو
لينا بخجل : اخوج
صفنت ريم تستوعب الكلمه بعدها كررت السؤال
ريم : منو
لينا : اخوج حسن
ريم : شوكت و شلون
لينا ب توتر : اخر مره طلعت ويا ادم من رجعت انتبهت على باب ال سرداب و نزلت و اخوج جان مريض نطيته علاج و ثاني يوم اطمنت عليه و كالي احبج و من يومها افكر بيه و هسه اتصل عليه و كال احبج
