Nagulat ako nang iyong sinabi,
"Nangungulila ako sa iyo."
Kahit hindi ko pa sigurado kung ano
nga ba ikaw sa akin . . .
At kahit hindi mo rin alam
kung kaya mo panindigan ang namamagitan sa atin . . .
Laking galak ko nang iyong ibinulong
ang mga salitang iyon.
Kung alam mo lamang
ang aking kagustuhang manatili sa iyong tabi
noong gabing iyon!
Ngunit ayaw ko rin namang isipin mo
na ako'y nagmamakaawa sa iyong oras at pansin.
Kaya't kahit ang katotohanan ay
nais kong tumakbo muli
papunta sa iyong bisig at ipagsigawan ang aking nararamdaman,
kinalma ko ang aking sarili at bumulong,
"Ako rin."
YOU ARE READING
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang di-tiyak na hinaharap ng kanyang pag-ibig. Kasinggulo ng kanyan...