مالكيت غير مرام ادك عليها واسالها ..
دكيت مره واثنين وماكو ردت ..
اكلت روحي اكل ، نوب ابجي نوب اضل افتر واكل باديه نوب اكعد الطم ..
راح يسجنوني حتى وضيفتي راح انطرد منها ..
وين ويله دكت عليه مرام ، سالتها شنو سالفه وفرقد شبي ..
ردت شكوو شنو ؟ افتهمت هيه مادريانه بشي ..
كتلها عمج شفيه مشتكي عليه بحجه جريمه قال نوب القتل يخص فرقد ..
ردت ياا ذاك وينه جنه صل حيه ولج كلشي مابي ، بس عمي صار فتره ساكت شحجاه هسه ..
مادري اني داسالج شكوو شصاير ..
والله مادري صار ايام محبوسه ، عود اشوفلج شكو واكلج ..
سديته منها راسي مفتر ، لا يوم ولا يومين اني مزهوره ، شيماء دكت علي تسال شبيج وشنو هذا سمعته .
نوب تفشلت ونفضحت بالدائره شرد يعني ، كتلها مادري شنو سالفه لا سأليني طامسه بالهم لراسي ..
امي امر مني ، جدي رجال وخالي مابيدهم شي ، بس كالو احظري وشوفي شنو سالفه وبعدها نلزم محامي ، اذا فرقد عايش معناها الدعوه باطله ..
كلت لامي فرقد مابي شي شنو بعد متهميني بجريمه قتل ..
ردت شدراني ، شمدريني شنو بعقل ثامر ..
سكتت وكعدت حايره بامري ، امي صفنت علي ، حجيت لازمه راسي شكوو ..
حجت بتحذير انتي مسويه شي وراي ..
شنوو يناا مثل شنوو ..
سالفه طلاك ماشيه بيها دازه الهم خبر وهالعمج تخبل علينه هيج .
سكتت ابالع بريكي ..
عاطت مو وياااج ..
ردبت بهدوء مو هيج سالفه .
وكفت لحيلها كلشلي شنو سالفه بالله يله ، مو اني ادري ادري بيج ، كتلج سالفه طلاك انسيها وتجفي الشر ياابنت عفاف ، شسويتي رفعتي قضيه موو .
درت وجهي على جدي استنجد بي عاطت مو وياااج ، كوولي شصخمتي ..
رديت بهدوء بس دزيت خبر وبلاغ لفرقد اريد الطلاك ..
صاحت يبوووو عليج يبوو عليج ياعفاف منين اتلكاها منج من عمامج ، ليش تكسرين كلمتي ، شكتلج اني مو كتلج الطلاك انسي ، مو كتلج تجفي شرر ليش ماتاخذين حجي ....
كعدت ابجي قابل اضل طول عمري مربوطه بي ، وسنين عمري ضاعت بسببه على شنو بالله ، مو كافي صارلي بسببه ..
ولج مو كتلج اني ونبهتج لا تحجين يسالفه طلاك ، منو شأرج بيها منو شرتي جدج موو ، اندارت على جدي نترت يااابه انته ايدتها موو ..
أنت تقرأ
عشقهُ خنجر في خاصرتي
ChickLitحين ينتهي الحُب , أَدرك انه لم يكن حُباً الحبّ لا بد أن يُعاش , لا أن يُتذَكر. ( القصه حقيقيه )
البارت العشرون
ابدأ من البداية