الرجوع (مستوحاه من قصه حقيقيه)

الفصل الواحد والعشرون

يا مساء الجمال والعسل عاملين ايه وحشتوني والله 😂🥰انا متشوقه من اخر بارت عشان اعرف اللي هيحصل معاكم والله 🙂بينا نبدا...
.......................
ها قد مرت اربع سنوات فقد مرت احداث كثيره وتغيرت اشياء اكثر فاكثر فقد تخرج البعض وبدا البعض في مرحله جديده وكبر البعض الاخر فدعونا نري ما الذي حدث...
في منزل تواب كان يجلس يتناول الافطار مع والديه فقال محمود: ايوه يعني عايز ايه علي الصبح
تواب: اتجوز
شروق بضحك:  يا تواب يا حبيبي اهدي كده انا عارفه انك بتحبها بس مش خبط لزق كده
تواب: مليش دعوه انا استنيت كتير لحد ما اتخرجت ده انا اعصابي بايظه اصلا من كل العرسان اللي جولها
محمود: يابني شوفتها وافقت
تواب:افرض جالها واحد وبعدين وافقت اعمل انا ايه ساعتها
شروق:طب خلاص سبنا نظبتها انا وابوك
تواب:ايوه بقي هو ده الكلام
محمود:عيل لازقه
تواب:جوزوني بس وانا اسيبكم
شروق:انت هتتأخر عن الشغل كده علي فكره
تواب:يا نهاار الواد يزن مستني تحت وعمال يرن من ساعتها طب انا نازله بدل ما يطلع يقتلني
شروق:تواب
تواب وكان يهم بالنزول:نعععم
قامت بالاشاره بعينها الي مفاتيح ما فنظر لتلك ثم قال بسرعه:يلهوي علي المفاتيح دايما بنساها
محمود:يابني انت مهندس اعقل بقي
تواب:يا والدي خلاص بقي دي مفاتيح عربيه مش حاجه يعني يلا سلام بقي
بعد ان نزل قال محمود:حاسس اني اتسرعت لما جبت ليه العربيه اسحبها منه طيب
(حيث انه قام بشراء لتواب سياره خاصه به ولكن تواب ساعده بنصف المبلغ لكي تساعده في العمل)
شروق بضحك:ابننا بقي نعمل ايه
في الاسفل بعد ان نزل تواب قام يزن بالتوجه له بعصبيه وقال:هو انا يا زفت مش بقالي ساعه برن عليك
تواب:لا لو سمحت متكدبش هي ساعه الا ربع بس مش اكتر
يزن:انت هتستعبط ياض انت اتأخرت ليه يا زفت
تواب:اييه كنت بفطر انزل علي لحم بطني
يزن:عيل طفس يلا يا عم هنتأخر علي الشغل
تواب:فينك يا جامعه ده احنا كنا اغبيه والله لما قلنا هنشتغل امتي
يزن:تواب يا حبيبي احنا اغبيه طول عمرنا
تواب:تصدق اقنعتني
يزن:شوفت
تواب:طب اركب يلا
يزن:يلا...
..........................
في منزل عهد كان الجميع يتناول الافطار فتقدمت اليهم عهد في استعجال وقامت بعمل شطيره فقط
ورده:ما تقعدي تاكلي يابنتي متسربعه علي ايه
عهد:هتأخر علي المستشفي يا ماما
سليمان:وليد خد اختك وصلها للمستشفي وغفران لجامعتها (صارت غفران في السنه الاخيره لها بكليه السن قسم لغه المانيه)
وليد:هتأخر علي الشغل كده يا بابا (تخرج وليد ايضا من هندسه ولكنه توظف كدكتور جامعي)
غفران:هتوصلنا برضو هتسبنا لوحدنا واحنا بنات غلابه وبعدين ده احنا مع بعض في نفس الجامعه انت كليه وانا كليه تانيه خالص
وليد:والله انتوا يتخاف منكم وبعدين الست عهد المستشفي بعيده
عهد:يلااا هتأخررر
ورده:وصلها يا وليد وبطل كلام
وليد:امري لله يلا بينا
وحينما غادرا للخارج وجدا عبد الله يتوجه لعمله ايضا
عبد الله:صباح الخير عاملين ايه
وليد:الحمد لله يا عبده رايح الشغل ولا ايه
عبد الله:اه وبالنسبالكم
وليد:انا كذلك رايح الشغل بس هنوصل عهد الاول
عبد الله:تمام مش عايزين اي حاجه
فشكروه ثم توجهوا جميعهم لعملهم...
بعد ان اوصل وليد عهد توجهت للداخل سريعا فقابلتها الاء قائله:من ايام الجامعه وانتي بتتأخري
عهد:اصلها تبقي غريبه اجي بدري الصراحه
الاء:انتي مشكله والله
عهد:طب يلا بس نشوف شغلنا وبعدين نتفاهم
الاء:يلا يا اخره صبري....
...........................
بينما عند وليد وغفران قالت الاخري:وليد هتخلص بدري النهارده ولا ايه
وليد:لا ورايا محاضرات متأخره والله ليه
غفران:كنت بسأل انك تخلص ونروح مع بعض
وليد:ده بركه هروح لوحدي
غفران:يا عسل انت يا دوده والله لافضحك واقول ان دلعك دوده وانت عامل رعب في الكليه كده
وليد:ساعتها هخليكي تعيشي الرعب ده معاهم والله وبعيدن عرفتي منين اصلا
غفران:مهي تقريبا الجامعه كلها عارفه انك اخويا فبيجوا يشتكوا منك وهما ميعرفوش انك اصلا تافهه ومش جد كده بس بترعبهم وخلاص
وليد بغضب:انا تافهه
غفران:اينعم
وليد:غفراان احترميي نفسك متنسيش اني اكبر منك عيب اوي اللي انتي بتقوليه ده
غفران بمزاح:دوده
وليد بغضب:انا مش بهزر والله علي فكره يا غفران
غفران:دوده متقرفنيش بقي اكبر مني ايه ياعم ده كلهم ست سبع سنين يعني مش حاجه
وبعدين بهزر علي فكره
وليد:برضو المفروض تحترميني انا اكبر منك يا غفران فيه حدود للهزار
غفران بحزن انها اغضبته :خلاص انا اسفه مش قصدي
وليد:ولا يهمك ثم سكت قليلا واكمل قائلا:بس تصدقي انتي معاكي حق انا تافهه برضو مغلطتيش
انفجرت غفران في الضحك وشاركها وليد.ايضا ثم قالت: عشان تعرف اني دايما صح
وليد:طب انزلي يا رخمه وصلنا
غفران:تشكر ياسطا الاجره كام
وليد:200جنيه يافندم
غفران:نعععم يا عووومر متتيين ايه هما اخرك اتنين جنيه ونص راضي يا شبح
وليد:غفران هو انتي كنتي فين لما كان ابوكي وامك بيربونا
غفران بمزاح:كنت بشتري سمك
وليد:لا معاكي حق انزلي يابت
غفران:طب سلام بقي
وليد:سلام يختي
توجهت غفران لمحاضرتها وكذلك فعل وليد
عند غفران وجدت شهد تنتظرها امام باب المحاضره
شهد:ايه يا رورو اتأخرتي ليه
غفران:كان وليد بيوصل عهد ثم اكملت بمزاح:ويمكن تقلنا في الفطار شويه
شهد بمزاح:لا كده يبقي معاكم حق اتأخري براحتك
غفران:حبيبي يا ابو الصحاب
شهد:طب يلا ندخل بقي عشان هنتأخر ....
