والنظام التعليمي، خير مثال للخوف من الغلط. لذا عزيزي، نستنتج من كدا أن التعليم التقليدي بعيد عن الأفضليّة، ويمكن الأسوء.
حسيت بإحباط؟ شايفاك ياللي أُحبَط! متخفش، هاساعدك.
أولًا، لازم تفهم البداية منين. في القرن ال ١٨، بداية النهضة الصناعية وهكذا، كان عشان تشغل المصانع؟ محتاج عُمال، وعشان تلاقي عمال؟ محتاج تعلم!
بمعنى؟ بمعنى أن النظام التعليمي وقتها كان مرتبط بشكل كبير، أو هو بيخدم اصلًا الإقتصاد. يعني محتاجة أقولك أنك بتتعلم عشان تشتغل ليس أكثر ولا أقل.
بس يا صديقي الفكرة دي بدأت تنقرض، في ناس كتير دلوقتي شغلهم بعيد عن شهاداتهم. المشكلة في التعليم التقليدي أنك بنفس النظام اللي كان بيخدم شيء في القرن ال ١٨!
«طيب، أيوة بردو استفدت ايه؟»
حاسة والله أعلم أني انتقدت نظام التعليم ولسه مسعدتكش.. بس أنت لازم تفهم أنه شيء يستحق النقد. بس في نفس الوقت، مازلت محتاج الشهادة، في الوقت الحالي على الأقل.
وبما أنك محتاج الشهادة، أي أنك محتاج تكمل في مشوار التعليم الظريف دا هاساعدك فيه بقى، وأقولك على كام حاجة إضافية في إطار التعليم.
تمام، أولًا، محتاجة أسألك سؤال بسيط. اتعلمت تتعلم؟
لا بجد، محدش مسكك في النص كدا وقالك ايه الهبل اللي بتعمله دا، وعلمك تتعلم؟
لأ؟
هاديك فكرة بسيطة، والباقي هادلك على قناة جميلة ممكن تكون عارفها، بس هادلك عليها بردو، لأن الدال على الخير كفاعله ؛) -ولأن الفديو في معلومات مش هاقدر احطها كلها هنا.-
بص يا صديقي، الحوار بيتلخص ف ازاي استغل الذاكرة قصيرة المدى، وازاي أنقل من قصيرة المدى إلى طويلة المدى في عملية تُقام في جزء من المخ يسمى الـHippocampus -مهو أنا مش هاجمع معلومات واركنها يعني!-
قصيرة المدى ذاكرة فيها اربع أماكن تخزن فيها اللي أنت عايزه بناءً على شيء لسه عارفه دلوقتي. كأنك سمعت اسم شخص عابر ففضل في ذهنك لمدة، وبعدها نسيته كمان يومين.
طويلة المدى الحاجات اللي بنفضل فاكرينها لمدة طويلة جدًا، دي الذاكرة اللي بتحفظ كم معلومات رهيب.
وكمعلومة بسيطة، عشان تحسن ذاكرتك، أو بمعنى أصح تقدر تتعامل مع الجزء الحفظ في المنهج، كرر. كرر المعلومة كتير أوي، أو حول المعلومة دي لشيء مضحك، تقدر تتذكره.
YOU ARE READING
ROWOONx 2
Random- المشروع الواتبادّي السنوي، لإلهام ساكنِي العالم البرتقالي، وإفادتهم. • مُقتبس من فكرة منصّة TED. • مليء بالعديد من المفاجآت الجديدة لهذا العام! •| كُل اللي إنتَ محتاجه إنك تدّي للمكان اللي قدامك فرصة إنه يبهرك، وإنّك تجرّب.. تدخل، وترمي نفسك في ال...
5. ☆ حيث الكتب في الثلاجة.
Start from the beginning
