مبادئ الكتابة

مفاجأة يا فوزي مفاجأة🙈🙈

#مبادئ_الكتابة

بتتفرج على فيلم... ممل... الريتم بطئ... والاحداث متوقعة وانت مستني على نار إنه ينتهي... وفجأة...
ابن عمة جيران أخت جار البطل اللي كان الكل مفكر إنه ميت... طلع عايش!!!
"كوميك القط اللي بيسوق وبيقول اركب بسرعة مفيش وقت اشرحلك"
فجأه اهتمامك بالفيلم بيرجع وحواسك كلها بتركز على كل تفصيلة عشان تفهم ازاي ده حصل وإيه اللي هيحصل بعد كده...
وهي دي الplot twists أو تغيير غير متوقع في سير الأحداث أو الحبكة...
الplot twists ليها نوعين... Retroactive أو بأثر رجعي ودي غالبا ما بتكون قبل نهاية الفيلم وبتساعد إننا نرجع نشوف الفيلم من الأول بس بعين جديدة وده بيسموه الrewatch Value ومثال مشهور ليه هو فيلم الحاسة السادسة لما اكتشفنا في الأخر إن طول الوقت ده البطل ميت
النوع التاني trajectory وده بيكون قبل الفصل الأخير وبيغير مسار القصة زي في فيلم Terminator لما اكتشفنا إن الإنسان الألي مش بيحاول يقتل البطل لكن بيحاول يحميه وهنا نظرتنا ليه في الفصل الأخير هتتحول من الخوف والكره للتعاطف والتشجيع.
طيب تعمل plot twist ناجحة ازاي؟
مبدئياً... لازم تكون فاهم إن مش كل التغييرات الغير متوقعة في القصة ممكن تكون ناجحة في جذب انتباه المشاهد... لأن إضافة مفاجأة في الحبكة لمجرد المفاجأة كهدف بدون وجود حاجة لده ممكن يكون هو سبب فشل القصة "Game of thrones  ريأكت ساد" خصوصاً لو مكانش فيه تمهيد أو foreshadowing اللي بتجهز فيه -بدون ما يحس المشاهد أو القارئ- لحدوث المفاجأة اللي هتغير مجرى الأحداث... لأن بدون وجود تبرير أو تمهيد لوجود المفاجأة دي يبقى الكاتب هنا بيعمل ده لمجرد الShock Value أو الصدمة من أجل الصدمة فقط...
فيه صفات معينة للplot twist الناجحة...
أولاً... إن يكون فيه توازن ما بين المنطق والصدمة...
بمعنى إنت عايز تفاجئ الجمهور وتقول إن الشخص الغامض اللي محدش عارف هويته طول الفيلم ده كان شخصية فاقدة للذاكرة... لكن مش منطقي في فيلم درامي واقعي تقول إنه كائن فضائي أو زائر من كون موازي🤷‍♀️🤷‍♀️🤷‍♀️
ثانياً... التمهيد الغامض... انك ترمي هنا وهناك دلائل للقراء او المشاهدين ممكن يكون ليها أكتر من معنى من غير ما تشاور ليهم في اتجاه معين لإن المشاهد زكي وممكن يتنبأ بالtwist وتبقى حرقتها على نفسك...
ثالثاً... متكونش المفاجأة مناقضة لسير الأحداث والبناء والتمهيد... وده اللي ضايق فانز Game of thrones...
طول المواسم السابقة انت بتبني شخصيات واحداث وقصص وفجأة تخليت عن ده كله لمجرد الصدمة... اللي دمرت القصة... لمجرد إنك عايز تناقض توقعات المشاهدين...
رابعاً... إن المفاجأة يكون ليها معنى وهدف موجودة عشانه... مش لمجرد الصدمة فقط أو لمجرد الطبطبة على غرور الكاتب... ودايماً قارن ما بين القصة بوجود المفاجأة دي ومن غيرها ولو لقيت إن القصة أفضل من غيرها... بسيطة... متكتبهاش🤷‍♀️🤷‍♀️🤷‍♀️
فيه حاجة مهمة لازم نخلي بالنا منها وهي إن القصة ميكونش فيها مفاجأت كتير للمشاهد لإن المشاهد هنا هيفقد الثقة في الكاتب وهيبقى متوقع إن فيه خدعة في كل حدث وده اللي بيحصل مثلاً في افلام M. Night Shamylan زي الحاسة السادسة وsplit وThe village انت متوقع طول الوقت إن القصة زي ما الكاتب بيحكيلك فبتفقد الثقة فيه وتبقى مستني إمتى الخدعة هتظهر...
متبقاش زي راعي الغنم اللي كل مرة كان بيخدع الناس بإن الذئب بيهجم على غنمه... عشان القارئ هيتعود ياخدك بشكل غير جدي بعد كده...
حاجة أخيرة... متخليش غرور الكاتب يتمكن منك لمجرد إنك مش عايز القراء يتنبأوا بالأحداث فبتغيرها... أو إنك عايز تكتب حاجة مختلفة من أجل الاختلاف حتى لو ده منافي للمنطق والسرد