بينما عند وليد توجه للمحاضره حتي يقوم بعمله تحت اعجاب الفتيات به المصاحب للخوف منه بسبب جديته...
.............................
بينما عند سامر كان يجلس مع والديه فقال والده:مش نازل الشغل النهارده ولا ايه يا سامر
سامر:لا يا بابا في عطل في قسم الحسابات في الشركه عندنا ف ادولنا اجازه
والدته:ربنا يوفقك يابني ويوقف في طريقك ولاد الحلال
سامر:يارب..المهم بقي انا بقيت بشتغل صح
والدته:اه يابني صح ربنا يحرسك
سامر:وعندي شقه فوق متجهزه اظن برضو صح
والده:ايوه يعني عايز ايه
سامر:اتجوز
والدته:يووه هي نفس البنت
سامر:ايوه ومش هغيرها دي الحمد لله ما اتجوزتش ولا اتخطبت
والده:دلوقتي اقدر اقول اني موافق مفيش اي مانع
سامر:وانتي يا امي
والدته:والله ده يعود علي العروسه نفسها
سامر:صدقيني والله يا امي محترمه جدا وانا واثق انك هتحبيها
والدته:تمام يا حبيبي انا كل اللي يهمني سعادتك موافقه
سامر بسعاده:ياااا فرج الله اخيرا هتجوز ازغرط ولا اعمل ايه
والده بضحك: اركز يا عبيط انت
سامر:طب نروح امتي النهارده كويس
والدته:يابني اهدي مش كده النهارده ايه هو احنا عرفنا اهلهم او حتي سألنا عن البنت
سامر:يا ماما صدقيني والله محترمه
والده:برضو يا سامر  دي مش لعبه دي هتبقي شريكه حياتك
سامر:خلاص تمام في دي موافق
والدته:طب بالنسبه لأهلها هنستأذن منهم ازاي
سامر:هي تبقي صاحبه اخت وليد فهنطلب من وليد يجيب الرقم منها ونخليها برضو تديلهم خبر
والده:خلاص يبقي علي بركه الله يومين كده وتكون كل حاجه اتزبطت اتفقنا معاهم وسألنا عنها
سامر وهو ينهض:الحق اجهز الكلام اللي هقوله بقي في اليومين دول
والدته:يا سامر يخربيت شيطانك لسه لما نسأل اهلها وهما يدولنا معاد
سامر:طب ماشي ان شاء الله يكون كله تمام عن اذنكم بقي الحق نفسي
قال والده بعد ان غادر: الواد عقله طار
والدته:شكله بيحبها بجد ده استني سنين عشان يستحقها
والده:يارب بس تكون هي مناسبه ليه
والدته:بأذن الله يكون خير....
.......................
في منزل شاهندا كانت تجلس مع سميحه واطفالها فتوجهت اليها ترتيل قائله:ماما يا ماما
شاهندا:نعم يا مغلباني
ترتيل:انتي عايزه تيام
شاهندا باستغراب:ليه
ترتيل:عثان هدبحه بالثكينه (ترتيل عندها لدغه فنكتب الكلام ولو في كلمه مش مفهومه هكتبها علي اصلها انما تيام عادي)
سميحه بضحك: وتدبحيه ليه بقي يا ست ترتيل
ترتيل بغضب طفولي:بيكثر اللعب بتاعتي ما يكثر لعبه هو
شاهندا بضحك: معلشي هجبلك غيرها متزعليش
ترتيل:تعالي زعقيله عثان يخاف
شاهندا:تعالي يا سوسه انتي
توجهت شاهندا الي غرفه اطفالها ثم قالت:تيام
تيام:نعم يا ماما
شاهندا:كسرت لعب اختك ليه
تيام:ترتيل انتي فتانه
اخرجت ترتيل له لسانها
فقال تيام:مكنش قصدي يا ماما غصب عني وقلتلها انا اسف علي فكره زي ما قولتيلي
شاهندا:طب هو اتأسف اهو يا ترتيل
ترتيل:ايوه اتأثف بس اعمل ايه في لعبي
سميحه بعد ان جائت لهم:خلاص يا ستي متزعليش هخلي بابا يجبلك غيرها
شاهندا:ولو اني اشك انه هيقتلكم بس
ترتيل:توعديني يا تيته
سميحه:اوعدك يا قلب تيته
تيام:وانا يا تيته هتخليه يجبلي
سميحه:طبعا يا تيمو
شاهندا:اتصالحلوا بقي يلا
ترتيل:لا هو اللي يثالحني
سميحه:مهو صالحك مره
ترتيل:عادي يثالحني تاني
اقترب منها تيام ثم قام بتقبيل خدها وقال متزعليش خلاص مش هكسرهم تاني
ترتيل:وعد
تيام:وعد ثم قال بخفوت في اذنها:تعالي نعمل حاجه شريره بقي عشان زهقان
ترتيل بضحكه ثم قالت:يلا بينا انا كده مش هخاثمك تاني ابدا
ضحكوا قليلا فقالت شاهندا بشك:انتوا بتقولوا ايه وبتضحكوا ليه
تيام ببراءه مصطنعه:لا ابدا يا ماما مفيش
ترتيل:عادي يا مامي اخويا وبيضحكني
سميحه:ليه مش مرتاحه
شاهندا:ولا انا
ابتسموا لهم ببراءه ولكن خلف تلك الابتسامه ضحكه شيطانيه اخري .....
............................
