بقلمي / ضوء القمر 💫
خلعنا قلوبنا و لم يهزمنا بعد ذلك أحد .
ريم : مستحيل البس هذي الفضيحه
كعدت على الجربايه و هي مقرره تتحمل أي عقوبه عدا ان تلبس هذا الفستان بعد مرور 3 ساعات سمعت صراخ بنت بس ما كدرت تحدد مصدره ركضت نزلت جوه تلكتها زينب
ريم بخوف : هاي شكو
زينب : لتخافين هاي الباشا
ريم : بس هذا صوت بنيه دتصرخ
زينب : يي هو الباشا وياه بنيه
ارتاحت ريم شويه و عرفت ان هو نساها رجعت للغرفه ما كدرت تنام للفجر كعدت الصبح بكسل لسه نعسانه تذكرت حسن باوعت على الساعه ساعه 10 كامت تركض نزلت جوه راحت على زينب
ريم : زينب الباشا وين
زينب ب استغراب : طلع من الصبح للشركه ليش
ريم : تمام كملي شغلج
زينب : متتريكين
ريم : لالا مجوعانه راح ارجع انام نعسانه
صعدت تركض وره شويه نزلت تتسحب و نزلت للسرداب بعد ما تاكدت ان محد شافها ركضت للغرفه الي بيها حسن حاولت تفتحها مقفوله دكت الباب على كيف
ريم : حسن حبيبي تسمعني
حسن بتعب : يي ريم
ريم : انتظر اروح ادور على المفتاح مال الغرفه واجي
طلعت ريم تركض راحت ل مكتب الباشا فتحت الباب على كيف و دخلت دورت ب كل مكان إلى أن لكت مجموعه مفاتيح ب وحده من المجرات اخذته و رجعت ركض للسرداب جربت كل المفاتيح و اخيرا لكت المفتاح الصح فتحت الباب و ركضت على حسن فتحت ايده بس شافته راسا كعدت بالكاع و لزم رجله
ريم : حسن شبيك
حسن : رجلي تقريبا مكسوره
ريم : هانت حبيبي راح نطلع منا و نعالج رجلك بس تحمل شويه
سندت ريم حسن و طلعت وصلت للبوابه مال القصر و هي تدعي ان خطتها تنجح وصلت يم واحد من الحراس
ريم : افتح الباب
الحارس : اسف ما عندي أمر بخروج احد
ريم : الباشا يعرف
الحارس : كتلج ما عندي أمر
ريم : تمام اتصل ب الباشا و هو راح يكولك بس ساعتها راح اخلي يعاقبكم كلكم
توتر الحارس و احتار بهاي الاثناء دخلت سياره الباشا من البوابه انصدمت ريم و خافت و حسن ما ابدى اي رد فعل لان جان يعرف النهايه بس خاف على اخته نزل الباشا من السياره و تقدم منهم ابتسم بشر
الباشا : جيت بالموعد ها
بدت دموع ريم تنزل سحب حسن ريم خلها وره ظهره يحاول يحميها
حسن : لا تأذيها
ابتسم الباشا و تقرب منه
الباشا : والله
و راسا ضربه على رجله المكسوره صرخ حسن و وكع بالكاع حاولت ريم تساعده بس ايد الباشا جانت اسرع سحبها بقوه و ضربها راشدي
