مبادئ الكتابة

شخصية البنت البيرفكت 💁‍♀️💁‍♀️

#مبادئ_الكتابة
عارف انت البنت الجميلة الطيبة القوية اللي بترد الغايب وتجمع الحبايب وتدوب اللي دايب!!! _لاحظ السجع اخي المواطن_
أيوه دي... اللي فاضلها فولتين وتنور...
إخوتنا في الكوكب من الغرب بيطلقوا عليها إسم ال"Mary Sue"
مين ماري بقى؟
في الأصل Mary Sue دي شخصية ظهرت في Fanfiction "دايماً أُس المصايب يا خرابة انت😃😃😃" لسلسلة Star Trek، كانت بنت ١٥ سنه، ذكية وجميلة والكابتن البشري والفضائي الاتنين بيحبوها وكسبت نوبل للسلام... إلخ إلخ
الحقيقة إن الشخصية دي كانت parody او تقليد ساخر لكتابات الرجالة اللي بتتناول الستات بشكل سطحي وبتعبر عن ضحالة فكرهم عن المرأة.
بس يا سيدي ومن ساعتها واي شخصية ست مملة وperfect يعني مثالية بيتقال عليها Mary sue🤷‍♀️🤷‍♀️🤷‍♀️
وMary sue راحت Mary sue جات Mary sue هتشلك وتنقطك وتجيبلك المرض المخفي 🤦‍♀️🤦‍♀️🤦‍♀️
شخصية الMary sue شخصية مملة، الكون بيتآمر عشان يخلي صورتها جميلة ويتعاطف معاها الكل، مبتعبرش عن واقع السيدات في المجتمع ولا بتعبر عن كائن حي لكن بتعبر أكتر عن أماني كاتب مراهق في فكره.
مش لازم يكون الكاتب رجل لكن برضه بعض السيدات بيميلوا لكتابة الشخصيات دي وده بيظهر بالذات في كتابات ال"self insert" وهنا الكاتبة بتتخيل نفسها مكان البطلة وبتعيش من خلال بطلتها احداث مش هتقدر تعيشها في الحقيقة.
الMary Sue هي أحداث اكتر منها بشر ليه رحلة وهدف وصراعات، طول القصة الكاتب واخد القارئ ورا مصنع الكراسي وبيلقنه عن اد إيه الشخصية دي جميلة ورائعة وفاتنة ولازم يحبها غصب عن نن عينه.
شخصية الMary Sue هي مركز الكون بالنسبة للقصة كل الأحداث لازم تمر بيها، تبدأ عندها أو تنتهي عندها.
بس فيه هنا معضلة بدأت بالذات مع زيادة اعداد افلام السوبر هيروز وزيادة ادوار السوبر هيروز النسائية، وهي شخصية السوبر هيرو الست اللي تقدر تعمل كل حاجة، فهل شخصيات زي WonderWoman و Black Widow عبارة عن Mary sues لإن قدراتهم البدنية غير محدودة؟؟ الحقيقة لأ... لإن بنفس المعيار شخصيات جيمس بوند وباتمان يعتبرو "Gary Stu" أه المذكر من Mary Sue هو Gary stu 🤭🤭🤭
الشخصيات دي على قوتها البدنية المبالغ فيها إلا إنها بتمر بصراعات وانكسارات وبتقع وترجع تقف تاني على رجليها وهو ده لب الحياة في الحقيقة.
طيب عرفنا الMary Sue... إزاي بقى نتلاشاها؟
تركيب الشخصية المفروض يبقى قايم على خمس مبادئ
1)Transformation          التحول في شخصية البطل
2)Motivation.          الحافر للتغيير ده
3)Actively pursue it.            بيسعى لتحقيق الحافز
4) struggles    الصراعات اللي البطل بيقع فيها عشان
يحقق هدفه
5)Likability إن يكون البطل مكتوب بطريقة تحبب فيه القارئ عشان يكون مشجع صامت للشخصية ويرتبط بيها
عشان يكون البطل ملموس وكأنه بشر حقيقي ثلاثي الأبعاد مش ثنائي بس على الورق لازم تتوفر الخمس شروط دول لكن لو كان الهم الأكبر للكاتب هو الصفه الأخيرة إن يكون محبوب بس، يبقى هنا اتحولت الشخصية ل Mary Sue او Gary stu 🤦‍♀️🤦‍♀️🤦‍♀️
أشهر ماري سو هي شخصية بيلا من توايلايت، متميزة بالفطرة بدون أي مجهود منها ونص الكوكب بيتخانق عليها ومحدش عارف ليه🤷‍♀️🤷‍♀️🤷‍♀️
فيه اتنين اكسترا كوميكس في الكومنتات بصوا عليهم 😁😁

#heba_writes