عند حبيبه كانت تجلس بغرفتها فقام باسل بالدق علي الباب فقالت حبيبه:ادخل
باسل:فاضيه يا بيبو
حبيبه:هبقي فاضيه لو من غير بيبو
باسل:اشطا يا بيبو
حبيبه:ونعم الاخوه بس استني مرحتش الشغل ليه
باسل:مش عارف حاسس اني مش قادر النهارده جسمي مكسر
حبيبه:الف سلامه تحب اعملك اي حاجه
باسل:لا يا قلبي تسلمي
حبيبه:اومال جاي ليه
باسل:تصدقي اني حيوان اني بطمن عليكي
حبيبه بضحك: لا خلاص تيجي براحتك تعالي نام.جنبي
باسل:طب استخري
حبيبه باستغراب :استخري
باسل:اه استخري بقي مش قادر
حبيبه:استخريت اهو ها عايز تقول ايه بقي
باسل:هو يبنتي عشان جاي اقعد معاكي ابقي عايز حاجه
حبيبه:اصل تيجي بدري كده وتنام جنبي علي السرير ودي نادر لما تعملها يبقي فيه حاجه ولا ايه يا بسولتي
باسل:هتخليني اسوي وشك بالاسفلت
حبيبه:والله دي بدي توقف تقولي بيبو هوقف اقولك بسولتي اشطا ابسولتي
باسل:ابو عينتك المهم
حبيبه:اه تعالي بقي بالمهم وهو ايه
باسل بتحوير:احم عامله ايه مع اصحابك
حبيبه باستغراب شديد: هو ده المهم
باسل:الصراحه لا
حبيبه:طب قول يلا ولا عشان اتخرجت ومش بشتغل فاكر اني فاضيه
باسل:طب اكتمي شويه بقي بصي يا ستي فاكره التجمع اللي خرجنا في كلنا بسبب فكره صاحبتك
حبيبه:اه كان يوم حلو اوي والله يريتتنا نعيده
باسل:انا مش بقولك عشان تفضلي تقولي حلو ولا وحش
حبيبه:اومال ايه
باسل:فاكره البنت اللي كنت خبطتها بالكوره غصب عني
حبيبه:اه مالها
باسل:هي حالها ايه دلوقتي
حبيبه بخبث وقد فهمت ما يرمي اليه:حالها ايه يعني
باسل:يعني مخطوبه في كليه ايه كده يعني
حبيبه:يا سيدي هي في كليه السن
باسل:مخطوبه ولا ايه الحوار
حبيبه بخبث:اه مخطوبه لدكتور اشمعنا
باسل بصدمه وحزن شديد:انتي بتتكلمي جد اتخطبت لمين وامتي وازاي متقوليش مين هو طيب
ضحكت عليه حبيبه بشده فنظر لها باسل باستغراب وقال:بتضحكي عليه جاوبيني
حبيبه:انت مدلوق اوي كده
باسل:قصدك ايه
حبيبه:لا ولا حاجه بس هي مش مخطوبه ولا حاجه هي اه في كليه السن بس لسه مجلهاش اللي يناسبها
باسل بشر وغصب وقام بأمساكها من ملابسها كالمجرمين:انتي بتستعبطي يا حبيبه الزفت هي دي فيها هزار
حبيبه:اه عادي ثم اكملت بخبث: بس بتسأل ليه يا سكر انت
باسل:اظن انك فهمتي
حبيبه:اه فهمت بس مش شايف انها صغيره عليك حبتين يا باسل
باسل:مش مهم السن مش بيبقي مشكله وبعدين كام يعني خمس سنين ولا حاجه اصلا يفضل ان الفرق بين الاتنين المتجوزين اربع سنين مجتش من سنه
حبيبه:ده انت حاسبها بقي
باسل:الصراحه هي لفتت نظري من يوم الخبطه هتقولي غريبه اوي هقولك انا كمان مستغرب نفسي بس مش بتغيب عن بالي وبشوفها كتير لما كانت بتيحي مع صحباتك
حبيبه:بس ده حرام انك تبصلها كده
باسل:مهو طبعا يا جزمه مش ببصلها انا يدوب بس بتلفت نظري هي بعض مرات كده اللي بتبقي غصب عني
حبيبه:اممم هعديهالك طيب والمطلوب
باسل:اتجوزها
حبيبه:طب انا مالي كنت المأذونه نونه
باسل:لا بس تتصرفي
حبيبه:ازاي
باسل:يعني تجبيلي رقم اهلها وكمان تبلغيها انها تبلغهم وعليكي بقي تجملي في صورتي قدامها
حبيبه:اه اكدب يعني
باسل:نعم يختي ليه ده انتي اصلا هتقولي الحقيقه يعني انا مش محتاج كلمه زياده كمان
حبيبه:طب مهي لسه في الكليه يا باسل ويمكن اهلها ميوافقوش
باسل:يا ستي مش هي اخر سنه ليها هستناها
حبيبه:وانت عرفت منين
باسل:سمعتك قبل كده بتكلمي البنات كلهم وانتي قولتي انتي كده كده اخر سنه ليكي
حبيبه:انت بتحبها يا باسل
باسل:صدقيني عدي الحب بمراحل انا لو مكنتش حبتها مكنتش استنيت كل ده مع رفض اهلنا او حتي فكرت فيها
حبيبه:خلاص سبني اظبتها
قام باسل بأحتضانها قائلا:حبيبتييي يا بيبووو
حبيبه:بسولتي بقي بيحب يا ولاد
ضحك باسل عليها قليلا ثم اكملوا حديثهم عن امور عده....
...........................
ها قد مر الوقت سريعا وعاد الجميع من عمله بعد يوم ملئ باامشقه
عند عهد توجهت الي غرفتها لتبديل ملابسها الي ملابس البيت وبعد ان انتهت خرجت لتجلس مع البقيه فقال سليمان:عملتي ايه في المستشفي النهارده يا عهد
عهد:الحمد لله يا بابا كله تمام
ورده:دايما يارب
سليمان:بالنسبه لغفران و وليد
غفران:انا الحمد لله كله فل واشطا يا بابا
وليد:حد يقول لأبوه اشطا علي العموم كله تمام يا بابا ربنا يديمك لينا يارب
سليمان:تعرفوا مكنتش اتخيل اليوم اللي الاقي فيه عهد و وليد بقي ليهم شغل والست غفران تكون في الجامعه والمفروض بقي تكون عاقله
غفران:حب الناس والله
عهد:والله انا مكنتش اتخيل اني اعيش لليوم ده اصلا
ورده:قولوا الحمد لله كل ده من كرم ربنا
غفران:الحمد لله بس تعرف يا بابا وليد عامل للجامعه رعب جامد
ورده:ليه يا وليد
غفران:بيشد.عليهم جامد يا ماما لدرجه بقوا يجوا يشتكولي منه
عهد:  واللي يشوفه هنا ميتوقعش انهم نفس الشخص
غفران:شوفت مقولتش حاجه غلط انا
وليد:خفه يا بت انتي واختك
سليمان:هو بيعمل الصح عشان الطلاب ميتسهلوش معاه
وليد:هي دي الناس اللي بتفهم
ورده:بس برضو خف شويه عليهم
وليد:من عيوني حاضر
ضحكت عهد ثم قالت بخفوت:ده هيبقي في المشمش انا عارفه....
.............................
