بقلمي/ ضوء القمر 💫
رُبما لو استطعنا الطيران لأزدحمت السماء بالهاربين
وصلوا للمستشفى و ريم نزلت تسند أخوها و مشت ورا ادهم إلى أن وصلت للغرفه الي بيها ابوها جانت امها واكفه كدام الغرفه تبجي
ريم : ماما
انتبهت زهراء ل ريم و حسن ركضت حضنتهم و تبوس بيهم و همه هم جان منظر لا يوصف كعدوا كلهم ما عدا ادهم الي جان واكف بعيد عنهم يراقب ب صمت اجه الدكتور بعد مده و طمنهم على حاله احمد الي استقرت نوعا ما توسلت ريم بالدكتور حتى تدخل تشوف والدها ولو دقايق و فعلا وافق دخلت ريم الغرفه و كامت تبجي و هي تشوف أبوها مربوط على الاجهزه الطبيه راحت كعدت بصفه و لزمت ايده باستها
ريم : بابا حبيبي ما تعود اشوفك هيج حبيبي بابا حسن رجع موجود برا ينتظرك واني راح احاول بين فتره و فتره اجي اشوفك
كامت تبجي على حال أبوها الي اول مره ميرد على كلامها ولا يحضنها و يبوسها
ريم : حبيبي بابا اصحى لا تخلي بالي مشغول عليك اني اتقوى بيك اذا انته ضعفت اني هم راح اضعف و انكسر
باست ايده و طلعت من شافها ادهم راح باتجاها
ادهم : يالله حتى نروح
ضلت ساكته و هي تباوع عليه بدون اي تعبير على وجهها حجت زهراء بدموع
زهراء: خليها يا ابني الله يخليك خل اشبع منها
ادهم ب برود : اسف عندي شغل و ما اكدر ابقيها وحدها
سحب ايد ريم و مشى كم خطوه بس رجع مره ثانيه و انحنى على حسن الي جان ساكت بس دموعه تشرح حالته
أدهم بهمس : اذا فكرت تتقرب من ريم متلوم غير حالك و اذا المره الفاتت دفنتك 4 سنوات حي ف هل مره ادفنك للابد بس ادفنك جثه
باوعله حسن بكره بينما ادهم تركه و مشى و هو يجر ريم الي ما نطقت حرف بعد أقل من ساعه وصلوا للبيت جانت لينا كاعده تنتظرهم اول ما شافتهم ركضت عليهم
لينا : وين جنتوا و شبيها ريم شبيج ريمي
ضلت ريم ساكته ف جاوب ادهم بالنيابه عنها
ادهم : أبوها مريض و جانت تزوره
لينا : حبيبتي ان شاء الله يكوم بالسلامه
ريم : إن شاء الله عن اذنكم اريد انام
لينا : والعشى
ريم : مو جوعانه
عافتهم و صعدت و عيون ادهم تلاحقها باوعت لينا على ادهم و لزمت ايده
لينا : يالله دومي نتعشى
رفع ايدها باسها و ابتسم
ادهم : مو جوعان و اني هم اريد اصعد ارتاح انتي تعشي و صعدي نامي
باسها من راسها و تركها و لحك ريم اما لينا وكفت وحدها بالصاله
لينا : شكلي راح اكل وحدي
