بقلمي / ضوء القمر 💫
نحن ندفـن كل يوم أشياء لم نُخبر أحداً عنها .
الباشا : تمام اريدك تعرفلي منو هاي شنو تقربله و كل تفاصيلها مفهوم
الشخص : مفهوم سيدي عن اذنك
انصرف الشخص و الباشا ارتخى على كرسيه و هو يبتسم بشيطانيه و يخطط للي راح يسوي ب هشام حتى يبعده عن طريقه و يأخذ راحته بهاي الاثناء تم اقتحام قصر الباشا من قبل القوات العسكريه دخل الظابط ل مكتب الباشا مباشره
الظابط باحترام : الباشا عدنا أمر ب تفتيش قصرك و كل ممتلكات
الباشا : على اساس
الظابط : على اساس انك متهم بحيازه سلاح غير مرخص و المتاجره بيه
الباشا : تمام ما عندي مشكله بس
كام من مكانه و توجه للظابط و هو يعدل ياقه قميص الظابط بابتسامه
الباشا : اذا ما لكيتوا شي ف راح تسببون مشاكل ل نفسكم
الظابط : شلون
الباشا : لان اذا ما لكيتوا شي راح ارفع عليكم 3 قضايه الأولى التشكيك بنزاهة رجل أعمال الي من الضرائب الي يدفعها انته و الأكبر منك تستلمون راتب ثانيا اقتحام ممتلكاتي و تكعير صفوا حياتي ثالثا و هذا الأهم الاتهام الباطل بحقي
الظابط حس بتوتر و رفع الاسلكي و حجى و هو بعده يباوع بعيون الباشا الي الثقه بيها تقرا مليون من ميه
الظابط : على جميع القوات الغوا أمر تفتيش ممتلكات الباشا حول
قطع اتصال اللاسكلي و هو يحجي ب بغظ
الظابط : أتمنى تقبل اعتذارنا
تركه و مشى بينما الباشا ضحك بصخب و صعد الغرفته و هو يدندن بكلمات اغاني
بمكان ثاني
و تحديدا كدام الروضه الي تشتغل بيها ريم جان واكف هشام كدام سيارته اللكزز و هو ينتظر ريم تطلع و اول ما طلعت و شافته ضحكت و راحت ركض عليه
ريم : هشام
هشام بحب: عيونه
ريم : تسلم عيونك وينك مختفي الك 4 أيام كلت نسيتني
هشام : لا والله ابد بس جنت مشغول بقضيه هيج و الحمدلله كدرت احلها
ريم : الحمدلله يالله وين توديني
هشام : وين يعجبج
ريم بتفكير: ممم نتمشى على الكورنيش و تاخذني تغديني
هشام: الاميره تؤمر و اني انفذ
ريم : هههه شوكت تبطل اسلوبك الاوفر
ضحك هشام و راح فتحلها الباب و سدها بعد ما صعدت و ترئس عجله القياده و انطلق باتجاه الكورنيش نزلوا و صاروا يتمشون بعد ما ركنوا السياره
هشام : ريم ما فكرتي بالموضوع
ريم : هشام صدكني الموضوع معقد
هشام : ليش معقد يعني شكو بيها
ريم : هشام انته ابن خالي و احنا تربينا سوه و كبرنا سوه يعني صعبه اتخيل تصير زوجي صعبه اني معتبرتك مثل حسن الله يرحمه
هشام : الله يرحمه زين انطيني فرصه اغير نظرتج الي
ريم : هشام الله يخليك اذا تحبني انسى الموضوع اني معتبرتك صديقي اخويه سندي