عند سميحه كانت تجلس بضحك بينما شاهندا بغضب شديد بينما عبد الله كان يقف امام اطفاله بيأس من افعالهم
عبد الله:عايز اعرف اللي انتوا عملتوه ده ايه
ترتيل ببراءه:عملنا ايه يا بابا
عبد الله:بت متعمليش فيها انك بريئه ايه اللي هببتوه في هدوم امكم ده وهدومي عايز اعرف
تيام:عملنا ايه يعني ده احنا كنا عايزين هدوم لعرايس ترتيل عشان هدومهم قليلين
شاهندا بغضب وتوجهت لهم كادت ان تضربهم فأمسكها عبد الله سريعا بينما قالت بغضب:تقوموا تقطعوا هدومنا بالمقص كلها يا جزززم اعمل فييكم اييه انتوا اكيد تربيه الزفته غفران هي اللي كانت بتعمل كده وهي صغيره والله ما هخلي ابوكم يجبلكم لعب جديده تاني والله
عبد الله باستغراب:لعب جديده ليه اظن اني جايب من اسبوعين كميه لعب معقوله يعني
سميحه بضحك: ياعيني عليك يابني هو انت متعرفش
عبد الله:متقوليش ان الكلب تيام كسرهم تاني
شاهندا بغضب:اه الجزمه ده كسرهم قولت معلش عيل ومش قصده لكن بعد ده كله يبوظوا هدومييي اااااه هيموتونيييي
عبد الله بعد ان تركها:دول مش عيالي اتصرفي معاهم
جرت اليهم شاهندا تحاول مسكهم ولكن هربوا منها بسرعه وهم يصرخون
ترتيل:الحقينا يا تيييته هيدبحونااا
عبد الله:ده انا هخليها تعمل منكم سجق
ترتيل:ااااع يا تيته هيتعمل مننا ثجق
تيام:مكنش لازم نعمل هدوووم
توجهت سميحه لهم لتلحقهم من شاهندا ثم قالت:خلاص يا شوشو هما اخر مره هيعملوها
شاهندا:لا يا عمتو لازم ينضربوا عشان كده عيب
سميحه:خلاص هما عرفين غلطهم صح يا حبايبي
ترتيل:اه والله يا تيته
تيام:اخر مره هنعملها والمصحف
ترتيل:تيام مش خالتو عهد قالت حرام نحلف بالمثحف نحلف بالله بث
تيام:اه نسيت اسف والله
ترتيل:شطور
شاهندا:علي فكره مش هعديهالكم والله
سميحه:خلاص بقي يا شوشو انتي وعبد الله اخر مره
عبد الله:اعمل ايه طب دلوقتي اجيب لبس جديد ولا لعب
شاهندا:لا مفيش لعب هتتجاب
ترتيل:بس احنا عايزين
شاهندا:بنت هي كلمه عشان تقطعوا الهدوم كويس بعد كده
تيام:خلاص يا روتي لما يجيبوا لبس جديد نقطعه تاني
عبد الله:ساعتها انا اللي هقتلكم بقي
ترتيل:يوووه بقي طب احنا هننزل عند خالتو بث الاول هنعدي علي عمو تواب عشان قالنا امبارح نروحله
شاهندا وهي تتوجه للغرفه بغضب:اتصرف مع عيالك بقي مليش دعوه
سميحه:خليهم ينزلوا يا عبده وشوف مراتك لان باين عليها الزعل من تصرفهم
عبد الله:تمام.. انزلوا انتوا يلا.. عن اذنك يا أمي.. ثم دلف الي غرفته وجد شاهندا تجلس بحزن وهي تنظر لملابسها الممزقه فقال عبد الله:مالك يا قلبي
شاهندا بحزن علي ملابسها:ولادك ولاد الجزمه قطعولي هدومي الحلوه
عبد الله بضحك:اه وهدومي اللي هموت عليهم دول
شاهندا:هنجيب غيرهم ازاي بس ودول كانت بحبهم اوي
عبد الله:ياستي اجبلك غيرهم احلي ولا يهمك ربنا يعوض علينا بقي 
شاهندا:انت هتتحمل عننا ايه ولا ايه يا عبد الله
عبد الله:يا حبيبتي اعيش واجبلكم انتوا بس تؤمروا بس بالله عليكي فكريني نقفل الدولاب بالمفتاح بعد كده
ضحكت شاهندا قليلا ثم قالت:ربنا يديمك ليا يا عبده
عبد الله:ويديمك ليا يا قلب عبده...
                         ........................
بينما توجهت كل من ترتيل وتيام الي منزل  محمود بسعاده ثم قاما بالدق علي الباب بخفه ..
بينما في الداخل كان كل من تواب ومحمود وشروق يجلسون فقال تواب:انا سامع صوت خبط ليه
شروق:وانا بس قولت يمكن اتهيألي
محمود:طب اسكتوا كده
بينما بالخارج قالت ترتيل:افتحوا الباب بقي انتوا مش عايزينا معاكم ولا ايه
تيام:ممكن يكونوا نايمين
ترتيل:لا عمو تواب مش بينام بدري كده لانه بيثهر لما هيتعب ويبقي عبيط
في الداخل قال تواب بصدمه:انا هبقي عبيط
ضحكت كل من شروق ومحمود بشده فقالت شروق:اااه مش قاادره ملهمش حل
محمود: والله البت ترتيل دي بتقول كلام موزون
تواب:اما اقوم افتحلهم ثم توجه للفتح فقالت ترتيل بغضب طفولي:مث بتفتح ليه من ثاعتها
تواب:يخلاثي يا ولاد علي اللي عندها لدغه بقي انا هبقي عبيط يا ترتيل
ترتيل:مش انت قولت انك بتثهر
تواب:حصل
ترتيل:مهو بابا قالنا اللي هيثهر هيبقي عبيط
تواب:اما اشوفه بس
تيام:احنا هندخل امتي
تواب:ادخلوا ده انتم ربنا يكون في عون ابوكم وامكم
دلفوا للداخل فقالت ترتيل بابتسامه:عاملين ايه
محمود وقام بحملها:بقينا كويسين لما جيتي يا حته سكر انتي
ترتيل:يعني اجي علي طول عشان تكونوا كويثين
شروق:يا خلاثي انتي تيجي في اي وقت
تيام:طب وانا
محمود:وانت كمان طبعا
ترتيل:عمو تواب
تواب:والله ما نافع عمو بعد عبيط اللي بره دي
ترتيل:خلاث بقي خلي قلبك ابيض
تواب:حاضر من عنيا عايزه ايه
ترتيل:تعملي عثير
تواب:نععم يا رووح خالتك
تيام:ايه يا عمو مسمعتهاش تعملنا عصير
تواب:ليه ياخويا خدام ليكم جبهلكم ابوكم ولا ايه
ترتيل بحزن مصطنع :جدو محمود عمو تواب مش راضي يعملنا عثير وانا نفثي اشرب عثير مانجه
تيام وهو يكمل معها الدور:خلاص يا روتي مش مشكله عشان عمو تواب ميضيقش مش لازم نشرب
شروق بضحك: مش قادره منهم بجد دول اطفال دول
تواب:لا دول شياطين والله
محمود:قوم يا واد يا تواب اعملهم احلي عصير مانجه
تواب:اعمل ايه بقي انا مهندس تواب اعمل لدول عصير بأمرهم
تيام:عمو تواب
تواب:عايز ايه انت كمان
تيام:يكون ساقع عشان مش بحبه سخن
تواب وقام برفعه من ملابسه:ولا انت انا مش عايز اقتلك عشان ابوك صرف بس عليك كتير في الاربع سنين دول
تيام:عادي بس بابا هيقتلك بعدها لانه بيحبني
تواب:ده هيشكرني
تيام:طب نزلتي بقي شكلي وحش
ترتيل:هتعمله ولا لا
شروق:طب اعملهلكم انا
ترتيل:لا يا تيته شروق انتي خليكي عشان بحبك وارتاحي هو عمو تواب يعمله هو عشان هو الراجل
تواب:طب مهو بابا راجل اهو
تيام:لا جدو محمود كبير انت مش كبير
تواب:امري لله هدخل اعمله
شروق:فكرني انشرهالك علي مواقع التواصل الاجتماعي المهندس الذي يصنع عصير من اجل فتاه وفتي ذات اربع اعوام
تواب:انا هروح اقدم استقالتي بكره
ضحكوا عليه قليلا ثم جلسوا بينما توجه تيام الي المطبخ بعد ان استأذن منهم ثم قام بشد بنطال تواب بخفه فنظر له تواب وقال:خير يا تيمو
تيام:يعني ايه مهندس يا عمو ويعني ايه اتقسالتي (استقلتي)
تواب بضحك: اولا اسمها استقالتي  بص يا سيدي مهندس ده يعني ان تبني بيوت كتير زي اللي احنا عايشين فيها دي وتساعد الناس عشان يناموا فيها
تيام:ودي حاجه حلوه
تواب:طبعا مش بتساعد غيرك وكده هتخش الجنه
تيام:صح طب والتانيه
تيام:استقالتي يعني اطلب اني معتش اشتغل مش انا بشتغل وبابا بيشتغل وخالو وليد بيشتغل
تيام:اه
تواب:استقالتي دي بقي اني اوقف شغل
تيام:ودي حاجه حلوه ولا وحشه
تواب:لا وحشه لانك مش بتعمل حاجه وبتخش النار
تيام:خلاص لما اكبر هشتغل زيك ومش هوقف شغل ابدا
تواب:شاطر يا تيمو
ترتيل من الخارج:عمو تواب جدو محمود بيقولك فين العثير
تواب:يلا نخرج بدل ما يكلونا
ضحك تيام بخفه ثم خرج مع تواب وقال الاخر:اتفضلي يا انسه ترتيل العصير المانجه
ترتيل:شطور يا عمو تواب خد بوثه بقي عشان انت حلو
تواب:ده كده اعملك عصير علي طول
تيام:هنحبك اكتر بعدها
تواب:يبقي اتفقنا...
