عشقهُ خنجر في خاصرتي

البارت الرابع والعشرون

وكف يباوع علي شبيج انتي خما بيج شي ، كمت لحيلي مابيه بس راحن كل العراض مهمه هاي مسؤليه ..

لا ماكو شي انشالله نسجل تبليغ بالسرقه ..

كال امشي اصعدي بالسياره هسه اجي ..

ياسياره ..

سيارتي ..

لا عفيه اني بس ردت الاغراض مهمه ارجع لاهلي بحدي ..

دصعدي اني وصلج بس خلي اشوف اكو كامرات هنا لمحت السرقوج ..

ضليت واكفه بصف سيارته هو ركض للمحلات قريبه و دخل الهم ..

ربع ساعه وطلع يكلب بموبايله شافني على وكفتي حجه اصعدي يابه شبيج خاايفه مني ..

فتح سياره وحجه اصعدي، صعدت  ..

هو لم الغراض الي على رصيف وخلاهم بالسياره وره وصعد ساق…

حجه هو يسوق ، شجابج هناا ،،

رديت بهدوء ، اسوك ..

مالكيتي تسوكين بس مناا هذا مكان بي دراجات و باب مال سوك مطله عليه وكلها شباب ومراهقين شلون امنتي خبله انتي يبه ..

مارديت علي ، هو شال جهازه يتصل ومانتبهت على كلامه ..

بعدين سالته وغراض ..

ابتسم شذبرتيني بالغراض راحن بعد وين تلكيهن ..

صدك تحجي والله يرفعون بيه تقرير اذا راحن ..

شنو هنه الي بالجنطه ..

اسرار شغل ترى ..

واسرار شغل شجابهن بجنطتج ست ..

غير شغلي هذا ..

ليش تنترين يبه بيج خير جان طلعتي السانج على باكج ..

هو نطاني مجال عساهم ماتهنو بيهن ..

باين هبرو منج خوش هبره ، بعد موظفات وين تودن فلوسجن لو ذهب لو فلوس ، طكها ضحكه …

رفعت تك حاجب ضايجه ..

رد لا زعلين حبيت الطف جوو ..

درت وجهي مقهوره ..

جر كلينكس من السياره ، وقدمه الي ، كل ماشوفج الكاج مدمايه انتي ، عفيه شنو من حظ عليج ..

ماحجيت اخذت كلينس امسح باديه اكو خياط قديم باين رجع طك عندي …

وصلني للمنطقه وكتله لهنا اني اكمل مشي ..

اوصلج للباب بنتي شبيج ..

ماريد اكمل لحالي ..

عود عفوا وتدللي واني مثل اخوج ..

نزلت همست شكرا زحمتك وياي بس ما كو غير رقمك عندي لكيته صدفه بجيبي ..

الله يحبج من خله رقمي بجيبج مو بالجنطه جان راح ويه العزيزات ، ضل بس يضحك ..