بقلمي / ضوء القمر 💫
مُــوو انه
الانذل بالعشك ، انا المهيل
لو غبت ماتكمل التعلولة
خاب انا من انغث چنت بالفاتحة يغنوله.
ريم جانت دموعها تنزل و تدعي ب خوف اول مره تحس ب خوف على أدهم اول مره تحس ان ممكن تخسره بعد ربع ساعه طلعوا أدهم جان لون بشرته شاحب و مبين التعب على ملامحه ضلت ريم كاعده كدام العنايه المركزه و تدعي يكوم ب سلامه بعد مده جتي لينا و هي تبجي
لينا : أدهم وين
ريم و هي تحضنها : اهدي ياعمري هو بالعنايه المركزه
ضلوا كاعدين لليل و لينا ما بطلت بجي و حسن يحاول يسكتها ريم حضنتها
ريم : حبيبتي ليونه روحي للبيت ارتاحي و غيري هدومج و تعالي
لينا: لا اريد ابقى يم أدهم
حسن : بس اذا أدهم كاعد و شافج هيج ممكن حالته تنتكس
ريم : حسن كلامه صحيح انتي روحي و اول ما يكعد اني اخابرج
لينا ب دموع : وعد
ريم : وعد
اخذ حسن لينا و راح للبيت نزلها و ضل ساندها إلى أن دخلوا صاح امه حتى تساعدها قبل ما تترك ايده كالت
لينا : أدهم راح يكعد صح
حسن : ان شاء الله ادعيله
تركته و راحت ويا زهراء تغير ملابسها الغركانه ب دم أدهم
بالمستشفى
ضلت ريم كدام غرفه العنايه شافت الممرضه دخلت و بعد ربع ساعه طلعت راحت عليها
ريم : ممكن ادخل
الممرضه : للأسف لا
ريم : ألله يخليج اني زوجته بس اشوفه و اطلع
الممرضه : تمام بس لا تتأخرين بس 5 دقايق
ريم : تمام
دخلت ريم للغرفه و شافت أدهم مربوط ب اجهزه و اكو صوندات بحلكه و خشمه و صدره كله ملفوف بالشاش الطبي نزلت دموعها راحت يمه لزمت ايده
ريم : اعرف انته قوي و راح ترجع على مود لينا
سكتت شويه و همس ب دموع
ريم : و على مودي
مدت ايدها و رتبت خصلات شعره المبعثره و طلعت مر اليوم ب قلق و توتر إلى أن دخل الدكتور فحص أدهم و طلع راحت ريم عليه
ريم : دكتور شلون صار
الدكتور ب ابتسامه : الحمدلله تعدى مرحله الخطر و موشراته الحيويه جيده احتمال باجر الصبح يصحى و ننقله ل غرفه عاديه
ريم : تمام شكرا دكتور
راح الدكتور و ريم حمدت ربها ان أدهم بخير و راح يصحى اتصلت ب لينا و بلغتها و بعد ساعه اجوا لينا و حسن و فعلا ثاني يوم صحى أدهم و نقلوه ل غرفه عاديه لينا دخلت تركض حضنته على كيف
لينا ب دموع : حبيبي دومي انته زين
أدهم ب تعب : يي
باوع على ريم و حسن و رجع باوع على لينا و هي فهمت نظراته