جلسوا قليلا ثم توجها لأسفل الي منزل سليمان بعد ان ودعا تواب ومحمود وكذلك شروق...
في الاسفل قاما بالتخبيط ايضا ففتح لهم سليمان فقال:اهلا اهلا بحبايبي تعالوا ادخلوا
ترتيل:ازيك يا جدو وحثني
سليمان:انتي اكتر يا حبيبه جدو
تيام:وحشتني من امبارح لحد النهارده قد البحر الكبير يا جدو
سليمان:يا حبيب جدو انت
ورده:طب وبالنسبه لتيته
جروا عليها ثم قاما باحتضانها وقالا وانتي كمان يا تيته وحشتينا اوي
ورده:احلي ترتيل وتيام يا ولاد
ترتيل:تيته فين خالتو وخالتو وخالو
غفران:يا جزمه مش قولنا انا اسمي رورو مش خالتو دي انا لسه صغيره برضو
ترتيل:طب اثتني نقول تاني  تيته فين خالتو و رورو وخالو حلو كده يا رورو
غفران:حلو يا حبايب رورو هاتوا حضن بقي
توجهوا لها ثم قاما بأحتضانها بقوه
ورده بضحك: يبقي ادي شوفتوا رورو خالتو في اوضتها وخالو في اوضته برضو
تيام:تعالي ندخل لخالو الاول وناخده ونخض خالتو عشان هي بتخاف
غفران:والله ما هكسرلكم كلمه يلا بينا
توجهوا الي غرفه وليد ثم قاما بالدق فقال وليد ادخل
دلف تيام الاول ثم قال:خالو ولييد
وليد:تيمو تعالي يا بطل ادخل
تيام:انا دخلت اصلا
غفران:العيال دول بيسبتولي اني فلحت في تربيتهم
وليد:واضح
ترتيل:خالو شلني كده الاول عشان انت طويل
وليد:تعالي ياستي ها هتعملي خطه شريره ايه دلوقتي
ترتيل بتفاجأه:انت عرفت ازاي يا خالو انت بتقرأ الافكار
وليد بضحك: لا ياستي بس انتي مش بتخليني اشيلك الا لو عايزه تعملي حاجه شريره
تيام:هي مش شريره اوي يعني
ترتيل:عايزين كلنا نخض خالتو عشان هي بتخاف بثرعه
وليد:اممم هتديني بوسه
ترتيل:ماشي هديك بوستين كمان
قام وليد بالاشاره الي خده فقامت ترتيل بتقبيله بطفوله فقال وليد:والاستاذ تيام
تيام:لا هديك انا حضن مش بوسه
وليد:ماشي حضن حضن تعالي
قام تيام بأحتضانه
فقال وليد بعدها: بينا نخض خالتو
ضحكوا عليه ثم توجهوا لغرفه عهد بهدوء ثم قال وليد بصوت خافت: اول ما اقول تلاته ندخل كلنا مره واحده ونخضها يلا واحد..اتنين
تلااااته ودلفوا الي غرفتها مره واحده مما ادي الي افزاع عهد بشده فقالت:ااااع في ايييه خضتونييي
ضحكوا عليها بقوه بسبب خضتها
فقالت ترتيل: اتخضيتي جامد يا خالتو
تيام بضحك: كنتي بتضحكي اوي
عهد بشر :اااه ياجزم فكره مين دي هااا
اشار الجميع الي تيام بخوف
تيام بخوف:لا لا مش انا اااااع يا ماماااا حيث توجهت عهد لتجري خلفه فابتعد عنها سريعا وقال:يا جدووووو خالتوو بقت تخووف
عهد:تعالي هنا يا ابن شاهندا العفشه بسبب فكرتك الهباب دي
ترتيل بصدمه طفوليه:هيييي خالتو بتثتم ماما
غفران:لا يا روتي ده الطبيعي
ترتيل:يعني عادي اشتم تيام كده
وليد:يخربيت شكلك يا غفران لا يا ترتيل يا حبيبتي عيب هي خالتو غلطانه اوعي تشتمي حد كده
بينما عند عهد حاولت امساك تيام ولكن لم تستطع فجلست بأنهاك وقالت:فرهدتني
ضحك تيام:عليها قليلا ثم قال: انتي عجوزه يا خالتو
عهد:اه والله يابني شكلي عجزت
ترتيل:خلاث بقي يلا نقعد كفايه لعب
وليد:اسمعوا كلام انسه ترتيل يا ولاد
عهد:حاضر يا فندم تعالوا نقعد في اوضتي  يلا
توجهوا جميعهم الي غرفه عهد ثم جلسوا قليلا وظلوا يمرحون ثم حكي كل من تيام وترتيل الي عهد ما فعلوه في ملابس شاهندا وعبد الله
غفران:الله عليكم يا حبايب خالتو هي دي تربيتي
وليد:اسكتي يا غبيه
عهد:بس يا غفران بصوا يا حبايبي اللي انتوا عملتوه ده غلط وعيب عشان حاجه بابا وماما مينفعش نلعب فيها خالص
ترتيل:كنا عايزين نعمل هدوم للعرايس
وليد:برضو يا روتي مينفعش دي هدومهم كنتي المفروض تقوليلهم يجبولك لبس حلو ليهم
عهد:زمان اصلا ماما وبابا زعلانين منكم
تيام:ماما كانت زعلانه قبل ما ننزل بس دخلت الاوضه وتيته سميحه قالت لبابا يصالحها
عهد:لا عايزين نصالحها احنا ايه رائيكوا
ترتيل:ازاي يا خالتوا بث احنا مكنث قثدنا نزعلهم
وليد:عرفين يا روتي عشان كده لما تطلعوا اتأسفوا ماشي
تيام وترتيل:ماشي
غفران:هتبوظولي تربيه العيال
عهد:بس يا زفته ايه رائيكم نجيب شوكولاته لبابا وماما عشان نصالحهم
ترتيل:اه اه نجيب
تيام:ونجيب لينا برضو يا خالتو معاهم
عهد:طب قوموا يلا ننزل نشتري من عند عمو اللي في الشارع اللي جنبنا
وليد:خليكي هنزل اجيب انا
عهد:لا هنزل معاهم علي ما غفران تعملنا فشار وانت ساعدها وهنرجع علي طول واتمشي حبه
وليد:خلاص تمام....
                       .......................
