وحق عيونچ 🤎.

بارت 19

چنهن خناجر مو رمش داير مداير جفونچ
رجال ابن زلمه الكحل
متمدد على عيونچ🤎"

——————-

‎#وحق عيونچ🤎.
Sheehana_11
شيهانه🦅!

———————-

بارت 19

————————————

فردوس/

نزلت حرير قبلي ركضت بسرعة واحنا نسمع صوت شخص يرعد بعصبية وكأني انصدمت بصوت لشخص مما خلاني استوعب متأخر حتى اتحرك،

هزيت راسي بتجاهل للموضوع وصل بيه الامر حتى اسمع صوته اوف...

بعدني هسه دا انزل والصوت اختفى كأنو خرج من البيت ،
لكيت حرير وخاله واگفات يم الدرج،

فردوس بهدوء: سلامات خاله، شنو هالصوت العالي؟!

أم صگر: لا يبعد گلبي ماكو شي بس هذا الشيخ رجع من بغداد وشوي عصب على اخوانه بسوالف الشغل... لا يضل ببالج حبيبه.

هزيت راسي بتفهم وخالتي مشت للمطبخ،
التفت لحرير الوگفه وطاگتها صفنة : الماخذ عقلج يتهنى بي!

فزت من صفنتها بضحكة وهي تضربني بشقى بـ سبحة ماسكتها بيدها: هو وينه علمود يتهنى بي؟!

ضلت عيني على السبحة حيل مميزة وما ادري وين شايفتها،
بابا بطبعه ما يمسك سبحة فـ وين شايفتها هاي؟!
ديلا قابل وين ... تجاهلت الموضوع!
......................

مر كم يوم ورجعوا ماما وبابا وفادي حبيبي فـ كلنا گعدنا استقبلناهم بالصالة الكبيرة!

عدا الشيخ الي لهسه م شايفته ولا اعرفه ، كل مرة يردون يعرفوني عليه تطلعله شغلة ويلتهي... والله اخر شي حسيته دا يتهرب مني ع كثرة السالفة :)

گلت اليوم اكيد ما بيها مجال ، الكل موجود واكيد راح اشوفه!

سلمت عليهم وگعدت شبگت بابا حيل اشتاقيتله وخفت عليهم لا يرجع يصير شي بسبب الحثالة الي تهجموا عـ بيتنا...

كلهم رحبوا بإهلي كالعادة وضحك وشقى ،

أبو فردوس وهو يمسح بحنية على شعر فردوس: جبنالج هواية اشياء ويانه باباتي،

فردوس وهي تبوسه من خده: اروحلكم فدوه حبيبي، اريد سلامتك تكفيني...

فردوس العودة: ولج حريرة هاج تعلمي الحجي الزين من هل غالية بت الغالي،
هاي لو انتي اهلج رايحين وما جايبيلج شي؛ والله ما تخليهم يدخلون البيت!!
فردوس بعد گلبي تعالي احبج...

حرير ضلت فاتحة عيونها بكل كبرها وهي عيونها واسعة بعدين حجت بزعل: والله بيبي بعد م احچي وياج، شنو هاي؟! والله اني م اسوي هيج! لا تصدگوها...

طفر بسرعة فادي الحاروگه: بيبي دا تچذبج هاي البنية شگد عيب... هازه كاروكها وهيج تكول عليج اخخخ وسفه .!