في منزل تواب نادت عليه شروق قائله:تواب معلشي عايزاك
تواب:ايوه يا ماما
شروق:معلشي يا حبيبي تنزل بس تجيبلي الطلبات دي من السوبر ماركت اللي في الشارع اللي جنبنا
تواب:حاضر يا ماما هلبس علي ما تشوفي عايزه ايه
شروق:الله يرضي عنك يابني
استعد تواب ثم سأل شروق عن ما ستحضره ثم توجه للاسفل وحين وصل لباب البيت وجد كل من عهد وترتيل وتيام يهمون بالذهاب فنادي عليهم قائلا:عهد تيام
نظروا خلفهم فوجدوا انه تواب فسألهم قائلا:رايحين فين كده
عهد:رايحه اشتري حاجه ليهم من السوبر ماركت
تواب:هو وليد مش فوق
عهد:لا فوق بس انا حبيت اتمشي
تواب:طب لو تحبي تخليكي واجبهالك انا كده كده رايح هناك
عهد:لا تسلم يارب انا اصلا عايزه اروح
استغلها تواب بفرصه ثم قال:خلاص تمام اتفضلي اجي معاكي بما اني رايح يعني
عهد بخجل: تمام
ترتيل:انت هتيجي معانا يا عمو
تواب:اه عندك مانع ولا ايه
تيام:هو انت كمان زعلت تيته شروق وعايز تصالحها
نظر لهم باستغراب ثم نظر لعهد فقالت بضحك:اصلهم بوظوا الدنيا لشاهندا وابيه عبد الله  وحكت له ماذا. فعلوا فأنا قولتلهم نجيبلهم شكولاتيه يصلحوهم بيها
ضحك تواب بشده عليهم وعلي تفكير عهد الطفولي ايضا ثم قال من وسط ضحكه: ده انتوا عفاريت والله  لا بس فكره حلوه برضو
عهد بخجل:شكرا
تيام:انت زعلت تيته شروق ليه
ترتيل:كده هتبقي وحث
تواب:والله ما زعلتها هي طلبت مني اشتري حاجات ليها مش زعلاها خالص
ترتيل:قول والله
تواب:والله
تيام:لا حلف خلاص هو مش بيكدب
ضحكوا علي طفوليتهم ثم وصلا الي السوبر ماركت فقالت عهد:اولا بقي هنشتري لينا وبعدين نخلي بابا وماما في الاخر
تواب بخفوت:يلهوي طفله ماشيه مع اطفال
ترتيل:انا عايزه ثيبثي وعثير وثوكولاته وبثكوت
تيام:وانا كمان
عهد:احنا هنجيب كتير عشان الغلابه اللي في البيت
ترتيل:مش هنجيب لعمو تواب
نظرت عهد بخجل لتواب فابتسم لها ثم قال:والله لو حابين تعزموني مش هقول لا
تيام:يبقي خلاص نجيب كتير بقي لينا كلنا
عهد:احم ماشي يلا نشوف هنجيب ايه
قاما بالتجول في السوبر ماركت ثم قاما بشراء العديد من التسالي والشوكولاته واعطت عهد  تواب بعد ان اشترت الكثير فأخذ القليل ثم قال:خلي الباقي ليكم
عهد بخجل:مهو فيه كتير اهو
تواب:تسلمي يارب يس بجد كفايه
تيام:يلا بقي نشتري لبابا وماما عشان نصالحهم
عهد:انتوا هتخلوني افلس والله
تواب:خلاص سيبوا الحاجه اللي هتصالحوا بيها بابا وماما عليا
عهد:لا لا مش لازم والله معايا فلوس كفايه
تواب:سبيها عليا المره دي كفايه انك جايبه السوبر ماركت كله تقريبا
عهد بخجل:احم مفيش داعي والله معايا
ترتيل:خلثونا بقي مين اللي هيجيب
تواب:يا ساتر خلاص هدفعه انا
ترتيل:طب خلثنا بقي
تواب:حاضر يا فندم
ضحكت عهد قليلا ثم انتهيا من شراء ما يلزمهم وكذلك تواب ثم توجها الي المنزل وصعد تواب الي شقته بعد ان شكرها علي الحلوي
وفعلت عهد المثل ثم دلفا للمنزل كل من عهد والتوأمان
غفران:جبتم الحاجه
عهد:اه يلا بقي نستمتع
وليد:ايوه بقيي.....
عند تواب صعد الي شقته واعطي والدته طلباتها فسألته عن تلك الاشياء الاخري فقال لها ان عهد هي من احضرتها له
فابتسمت بخبث ولم تعلق مما ادي الي استغراب تواب ثم استأذن ليدلف الي غرفته...
بينما عند عهد.جلسوا جميعهم الي ان حل وقت نوم كل من ترتيل وتيام فاتسأذنا بالصعود فاخبرتهم عهد ما سيقولانه لوالديهم ولم ينسي نصيب سميحه ايضا
وبالفعل صعدا لأعلي فتح لهم عبد الله وقال تعالوا ادخلوا
ترتيل:بابا
عبد الله:نعم يا ترتيل
تيام:عايزينك انت وماما وتيته
عبد الله باستغراب: ليه
ترتيل:هاتهم بث هنا يلا
عبد الله:طيب استنوا
قام بأحضار كل من شاهندا وسميحه فنظرت لهم شاهندا بحزن لما فعلوه فتوجهوا لها وقالا في نفس الوقت:ماما احنا اسفين وعرفنا غلطنا ومش هنعمل كده تاني ثم اعطا لها قالب من الشوكولاته ممكن متزعليش مننا
نظرت لهم بتفاجأ ثم قالت بتأثر:يا حبايبييي لا طبعا خلاص مش زعلانه بس عرفتوا غلطكم
فقالوا:اه والله
قامت شاهندا بأحتضانهم بقوه ثم قالت:حبايب ماما انتم
فتوجهوا لسميحه وفعلوا المثل وقاما بأعطائها قالبا اخر من الشوكولاته
وتوجهوا لعبد الله قائلين:اسفين يا بابا مش هنعمل كده تاني اتفضل
قام عبد الله بأحتضانهم بابتسامه وقال:مش زعلان منكم يا حبايب بابا بس قولولي مين اللي قالكم الفكره دي
ترتيل:خالو قلنا لازم نعتذر وخالتو عهد جبتلنا الشوكولاته مع عمو تواب عشان نصالحكم
سميحه باستغراب:تواب جاب معاكم ازاي
ترتيل:مهو يا تيته لما نزلنا نثتري لقينا عمو تواب رايح هو كمان يثتري فجه معانا وجاب
سميحه:ااه ماشي يا حبايب تيته
شاهندا:هي دي تربيه عهد مش الزفته التانيه غفران
ضحك عبد الله ثم قال:نص ايجابي ونص سلبي
شاهندا:طب يلا بقي عشان ننام ثم ساعدتهم علي النوم وبعدها توجهوا جميعهم ايضا للنوم..
                   .............................
في الصباح التالي استيقظ الجميع وتوجهوا الي عملهم وايضا الي جامعتهم
عند غفران وشهد كانتا تجلسان بالكافتيريا ينتظران معاد المحاضره فوجدا رامي يتوجه اليهم
غفران بخفوت:والله حرام اللي بيحصل ده خلاني احبه وبرضو مش بيعتقني ويفضل ينط كل شويه
رامي:صباح الخير
شهد:ايه يا رامي خير جتلي ليه
رامي:عادي يا ستي بطمن عليكي
شهد:يعني انت سبت شغلك عشان تيجي تطمن عليا
رامي:انا الحق عليا احم ازيك يا غفران
غفران:الحمد لله اسيبكم انا
رامي:ما تخليكي
غفران:لا معلشي عشان لو حضرتك عايز شهد انا مستنيه في المكتبه يا شهد
شهد:تمام
رامي بعد ان غادرت:نفسي اعرف بتمشي ليه
شهد:عشان محترمه ومتربيه وعلي فكره عيب بقي يا رامي انت من الثانوي وانت بتفضل تنط وهي مش عاجبها الحوار ده خصوصا انك بتحاول تكلمها في كل مره
رامي:ياستي قوليلها باجي اطمن عليكي
شهد:يبقي متوجهلهاش كلام خالص
رامي:ليه يعني
شهد:يادي النيله يابني ادم افهم.هي بتتضايق من كده هي مش من نوع البنات اللي بتتعرف علي شباب
رامي:خلاص خلاص هبطل اكلمها خالص
شهد:لا تبطل تيجي من غير سبب
رامي:لا في دي مقدرش بقي يلا سلام
شهد بقله حيله :سلام ثم توجهت الي غفران في المكتبه وحينما رأتها الاخري قالت:شهد مع احترامي ليكي ولاخوكي بس ميصحش اللي بيعمله ده انا بسكت وبعدي بس مش للدرجه دي فهميه اني مش من النوع ده
شهد:هو عارف والله ومش قصده حاجه هو بس بيطمن عليا وقصده يسألك عامله ايه من باب انك.صاحبتي يعني
غفران:لا بلاش منها خالص لانه ميصحش وبعد كده اول ما اشوفه من بعيد اصلا هقوم مش هستني لما يجي ومتزعليش مني في دي متنسيش ان اخويا في نفس الجامعه واصلا حتي لو مش موجود ده غلط وحرام
شهد:حاضر والله فاهمه
غفران:تمام يلا عشان المحاضره ابتدت
شهد:يلا...
                          .........................
في المشفي كانت عهد تجلس تدون بعض اسامي العلاج وكانت بجوارها الاء فقالت الاخري:بت عيزين نخرج
عهد:نروح فين
الاء:اي حته بس تجيبي ترتيل وتيام معاكي عشان وحشوني
عهد:خلاص نستأذن ماما وممكن البنات تتجمع ونروح عند واحده فينا
الاء:تيجوا عندي انا الوحيده اللي معنديش اخوات صبيان
عهد:طب مهي حياه معندهاش اخوات صبيان
الاء:ماشي بس.برضو تيجوا كلكم عندي
عهد:خلاص ربنا يسهل سيبيها اما اظبتها مع ماما وبابا
الاء:اشطات.....
                      ...........................
ها قد مر يومين وسال والد سامر عن الاء فوجد انها حقا فتاه ذات اخلاق مع عائله كريمه محموده فاخبر سامر بالامر فسعد بشده وقال:بحيث كده بقي اخلي وليد يجيب الرقم من اخته
والده:علي بركه الله يابني
قال سامر:طب استأذن انا بقي واروح الشغل وهكلم وليد من هناك... وبالفعل وصل الي عمله وبعد بعض الوقت   قام بالرن علي وليد فقال الاخر:يا صباح المصلحه
سامر:حبيبي يا فاهمني
وليد:عيل واطي والله
سامر:المهم عايزك في خدمه
وليد:اؤمر
سامر:عايزك تجيب رقم الاء صحبه اختك منها عشان الحمد لله نويت اتقدملها اخيرا
وليد بفرحه:بتتكلم جد يا سامر الف مبروك يا صاحبي فرحتلك من قلبي والله
سامر:حبيبي يا وليد.عقبالك يارب
وليد:اه ادعيلي الله يسترك
سامر:ربنا يوفقك يا صاحبي المهم عايز رقم اهلها عشان اهلي يتصلوا عليهم بس الاول تاخد اختك و والدك و تروحوا لأهلهم تديهم خبر
وليد:من عنيا يا صاحبي هخلي عهد تدي خبر لصاحبتها وتقول لأهلها بس يا حمار ميصحش احنا اللي نروح نقولهم ده واحد عايز يتقدم هي عهد تقول لذذصاحبتها وتقول لاهلها وانتوا تروحوا هما بقي تلقائي لما يعرفوا انك صاحبي هيسألونا
سامر:اه معاك حق برضو
وليد:هتبوظ الدنيا يخربيت شيطانك
سامر:المهم بالله عليك متنساش الرقم  وتقول لأختك
وليد:متخفش والله الرقم هيكون عندك بليل وحكايه اختي دي تتوقف عليها هي
سامر:ماشي بس خليها متأجلهاش بس
وليد:ماشي يا صاحبي يلا اقفل عشان ورايا محاضره صحيح مرحتش الشغل ليه يابني
سامر:لا مهو انا بكلمك من الشغل
وليد:اه تمام يلا بقي سلام
سامر:سلام
بعد ان اغلق وليد قال بفرحه لصديق عمره:ربنا يفرحك يا صاحبي يارب ويفرحني زيك كده...
                          ...........................
حل المساء وعاد وليد من العمل وكان يجلس مع عهد في غرفتها فقالت بعدم تصديق:بتتكلم جد
وليد:اه والله يابنتي هكدب ليه
عهد بفرحه:ياهوووو صاحبتي هتتجوز الله انا فرحاانه اوي
وليد:اه والله وانا كمان فرحان ليه جدا ده بيحبها من مده
عهد:الله هيبقي جواز عن حب راائع
وليد:المهم هاتي رقم باباها او مامتها وانتي ادي خبر ليها تستأذن منهم
عهد:تمام هقولها بكره في الشغل والرقم اهو
املته عهد الرقم فشكرها ثم قام بالرن علي سامر واعطاه الرقم فقال الاخر:ها هتقول لأهلها امتي
وليد:هي عهد قالتلي هتقولها بكره في الشغل تقول لأهلها
سامر:لسه كل ده
وليد:ده بكره يابني
سامر:مهو بكره هتقول لأهلها وهما هيفكروا يجي فيها اسبوع بقي
وليد:اصبر وان شاء الله خير
سامر:يارب يا صاحبي انا مش مصدق اني اخيرا هتبقي ليا
وليد:ربنا يجعلها من نصيبك
سامر:امين يارب.....
                      ..........................
في اليوم التالي لم تخبر عهد الاء بالأمر بل طلبت منها شيئا اخر وهو
عهد:الاء بقولك عندك مانع اجي معاكي بعد الشغل البيت شويه
الاء:انتي هبله يابت انتي تيجي وانا اللي امشي متستأذنيش يا عهد
عهد:تسلميلي يا قمر
الاء:حلو نقعد نتسلي شويه
عهد بخبث وخفوت:اه هنتسلي عليكي بأن الله
الاء:في ايه يابت
عهد:ها لا ابدا مفيش
الاء:متأكده
عهد:اشتغلي يابت مفيش حاجه
وقد مر اليوم وذهبت عهد مع الاء وعندما دلفت وجدت والدي الاء فقالت:السلام عليكم ازيك يا طنط ازيك يا عمو
والده الاء:ازيك يا عهد يا حبيبتي عامله ايه
عهد:الحمد لله يا طنط انتوا اخباركم ايه
والد الاء:بخير يا حبيبتي
عهد:الاء تعالي كده اقعدي
الاء:خير
عهد:بصي يا طنط بص يا عمو في حاجه عايزه اقولكم عليها بخصوص الاء حتي هي متعرفهاش
والد الاء باستغراب:خير يابنتي
عهد بابتسامه:في عريس متقدم ل الاء
الاء بصدمه وخجل:عريييس
والده الاء:عريس ايه يابنتي
عهد:بصي يا طنط هو يبقي صاحب اخويا وهو محترم جدا فهو خد رقم حضرتك يا عمو مني والمفروض انه هيتصل بحضرتك بعد ما انت تحدد بس كان المطلوب الاول اني اقول ل الاء تبلغكم بس انا شوفتها قله ذوق انها هي اللي تيجي تقول فيه عريس متقدم ليها فجيت انا ابلغكم بالموضوع حتي هي متعرفش بالموضوع
والد الاء:والله انتي فجئتينا بالموضوع
عهد:هو الصراحه كان مفاجأه ليا انا شخصيا لاني برضو لسه عارفه امبارح فحبيت اجي انا ابلغكم بالموضوع لان طبعا هما ملهمش صله بيكم الا من طريق صاحبه وصاحبتي
الاء بخجل:طب وهو احم مقولتيش ليه الصبح يا عهد
عهد:لان من الادب هما اول ناس تعرف مش انتي ونقوبهم من بابا العلم بالشئ
والد الاء بأعجاب باحترام عهد:ربنا يحميكي يابنتي
عهد: المهم انتوا تحبوا ادي خبر لأخويا يقولهم يجوا يتقدموا رسمي ولا ايه
والده الاء : الرأي رأي ابوها
عهد: ها يا عمو
والد الاء:هو اخلاقه كويسه
عهد:لا دي مش انا اللي افيد.حضرتك فيها وليد هو اللي يفيد حضرتك
والد الاء:طب انا عايز اعرف رأيه
عهد:خلاص انا هتصل بيه يجي وحضرتك تفهم منه براحتك
والد الاء:يكون افضل
بالفعل اتصلت عهد بوليد فقال:خير يا عهد
عهد:وليد معلشي عايزاك تيجي عند بيت الاء عشان باباها عايزك في حاجه
وليد:خير يعني
عهد:اه خير ان شاء الله متقلقش
وليد:خلاص مسافه السكه واكون موجود
عهد:تمام...هيجي يا عمو
وبالفعل انتظروا قليلا ثم جاء وليد فقام بالسلام علي والدي الاء بينما توجهت كل من عهد والاء الي غرفتها
الاء بخجل:بقي متقوليليش ان في حد متقدملي يا جزمه
عهد:يعني هي اول مره
الاء:لا بس دي حسيت انها مفاجأه كده وجت خطف
عهد:ياستي المهم اني هفرح بيكي اخيرا
الاء: فكك هو اصلا هيترفض زي اللي قابله هو صاحب اخوكي مين اصلا
عهد:اللي هو اسمه سامر ده
الاء بصدمه:هو ده اللي كان
عهد:ايييوه هو اللي لحقك زمان
الاء:احلفي
عهد بضحك:اه والله
الاء:لا مش معقول
عهد بغمزه:ايه كنتي مستنياه
الاء بخجل:لا مش مستنياه ولا حاجه بس كان استحوذ تفكيري فتره الصراحه
عهد بحب:واهو طلبك يا ستي مبسوطالك اوي
الاء:والله خايفه اقولك هيترفض اوافق عليه في الاخر
عهد بضحك:يابنتي عيب بقي اهدي شويه ...
بينما بالخارج قال وليد:لا يا عمي اطمن سامر صاحب عمري وهو بجد شاب محترم وخلوق جدا وانا اضمنه بعمري هو بيخاف ربنا وانا متأكد انه هيخافه في بنت حضرتك
والد الاء:يعني محل ثقه يا وليد يابني
وليد:صدقني يا عمي
والد الاء:تمام انا همشي علي رائيك وهوافق اقابله علي انه تعارف وانه بيتقدم بس وساعتها يبقي ربنا يحلها
وليد:وده المطلوب يا عمي
والد الاء:يبقي علي بركه الله
ابتسم وليد.بفرحه علي صاحب عمره الذي سيحقق حلمه اخيرا ثم قال:يناسب حضرتك معاد ايه يجي فيه
والد الاء:انا رائي يوم الجمعه الساعه سبعه مناسب
وليد:بأذن الله يا عمي وهما برضو والده هيتصل بحضرتك
والد الاء:مفيش مشكله
وليد:احم طيب استأذن انا بقي وعهد
والدته:ما لسه بدري يابني
وليد.بأحترام:معلشي والله عشان بس ورايا محاضره كمان ساعه يدوب اوصل عهد واروح علي الجامعه
والد الاء:خلاص يابني مفيش مشكله
وليد:معلشي استأذن حضرتك بس يا طنط تنادي عهد
والده الاء:حاضر ثانيه بس
توجهت الي غرفه الاء ثم دلفت قائله:عهد حبيبتي اخوكي عايزك عشان تروحوا
عهد:حاضر يا طنط يلا مش عايزه حاجه يا لولو
الاء:تسلميلي يا حبيبتي مع السلامه
غادر كل من وليد وعهد وقام وليد.بإيصال عهد وذهب الي الجامعه وفي المساء عاد الي المنزل ثم قام بالرن علي سامر فقال الاخر بلهفه:ها طمني حصل ايه
وليد بفرحه شديده:عايزك بقي يا سامر تكون اشيك واحد علي يوم الجمعه الساعه سبعه
سامر بفرحه:احلف قول والله انهم وافقوا
وليد:والله العظيم وافقوا
سامر:ااااااه اخيرا مش مصدق بجد حاسس اني بحلم معقول هتجوزها اخيرا
وليد:الف مبروك يا صاحبي مقدما بس صحيح متنساش تخلي والدك يتصل بوالدها لاني قولتله
سامر:لا متقلقش هقوله بأذن الله
وليد:اسيبك بقي مع فرحتك وادخل انام انا واحلم بيها
سامر:طب ما تخليها حقيقه
وليد:ربنا يسهل يا صاحبي ربنا يسهل
سامر:ربنا يسهلهالك
وليد:يارب يلا سلام
سامر:سلام.....
                   ...............................
بينما عند عهد كانت تتكلم مكالمه جماعيه مع الفتيات ولكن غفران بجوارها
حبيبه بفرحه:شديده اخيرا وافقتي بجد يا لولو مبسوطاالك بجد مش مصدقه
حياه:الله هتتجوزي يا حبيبتي انا مبسووطه بشكل فظييع
شهد:اخيرا هحضر فرح  مش مصدقه عايزه اعيط من الفرحه
شاهندا بمزاح:انا فرحنالك جدا بس خايفه عليكي والله يابنتي
غفران:لولو هيتجوز يا ولاد مش مصدقه
الاء بملل:خلصتوا
فقالوا جميعهم:ايوه
الاء:طب انا اسفه علي قطع احلامكم بس ده لسه هيتقدم ويمكن اوافق او لا ويمكن بابا يوافق او لا
قالت عهد بشر:هتوافقي غصب عنك
الاء بضحك:غصب عني
حبيبه:اه عايزه اروح فرح بقي
الاء:طب انا وافقت نفترض يعني بالنسبه لبابا
حياه:احنا نتفق ان كلنا في كل فرض ندعي ان الجوازه تتم
شهد:اه وهحضر الفستان من دلوقتي
الاء بمزاح :ولكنه لم يعلم ان فرحته لن تكتمل
شاهندا:بس يابت ان شاء الله تتم
الاء:اشمعنا كلكم كنتوا رافضين عرسان عهد
شاهندا بخبث :يا عبيطه عهد ليها تخطيط تاني افهمي
الاء:اه صح عندك حق طيب انا هقفل عشان انام وانتوا اتخمدوا وكفايه احلام
حبيبه:فصيله
غفران:جدااا
شهد:تصبحوا علي خير جميعا
اغلقوا معها بعد ان ودعوا بعضهم  ثم ناموا علي امل سعيد بالغد وجميل وبعض الترتيبات الاخري فماذا سيحدث يا تري...
                           .................
عاملين ايه يا قمامير
ايه رأيكم في البارت
عايزه تفاعل بقي بلييز
استنوني في البارت التالي بأن الله ♥
احبكم في الله ♥